Kripto sohasining ta’sirchan namoyandasi Murad Mahmudovning ta’kidlashicha, SPX6900 (SPX) ayni paytda «Dogecoin» (DOGE) va «Pepe» (PEPE) tokenlari portlovchi ko‘tarilishlari oldidan konsolidatsiya qilgan bozor kapitallashuvi darajasida barqarorlashmoqda.
Prinston universitetida tahsil olgan treyder va ko‘pincha «Memkoinlar qutqaruvchisi» deb ataluvchi Murad Mahmudov, 5-aprel kuni «X» ijtimoiy tarmog‘ida (sobiq «Twitter» ijtimoiy tarmog‘i) o‘z tahlilini joylashtirib, SPX boshqa tokenlardan yuqoriroq cho‘qqiga chiqishini ta’kidladi.
Barqarorlik haqidagi taxmin
Murad Mahmudov memkoinlar ichida tarixan muntazam takrorlanadigan naqshni ko‘rayotganini aytdi.
- «Dogecoin» tokeni qiymati bir necha vaqt barqaror va arzon bo‘lib turgach, 2021-yil may oyida o‘zining eng yuqori nuqtasiga – taxminan 87 milliard dollarga yetdi.
- «Pepe» tokeni ham xuddi shunga o‘xshash yo‘ldan bordi, u ham ancha vaqt barqaror qoldi va so‘ngra qiymati qariyb 12 milliard dollarga yetdi.
Hozirda SPX6900 tokenining bozor kapitallashuvi qariyb 244 million dollar bo‘lib, Murad buni oldingi yirik memkoinlar kabi to‘planish bosqichi deb atamoqda.
«Menga qiziq tuyuladi: SPX6900 aynan shu bozor kapitallashuvi darajasida barqarorlashdi va tekislandi, aynan «Dogecoin» va «Pepe» ham yuksalishidan avval mos ravishda 87 milliard va 12 milliard dollarlik bosqichda barqarorlashgan. Bu tasodif emas. Faqat bu safar SPX6900 ancha, ancha balandroqqa chiqadi», — deb ta’kidladi Murad Mahmudov.
Katta yo‘qotishlar orqali ishonchga erishish
Bu prognoz, hatto Murad Mahmudov katta yo‘qotishlarga duch kelayotgani fonida yangramoqda. U taxminan 29,96 millionta SPX tokeniga egalik qiladi, ularning qiymati taxminan 7,8 million dollarni tashkil etadi. Bu esa uning ommaviy kuzatilayotgan portfelining 96 foizini tashkil qiladi.
2025-yil iyulida ushbu portfel qiymati 67 million dollarga yaqinlashgandi. Keyinchalik memkoinlar sektori umuman olganda 80 foizdan ortiq qiymatini yo‘qotdi.
Shunga qaramay, u tokenlarni sotmagan. «Arkham Intelligence» (tahlil kompaniyasi) blokcheyn ma’lumotiga ko‘ra, Mahmudovning SPX pozitsiyasida 60 million dollarga yaqin amalga oshmagan yo‘qotishlar bo‘lsa-da, muhim chiqishlar bo‘lmadi.
Bugungi kunda SPX tokeni narxi taxminan 0,26 dollar atrofida savdolanmoqda, bu uning tarixiy maksimumidan (2,27 dollar) 88 foizga past. Texnik indikatorlar pesimist, narx esa asosiy harakatlanuvchi o‘rtacha qiymatlardan past holatda.
Murad Mahmudovning tarixiy taqqoslanmasi o‘zini oqlaydimi yo‘qmi, bu keyingi oylarda yuqori xavfli memkoinlarga yangi investorlar pulini yo‘naltirish-yo‘naltirmasligiga bog‘liq bo‘ladi.
