Kriptovalyuta bozori 2026-yil fevral oyining so‘nggi haftasida qiymati 317 million AQSH dollaridan ortiq bo‘lgan tokenlarni qabul qiladi. Uchta yirik loyiha — «Jupiter» (JUP), «Humanity» (H) va «Grass» (GRASS) — ilgari bozorga chiqmagan tokenlarni aylanishga chiqaradi.
Tokenlarni bo‘shatish kriptobo‘zorida muhim hodisa sanaladi. Bu jarayon likvidlik, narxning o‘zgaruvchanligi va sarmoyadorlar hissiyotiga bevosita ta’sir ko‘rsatadi. Quyida, asosiy e’tibor qaratilishi lozim bo‘lgan jihatlar keltirilgan.
1. Jupiter (JUP)
- Bo’shatilish sanasi: 28-fevral
- Bo’shatiladigan tokenlar miqdori: 253,47 million JUP
- Aylanmadagi taklif miqdori: 3,33 milliard JUP
- Umumiy taklif miqdori: 7 milliard JUP
«Jupiter» — «Solana» blokcheynida ishlaydigan markazlashmagan likvidlik yig’uvchi (agregator) hisoblanadi. «Jupiter» turli markazlashmagan birjalar (DEX) o‘rtasida eng yaxshi narxlarni aniqlaydi va foydalanuvchilarga tokenlarni almashishda maksimal foyda, kam yo‘qotish imkonini beradi.
28-fevral kuni «Jupiter» 253,47 million JUP tokenlarini bozorga chiqaradi. Ularning qiymati taxminan 36,18 million AQSH dollarini tashkil etadi. Bu altkoinlar umumiy aylanmadagi taklifning 7,94 foizini tashkil etadi. Bu ko‘rsatkich «Jupiter»ning har oyda chiqariladigan oddiy 53,47 million tokenidan sezilarli darajada yuqori.
«Jupiter» jamoasi 38,89 million JUP tokenini jamoa a’zolariga yo‘naltiradi. Bundan tashqari, o‘zgaruvchan (merkyurial) manfaatdorlar (stakeholderlar) 14,58 million JUP altkoinlarini oladi.
Alohida ta’kidlash kerakki, jamoa eng katta qism — 200 million JUPni «Jupuary» uchun zaxiralagan. Bu — «Jupiter» loyihasining yillik airdrop dasturi bo‘lib, sodiq foydalanuvchilar va hamjamiyat a’zolarini mukofotlashga yo‘naltirilgan.
2. Insoniyat (H)
- Bo’shatilish sanasi: 25-fevral
- Bo’shatiladigan tokenlar miqdori: 105,36 million H
- Aylanmadagi taklif miqdori: 2,41 milliard H
- Umumiy taklif miqdori: 10 milliard H
«Humanity» (H) — markazlashmagan shaxsni tasdiqlash protokoli bo‘lib, u kaft biometrikasi, maxfiylikni saqlovchi nol bilim isboti va blokcheyn texnologiyasidan foydalanadi. Bu insonlarni shaxsiy ma’lumotlarini oshkor qilmasdan haqiqatdan ham odam ekanini tekshiradi. Loyihada «Proof of Humanity» — «Insoniyatni isbotlash» (PoH) nomli o‘ziga xos konsensus mexanizmi mavjud.
25-fevral kuni ushbu protokol 105,36 million tokenni bozorga chiqaradi. Tokenlarning qiymati — 16,74 million AQSH dollari. Bu esa umumiy bozorga chiqarilgan miqdorning 4,37 foiziga teng.
Jamoa tokenlarni uch yo‘nalishda taqsimlaydi. Ekotizim jamg‘armasiga 50 million H token ajratiladi. Shuningdek, «Humanity» shaxsni tasdiqlash uchun mukofot sifatida 42,86 million altkoin va jamg‘arma faoliyati uchun yana 12,50 million token ajratadi.
3. Grass (GRASS)
- Bo’shatilish sanasi: 28-fevral
- Bo’shatiladigan tokenlar miqdori: 55 million GRASS
- Aylanmadagi taklif miqdori: 416,54 million GRASS
- Umumiy taklif miqdori: 1 milliard GRASS
«Grass» loyihasi foydalanuvchilarga ishlatilmayotgan internet traffikdan daromad olish imkonini beradi. Blokcheyn yordamida qatnashchilarga maxfiylikni saqlagan holda mukofotlar taqdim etiladi. Bu esa dunyo miqyosida ochiq ma’lumot olish imkoniyatini kengaytiradi.
Loyiha 28-fevral kuni 55 million tokenni bozorga chiqaradi. Ularning qiymati taxminan 9,33 million AQSH dollarini tashkil etadi. Bu aylanmadagi tokenlarning 13,15 foizini tashkil etadi.
Hamkorlar (contributorlar) butun bo‘shatilgan miqdorni olishadi. Bundan tashqari, fevral oyining so‘nggi haftasida e’tiborga olish lozim bo‘lgan boshqa yirik token bo‘shatishlar ham mavjud: «Plasma» (XPL), «Kamino» (KMNO), «EigenCloud» (EIGEN) va boshqalar.
