«World Liberty Financial» moliyaviy kompaniyasining strategik zaxira hamyoni DeFi – markazlashmagan moliyaviy ekotizimda xavotir uyg‘otdi. Chunki bu hamyon o‘ziga qarashli «World Liberty Markets» bozorini boshqaradigan «Dolomite» kreditlash platformasidan 50 million AQSH dollari miqdoridagi USD1 steyblkoinini qarzga oldi.
Blokcheyndagi ochiq ma’lumotlar shuni ko‘rsatadiki, WLFI xazinasining sakkiz milliardga yaqin WLFI boshqaruv tokeni besh kun davomida garov sifatida joylandi. Natijada 50,44 million USD1 qarz olindi va hamyon havzasidan foydalanish darajasi 100 foizdan oshib ketdi. Likvidlik manfiy ko‘rsatkichga, ya’ni -232 000 token darajasiga tushib ketdi. Bu esa platformadagi USD1 steyblkoini butunlay tugab qolganini bildiradi.
Bu harakat ortida nima yotibdi?
N natijada, USD1 steyblkoinini depozit qilganlar uchun yillik foyda foizi (APR) 35,81 foizga ko‘tarildi, kredit olish xarajatlari esa 30 foizgacha yetdi.
DeFi kreditlash bozorlarida bu kabi o‘sishlar odatda kreditga bo‘lgan talab taklifdan ancha yuqori bo‘lganda yuzaga keladi. Mazkur holatda buni aynan loyiha xazinasi o‘zi keltirib chiqardi.
Donald Tramp (Donald Trump) oilasi bilan bog‘langan loyiha 2026-yil yanvar oyida «Dolomite» kredit platformasi bilan hamkorlikda o‘zining «World Liberty Markets» onlayn xizmatini ishga tushirdi.
USD1 — AQSH davlat obligatsiyalari va naqd mablag‘lar bilan ta’minlangan, bir dollar qiymatida turadigan steyblkoin. 2026-yil boshiga kelib, uning bozor kapitallashuvi qariyb 3,5 milliard AQSH dollariga yetdi.
Xazinadagi bunday faol kredit olishning sabablariga ichki likvidlik ehtiyoji yoki onlayn faoliyat va umumiy qiymat indikatorini sun’iy oshirish kiradi.
Hozirda WLFI tokeni ushbu bozorda «Dolomite» platformasidagi jami qiymatning (TVL — platformadagi umumiy bloklangan mablag‘) yarmidan ko‘prog’ini tashkil qilmoqda.
Bu nimasi bilan muhim?
Onlayn tahlilchilar ta’kidlashicha, 35 foizlik daromad umidida steyblkoin qo‘yganlar, mablag‘ni qaytarib olish uchun katta kredit posti yopilmaguncha kutib turishlariga to‘g‘ri keladi.
«Hozirda “Dolomite” platformasida kredit olish foizi 30%. To‘liq kredit olingan va likvidlik -232 000 tokenni tashkil qiladi. Agar siz shu foizni ishlashni xohlasangiz, qachon o‘z USD1 tokeningizni qaytarib olishingiz mumkinligini ham o‘ylab ko‘ring», — deb yozadi bir tahlilchi X ijtimoiy tarmog‘ida.
Jamiyat vakillari ushbu vaziyatni avvalgi DeFi ekotizimi qulashi oldidan pul ishlashga intiluvchi «halqalarga» taqqoslashdi.
WLFI tokenining narxi keskin tushib ketsa, ortiqcha garovli pozitsiya likvidatsiya xatariga yuz tutadi. Bu esa pul hovuzida boshqa ishtirokchilarga ham salbiy ta’sir ko‘rsatishi mumkin.
Yuqori daromadlar haqiqatda mavjud. Ammo ular bozorga ichki ishtirokchi tomonidan sun’iy ravishda yetkazib chiqarilgan defitsit sabab yuzaga kelmoqda. Bu aslida tabiiy bozor talabi emas. Shu sababli, ishtirokchilar «Dolomite» platformasida real vaqtda hovuz natijalarini diqqat bilan kuzatishi va ehtiyotkorlik bilan harakat qilishi tavsiya etiladi.
