BAA (Birlashgan Arab Amirliklari — davlat) federal hukumat sohalari, xizmatlari va operatsiyalarining 50 foizini ikki yil ichida Agentik Sunʼiy intellekt tizimlariga bosqichma-bosqich o‘tkazish bo‘yicha farmoyish chiqardi. Bu — dunyoda bunday keng qamrovda avtonom texnologiyalarni joriy qilayotgan birinchi davlat sifatida tan olinmoqda.
Shayx Muhammad bin Rashid Al Maktum (BAA vitse-prezidenti va hukumat rahbari) ushbu tashabbus asoslarini 23-aprel kuni Prezident Shayx Muhammad bin Zoid Al Nahayon (davlat rahbari)ning ko‘rsatmalariga asoslanib, Vazirlar Mahkamasining yig‘ilishida bayon qildi.
BAAning Agentik Sunʼiy intellekt rejasida nimalar ko‘zda tutilgan
An’anaviy raqamli vositalardan farqli o‘laroq, Agentik Sunʼiy intellekt tizimlari ma’lumotlarni mustaqil tahlil qiladi. Ular qaror qabul qiladi, bir necha bosqichli jarayonlarni o‘zi bajaradi va shu bilan birga inson aralashuvisiz mustaqil ravishda rivojlanib boradi.
Yangiliklarni tezkor o‘qish uchun bizni «X» ijtimoiy tarmog‘ida kuzatib boring
BAA davlat boshqaruvining barcha bosqichlariga Agentik Sunʼiy intellekt texnologiyalari faol hamkor sifatida joriy qilinadi. Shayx Muhammad bu o‘zgarishni davlat boshqaruvi tamoyillarida asosiy burilish sifatida ta’rifladi.
«Sunʼiy intellekt davlat rahbariyati uchun hamkor bo‘ladi — qarorlarni qo‘llab-quvvatlaydi, xizmatlarni yaxshilaydi, operatsiyalar samaradorligini oshiradi, natijalarni real vaqt rejimida tekshiradi va takomillashtiradi», – deyiladi vitse-prezident va hukumat rahbari Shayx Muhammadga tayangan holda rasmiy bayonotda.
Barcha federal xodimlar uchun Sunʼiy intellekt bo‘yicha majburiy o‘quv dasturlari joriy etiladi. Vazirlar va departamentlar rahbarlari esa innovatsiyalarni joriy qilish tezligi, amalga oshirish sifati va Sunʼiy intellekt asosida ish jarayonlarini qayta tashkil etish darajasi bo‘yicha baholanadi.
Ishni muvofiqlashtirish uchun Shayx Mansur bin Zoid Al Nahayon (davlat arbobi) mas’ul etib tayinlandi. Maxsus ishchi guruhga esa Muhammad Al Gargavi (Vazirlar Mahkamasi ishlari vaziri) rahbarlik qiladi.
Sunʼiy intellekt asoslarini yaratish: o‘n yillik tayyorgarlik
Ushbu yangilik BAAning ilgari yaratilgan infratuzilmasiga tayanadi. 2017 yilda mamlakat Sunʼiy intellekt bo‘yicha davlat vazirini birinchi bo‘lib tayinladi va «AI Strategy 2031» (Sunʼiy intellekt strategiyasi 2031)ni amalga oshirishni boshladi.
Vazir lavozimining joriy qilinishi sunʼiy intellekt — kelajakning asosiy inqilobi bo‘lishiga qat’iy ishonch asosida amalga oshirildi. BAA esa bu borada yetakchilik yo‘lini tanladi.
«Sunʼiy intellekt — bugungi real hayotimizning navbatdagi buyuk inqilobi. Maqsadimiz — bu borada eng ilg’or davlatlardan biriga aylanish», — deb ta’kidlagan edi Shayx Muhammad o‘sha vaqtda.
Keyinchalik, 2020-yilda Sunʼiy intellekt, raqamli iqtisodiyot va masofaviy ishlar masalalari bo‘yicha maxsus vazirlik ham tashkil etildi.
Boshqa davlatlar ham shu yo‘nalishda harakat qilmoqda. Masalan, Estoniyaning «KrattAI» (davlat tarmog‘i) va Singapurning «Smart Nation» (iqtisodiy rivojlanish dasturi) tashabbuslari ham davlat xizmatlarida mustaqil agentlardan foydalanishni ko‘zda tutadi.
Biroq, hozircha hech bir davlat federal operatsiyalarining yarmi miqyosida Agentik Sunʼiy intellektni joriy etish uchun BAAdek keng ko‘lamli va aniq muddatli loyiha boshlamagan.
