Kriptovalyuta bozori so‘nggi bir kun ichida 1.4% dan ko‘proqqa o‘sdi. Biroq, «Bittensor» (TAO) tokeni bu umumiy tiklanishni boy berdi.
Token so‘nggi 24 soat ichida 9% dan ortiqqa tushib ketdi. Shu sababli, TAO eng yuqori bozor qiymatiga ega bo‘lgan yuzta kriptovalyuta orasida eng yomon natija ko‘rsatgan tokenga aylandi. Ushbu maqola yozilayotgan vaqtda u $292 narxda savdoda edi.
Sotuv bosimi «Covenant AI» (Sunʼiy intellekt bo‘yicha kompaniya) ning «Bittensor» tarmog‘idan chiqishi to‘g‘risidagi e’lonidan keyin yuzaga keldi. «Covenant AI» jamoasi uchta kichik tarmoq – Templar (SN3), Basilica (SN39) va Grail (SN81) ustida ishlagan va shu bilan «Bittensor» protokoli rivojiga katta hissa qo‘shgan yirik ishtirokchilardan biri edi.
«Covenant AI» kompaniyasining asoschisi Sem Der (Sam Dare) chiqishining sababi sifatida markazsizlashtirish tamoyiliga bo‘lgan ishonchsizlikni ko‘rsatdi. Sem Der ochiq bayonotida «Bittensor» protokoli asoschilaridan Yakob Stivs (Jacob Steeves) tarmoqni markaziy usulda boshqarayotgani, garchi u markazsizlashtirilgan deb targ‘ib qilinsa-da, deya aybladi.
Aynan shu, ya’ni «Covenant AI»ning aytishicha, Stivs (Steeves) ularning kichik tarmoqlarida token chiqarilishini to‘xtatgan, o‘z hamjamiyati kanallari ustidan moderatsiya huquqini olib qo‘ygan, infratuzilmasini bir tomonlama yo‘q qilgan va tokenlarni savdo qilish orqali iqtisodiy bosim ko‘rsatgan.
«Biz sarmoyadorlarimizga asosiy da’vo qilayotgan – bu infratuzilma haqiqatan ham markazsizlashtirilgan va undan bemalol foydalanish mumkin – tamoyilini amalda rad etayotgan tarmoqda faoliyatimizni vijdonan davom ettira olmaymiz», – deb yozdi Sem Der. ««Bittensor»da uch kishilik boshqaruv tizimi mavjud, ular tarmoq yangilanishlarini nazorat qiladigan multisig vositasini boshqarishadi* va bu narsa jamiyatga tarqatilgan boshqaruv sifatida ko‘rsatilmoqda. Bu haqiqat emas. Bu – markazsizlashtirish ko‘rinishidagi sahna ko‘rsatuvi». *Multisig – bir tranzaksiyaga bir nechta odamning roziligi bo‘lishini talab qiladigan xavfsizlik usuli.
Bizning «X» ijtimoiy tarmog‘imizga obuna bo‘ling va barcha so‘nggi yangiliklardan biz bilan xabardor bo‘ling
Bu chiqish muhitdagi keskin o‘zgarishni anglatuvchi voqea bo‘ldi. Avval «Covenant AI» kompaniyasining Covenant-72B modeli TAO narxining kuchli o‘sishiga sababchi bo‘lgan edi. Altkoin narxi oshgan, chunki «NVIDIA» (texnologik kompaniya) bosh direktori Jensen Xuans (Jensen Huang) aynan shu model haqida «All-In Podcast» (podkast) dasturida tilga olgan edi.
«Bittensor»dan ketganiga qaramay, «Covenant AI» kompaniyasi o‘z tadqiqot guruhi, mavjud ishlari va modellarini saqlab qolishini bildirdi. Kompaniya yaqin kunlarda yangi loyihalarni e’lon qilishi rejalashtirilmoqda.
««Covenant AI» kompaniyasining asosiy maqsadi o‘zgarmagan. Markazsizlashtirilgan, erkin sunʼiy intellekt o‘qitish faqat «Bittensor»ning xususiyati emas. Bu – bizning jamoa rivojlantirishni xohlayotgan texnologik imkoniyatdir», – deyiladi xabarda.
Bu chiqish «Bittensor» hamjamiyatida boshqaruv borasida yana bir bahsni boshlashiga sabab bo‘ladimi-yo‘qmi, yaqin kunlarda ma’lum bo‘ladi.
Bizning YouTube kanalimizga a’zo bo‘ling va soha yetakchilari hamda jurnalistlari fikrlarini tomosha qiling
