«Predict.fun» kompaniyasi o‘zini birinchi real vaqtli «so‘z tilga olinishi asosida» tuzilgan bashorat bozori sifatida tanishtirdi. Bu yangi imkoniyat foydalanuvchilarga «BNB Chain» tarmog‘i (kompaniya) asoschisi Changpeng Chjao (CZ) yaqinlashib kelayotgan savol-javob (AMA) davomida qaysi so‘zni tilga olishini oldindan taxmin qilib, pul tikish imkonini beradi.
Ushbu bozor 18-dekabr kuni, soat 16:30 UTC+4 da boshlanishi rejalashtirilgan sessiya oldidan ishga tushirildi va tadbirning jonli translatsiyasiga to‘g‘ridan-to‘g‘ri integratsiya qilingan.
BNB zanjiri savol-javobida CZ haqida eslatmalarni real vaqt rejimida kuzatuvchi bashorat bozori
«CZ Mention Market» (CZ so‘zlarni tilga olish bozori) deb nomlangan ushbu mahsulot ishtirokchilarga savol-javob (AMA) davomida CZ ma’lum kalit so‘zlarni belgilangan cheklovdan ko‘proq marta aytishini yoki aytmasligini bashorat qilib pul tikish imkonini beradi.
Masalan, u “BNB” so‘zini besh martadan ko‘proq aytadimi, “Builder” so‘zini uch martadan ortiq eslatadimi yoki boshqa ismlar va mavzularni tilga oladimi, bularning barchasiga pul tikish mumkin.
Kripto tahlilchi AB Kuai Dong ta’kidlashicha, bozor ma’lumotlariga ko‘ra, ishtirokchilar tezda kuchli kelishuvga erishgan.
«Men tekshirdim: ishtirokchilarning 94 foizi CZ «BNB» so‘zini besh martadan ko‘proq aytishiga allaqachon pul tikib bo‘lgan», — deb yozadi AB Kuai Dong «X» ijtimoiy tarmog‘ida postida. U savol-javob hali boshlanmasdan turib, traderlarning kutishlari shakllanganini ta’kidladi.
AB Kuai Dongning fikricha, bu holat bashorat bozorlari tobora an’anaviy bo‘lmagan voqealarga ham moslanib borayotganini ko‘rsatadi. U bu jarayonni jonli ko‘rsatuvlarda tomoshabinlar ovoz berishiga o‘xshatdi, lekin natijalar markazlashtirilgan tizim emas, balki kriptovalyuta asosida bo‘ladi.
«Endi hamma narsa oldindan bashorat qilinmoqda: yuqoridagidan – siyosatdan, quyidagigacha – oddiy jonli translyatsiyalargacha», — deya qo‘shimcha qildi u.
«Predict.fun» platformasi ushbu loyihani soha uchun muhim bosqich deb atadi va bunday g‘oya «bashorat bozorlari tarixida ilk bor» joriy etilganini ma’lum qildi.
Platforma foydalanuvchilar natijalarni savol-javob davomida jonli translyatsiya oynasi orqali real vaqt rejimida kuzatishi mumkinligini ta’kidladi.
Bu savol-javobni «BNB Chain» kompaniyasi tashkil qilmoqda va unda yil yakuni hamda kelajak rivojlanishi haqida fikr yuritiladi. «BNB Chain» (kripto tarmoq) tomonidan e’lon qilingan xabarga ko‘ra, sessiya 2025 yil sarhisobi va undan keyingi quruvchilar, tarmoq va butun ekotizim istiqbollari haqida dastlabki xulosalarni o‘z ichiga oladi.
Bashorat bozorlarida real vaqtli e’tibor savdosi kengaymoqda
CZ (Changpeng Chjao) ilk bor bashorat bozorlari sohasiga dekabr boshida kirishgan va foydalanuvchilarning mablag‘lari natijani kutayotgan paytda ham daromad keltirishi mumkinligini ko‘rsatgan edi.
CZ yangilanishidan bir kun oldin «Trust Wallet» (mobil hamyon xizmati) o‘zining Predictions xususiyatini ishga tushirdi va Web3 bashorat bozori protokoli «Myriad» dastlabki hamkor sifatida loyiha bilan birga ishlay boshladi.
Shu sababli, «CZ Mention Market» ham bashorat bozorlari doirasidagi yangidan-yangi tajribalarni ko‘rsatmoqda — 2025 yilda bu bozorlar tez rivojlandi. Bu jarayon bir qator davlatlarda aniqroq tartibga soluvchi tartib-qoidalar joriy etilishi fonida sodir bo‘lmoqda.
Endilikda platformalar o‘z faoliyatini saylovlar yoki makroiqtisodiy indikatorlar bilan cheklab qo‘ymayapti, balki madaniy tadbirlar, jonli translyatsiyalar va ommaviy nutqlarni ham qamrab olmoqda.
«Predict.fun»ga bo‘lgan qiziqish ortishiga uning sarmoyadorlari ham sabab bo‘ldi. Kompaniyani «YZI Labs» (investitsiya instituti, ilgari «Binance Labs» kompaniyasi deb nomlangan) qo‘llab-quvvatlashini bildirib, mustaqil faoliyat yuritayotgan bo‘lsa-da, bu fakt bashorat bozorlari modeliga nisbatan yirik tashkilotlarning e’tibori ortayotganidan dalolat beradi.
«Predict.fun»dan tashqari, «YZI Labs» instituti «Opinion.Trade» (bashorat platformasi) ni ham qo‘llab-quvvatlaydi. «Opinion.Trade» yaqinda bir haftada 1,5 milliard dollar hajm bilan «Kalshi» va «Polymarket» (bashorat bozorlaridagi raqib platformalar)dan o‘zib ketdi.
Bu jarayonda raqobat kuchayib borayotganini ko‘rish mumkin — bunga «Coinbase» birjasi, «Crypto.com» va «Gemini» (kripto platformalari) ham kirib kelmoqda.
Bu o‘zgarishlar bashorat bozorlari yanada nozik, real vaqt rejimidagi misol va tajribalarga kengayib borayotganini ko‘rsatadi. Hattoki jonli efirdagi so‘zlar soni ham savdo signali, ya’ni moliyaviy ko‘rsatkichga aylanmoqda.
Bunday formatlar soha uchun uzoq muddatli barqaror kengayishmi yoki tor doiradagi tajriba ekani hozircha ochiq qolmoqda.
«BNB Chain» savol-javob (AMA) tadbiri yaqinlashar ekan, «CZ Mention Market» voqeasi kripto sohalari, ommaviy axborot, mashhur shaxslar va jamoat tadbirlari tobora birlashib borayotganiga misol bo‘la oladi. Bu jarayon — e’tiborni o‘lchanadigan va sotiladigan natijaga aylantiryapti. Bozor barqarorligi, investitsiyalar barqarorligi, kelajak barqarorligi.
