Kripto tahlilchilari maʼlumotlariga ko‘ra, XRP tokenining «kit»lari — ya’ni juda katta miqdorda token saqlovchi yirik investorlar — «Binance» birjasiga 112,4 million dollar miqdorida XRP jo‘natdi. Bu so‘nggi yetti oy ichida eng yuqori kirim darajasi hisoblanadi. Ushbu holat yirik egalardan sotuv bosimi oshayotganini ko‘rsatadi.
Biroq, yangi statistikalar shuni ko‘rsatadiki, eng kuchli sotuvlar ancha pasaygan bo‘lishi mumkin. Hozirda treyderlar muhim narx sathlarini kuzatmoqda.
XRP “kit”lari kirimi sotuv bosimi haqida nimani ko’rsatadi?
“Kit” kirimlari deganda yirik investorlarning tokenlarini birjalarga ko’chirishlari nazarda tutiladi. Odatda bu tokenlarni tez orada sotishdan oldin ro‘y beradi. Bu misolda kripto tahlilchi Darkfost 1 million XRPdan ortiq bitimlarni hisobga olgan.
Bu kirimlar ahamiyatli, chunki egalari tokenlarni birjada juda tez sotib yuborishi mumkin. Shuning uchun, kirimlar ko’payganda ko‘pincha narx qisqa muddat ichida pasayadi.
XRP narxining avgustdan beri 30% ga yoki undan ko‘proq oshishi aynan ushbu kirimlarning ko‘payishi bilan bir vaqtda yuz berdi. Natijada ko‘plab yirik egalik qiluvchilar shiddatli narx o‘sishidan foydalangan holda foyda oldi.
Oylik o‘rtacha kirim ham 72 million dollarga ortdi. Oldingi uch oyda o‘rtacha 90 million dollardan oshgan. Ba’zi kunlarda esa bu ko‘rsatkich 400 million dollardan yuqori bo‘ldi.
Lekin, so‘nggi ma’lumotlarda kirimlar yana odatdagi darajaga tushgani ko‘rsatilgan. Bu esa, eng yuqori sotuv bosimi hozircha ortda qolgan bo‘lishi mumkinligidan dalolat beradi.
«BeInCrypto» nashrining ma’lumotiga ko‘ra, matn yozilgan paytda XRP narxi 1,33 dollar atrofida savdolashmoqda. 24 soat davomida narx 1,32 dollar va 1,40 dollar oralig‘ida harakatlana oldi. Umumiy bozor kapitallashuvi esa 84 milliard dollar atrofida turibdi.
XRP 1,40 dollar sathidan oshadimi yoki 1,26 dollarga tushib ketadimi?
Texnik tahlilchilar fikrlari bo‘linmoqda. «CryptoBusy» kriptovalyuta tahlilchilari jamiyati XRP to‘rt soatlik grafikda muhim tushuvchi qarshilik trend chizig‘ini sinovdan o‘tkazayotganini bildiradi. Token yaqinda 1,26 dollardan 1,40 dollarga ko‘tarildi.
Agar narx 1,38–1,40 dollar oralig‘idan yuqoriga yorib o‘tsa, 1,45 va hatto 1,50 dollarga yo‘l ochilishi mumkin. Biroq, 1,33 dollardan pastga tushish XRPni yana 1,30 yoki hattoki 1,26 dollargacha olib tushadi.
Bu orada, EGRAG Crypto (kripto tahlilchisi) ehtiyotkorona qarashlarni bildirdi. Uning grafik chizmasiga ko‘ra, narx dastlab 1,18 dollargacha pasayishi, keyin esa 1,63 va 1,80 dollargacha ko‘tarilishi mumkin. Shuningdek, u buni faqat taxmin deb ta’qidlaydi — narx harakati bunday ssenariyni tasdiqlamaguncha, bu shunchaki taxmin bo‘lib qoladi.
Optimistik ssenariyda esa, Ali Martiez (kripto tahlilchisi) asosiy sathlar saqlansa, XRP uchun yaqin muddatli maqsadni 1,55 dollar deb belgiladi. Hozirgi vaziyatda, 1,33 dollar sathi o‘sish va pastga chuqur “orqaga qaytish” oralig‘idagi chiziq kabi ishlamoqda. Treyderlar harakat qilishdan oldin narx harakatini tasdiqlashni kutishi mumkin.
Biroq, yirik egalik qiluvchilar bozorda tezkor harakat qilish imkoniga ega. Shu sababli, birjalardagi XRP kirimlari hali ham eng muhim ko‘rsatkichlardan biri bo‘lib qolmoqda.
