«OpenAI» sunʼiy intellekt tashkiloti 23-aprel kuni GPT-5.5 modelini chiqarib, uni «Spud» kod nomi bilan taqdim etdi va bu modelni o‘zining eng kuchli, avtonom va ko‘p bosqichli ishlarni bajarishga moslashtirilgan tizimi deya e’lon qildi.
Ushbu yangi model chiqishi «Anthropic» sunʼiy intellekt tashkiloti tomonidan chiqarilgan Claude Opus 4.7 modelidan atigi bir hafta keyin sodir bo‘ldi. Bu esa ikki ilg‘or model o‘rtasida bevosita taqqoslash imkonini yaratmoqda.
GPT-5.5 agentik ishlar va dasturlashga mo‘ljallangan
GPT-5.5 modeli murakkab vazifalarni rejalashtirish, uni bajarish, to‘g‘ri bajarilganini tekshirish va takrorlab yaxshilash imkonini beradi. Buning uchun har safar inson nazorati talab qilinmaydi. «OpenAI» sunʼiy intellekt tashkiloti izohlarida bu modelni “haqiqiy ish bajarish va agentlar uchun yangi turdagi intellekt” sifatida ta’riflagan.
So‘nggi yangiliklardan boxabar bo‘lish uchun bizni X ijtimoiy tarmog‘ida kuzating
«Biz bosqichma-bosqich (iterativ) joriy etishga ishonamiz; GPT-5.5 allaqachon aqlli model bo‘lsa-da, tezkor takomillashtirishlarni kutamiz. Iterativ joriy etish bizning xavfsizlik strategiyamizning muhim qismi; aynan shunday yondashuv dunyoni sunʼiy intellektga chidamlilik bo‘yicha mushtarak yutuga tayyorlaydi», — deb yozdi Sem Altman (Sam Altman) «OpenAI» sunʼiy intellekt tashkiloti rahbari X ijtimoiy tarmog‘idagi sahifasida.
Model hozirda ChatGPT Plus, Pro, Business va Enterprise tarif egalari uchun taqdim etildi. Bundan tashqari, yanada kuchliroq Pro talqini ham mavjud. API orqali foydalanish narxi har bir million kiruvchi token uchun 5 dollar va har million chiqaruvchi token uchun 30 dollar qilib belgilangan bo‘lib, bir million tokenlik kontekst oynasi bilan ishlaydi.
«OpenAI» sunʼiy intellekt tashkilotining o‘z ko‘rsatkichlarida GPT-5.5 bir qator agentik vazifalarda Claude Opus 4.7 modelidan ustun natijaga erishgan. Masalan, Terminal-Bench 2.0 testida u 82,7% natija ko‘rsatgan, bu ko‘rsatkich Opus 4.7 modelida 69,4% ni tashkil etadi.
FrontierMath 1–3 darajalari testida esa GPT-5.5 uchun natija 51,7%, Claude Opus 4.7 modeli uchun esa 43,8% bo‘lgan. Mustaqil dastlabki sinovlar ham dasturlash va bilimga doir vazifalarni bajarishda shunga o‘xshash ustunlikni ko‘rsatgan.
Claude Opus 4.7 hali ham ustun bo‘lgan yo‘nalishlar
Mustaqil ekspertlarning qayd etishicha, «Anthropic» sunʼiy intellekt tashkilotining ushbu modeli ilmiy tadqiqotlar uchun matn yozishda, yuridik va moliyaviy izchil xulosalar chiqarishda hamda ko‘rsatmalarga aniq amal qilishda ma’lum ustunliklarni saqlab qolmoqda.
Opus 4.7 modeli tasvirlarni yuqori aniqlikda, ya’ni 3,75 megapikselgacha ko‘ra oladi. Bu avvalgi modeldan uch barobardan oshiq.
Kompyuterdan foydalanish testlarida esa farq deyarli kamaygan. GPT-5.5 OSWorld-Verified sinovida 78,7% natija ko‘rsatgan, Opus 4.7 esa 78,0% ga yetgan.
Bundan tashqari, ikki model internetda ma’lumot izlash indikatorlari bo‘yicha ham bir-birini ortda qoldirib boradi. GPT-5.5 Pro bu borada 90,1% ko‘rsatkichga, Opus 4.7 esa 79,3% ga erishgan.
Sunʼiy intellekt yarashi 2026 yilda tezlashmoqda
Bu ketma-ket yangilanishlar kengroq tendensiyani ko‘rsatadi. «OpenAI» sunʼiy intellekt tashkiloti bu yilning o‘zida bir nechta GPT-5.x variantlarini taqdim etdi. Ana shu paytda «Anthropic» sunʼiy intellekt tashkiloti ham Claude modelini bir necha marta yangilab bordi.
«Google» texnologik kompaniyasining Gemini 3.1 Pro modeli ham shu sohaga, ya’ni yirik korxonalar uchun xizmat ko‘rsatishga harakat qilmoqda.
Dasturchilar ushbu ikki modeldan qaysi birini tanlashi ko‘pincha vazifa turiga bog‘liq bo‘ladi. GPT-5.5 modeli agentlarni avtomatlashtirish va uzoq muddatga mo‘ljallangan dasturlash jarayonlari uchun kuchliroq deb qaralmoqda.
Claude Opus 4.7 esa yanada aniqlik talab qiladigan tahliliy ish oqimlari uchun ko‘proq mos tushadi. «OpenAI» sunʼiy intellekt tashkiloti taqdim etgan raqamlarni mustaqil indikatorlar tasdiqlaydimi yoki yo‘qligi yaqin kunlarda ma’lum bo‘ladi.
YouTube kanalimizga obuna bo‘ling – yetakchi mutaxassislar va jurnalistlarning izohlarini tomosha qiling
