«Pi Network» (PI) tashkiloti o‘zining shaxsini tasdiqlagan foydalanuvchilari soni 18 milliondan oshganini e’lon qildi. Ular bu ko‘rsatkichni faqat hamyonlar soni orqali o‘sishni o‘lchaydigan tarmoqlarga nisbatan tuzilma jihatidan ustunlik sifatida ko‘rsatmoqda.
«Pi Core Team» tashkiloti e’lon qilgan xabarga ko‘ra, qiymat almashinuvi uchun shaxsni tasdiqlash (verifikatsiya) majburiy hisoblanadi.
Pi 18 million shaxsni qanday qilib tasdiqladi?
«Pi» ilovasi ichidagi KYC (Shaxsni aniqlashni bilish) tizimi inson moderatorlari va AI (Sunʼiy intellekt) yordamida firibgarlikni aniqlash tizimi bilan birlashtirilgan. Bir milliondan ortiq tasdiqlovchi (validator)lar 526 milliondan ziyod tekshiruv topshiriqlarini bajarib, taxminan 18 million noyob shaxsni tasdiqladi.
Har bir ariza tasdiqlanishidan oldin taxminan 30 ta alohida tekshiruvdan o‘tdi.
Tarmoq yaqinda o‘zining birinchi validator mukofoti taqsimotini yakunladi va ishtirokchilarga 26,5 million PI tarqatdi. Validatorlar har bir topshiriq uchun qariyb 0,05 PI ishlab oldi, bu esa odatdagi mayning (mayning – tarmoqni qo‘llab-quvvatlash uchun mukofot olish) darajasidan 22 barobar ko‘pdir.
Bu maqola yozilayotgan paytda PI narxi taxminan $0,17 atrofida savdo qilmoqda va bir kunda 3,43% ga oshdi. Bozor qiymati esa «CoinGecko» axborot manbasiga ko‘ra 1,75 milliard dollarni tashkil qiladi.
To‘plangan arizalar va vaqtinchalik KYC hali ham muammo
Katta marraga erishilganiga qaramasdan, ko‘plab Pi asoschilari (Pioneers) haligacha kutish jarayonida. Taxminan 44 million foydalanuvchi turli vaqtlarda «vaqtinchalik» KYC holatini olgan, yaʼni ularning shaxsiy ma’lumotlari to‘liq tekshirilishi uchun qo‘shimcha ko‘rib chiqish talab etiladi.
«Agar shunday davom etsa, ayrimlar o‘z Pi’sini ko‘rishi uchun 10 yil kerak bo‘ladi», — deya ta’kidladi bir asoschi X ijtimoiy tarmog‘ida.
Ba’zi foydalanuvchilar ikki yildan ortiq kutayotganini aytishmoqda va muammosi hal bo‘lmayapti. Boshqalar esa KYC muddati o‘tib ketganidan so‘ng yig‘ilgan tokenlarini yo‘qotishdi, chunki arizalari muddatidan oldin tasdiqlanmagan.
Pi tezlashtirilgan FastTrack opsiyasi va avtomatik ko‘rib chiqish tizimini ishga tushirdi, bu esa yana 3,36 million asoschini to‘liq tasdiqlashga yordam berdi.
«Agar foydalanuvchi shartlarga mos bo‘lsa, Pi Wallet ilovasining o‘zida ushbu opsiyani ko‘radi. Shundan so‘ng KYC jarayonini boshlashi va tasdiqlanib, darhol Pi Mainnet hamyoni va uning imkoniyatlaridan foydalanishi mumkin bo‘ladi», — deb ma’lumot berdi jamoa blog’dagi xabarda.
Biroq, hozirgacha 16 milliondan ortiq asosiy tarmoq (Mainnet) migratsiyasi yakunlansa-da, to‘liq tasdiqlangan va to‘liq ko‘chirilgan hisoblar o‘rtasida farq hanuz mavjud.
«Pi»ning «avvalo shaxsingizni tasdiqlang» tamoyili real hayotda doimiy va keng foydalanish uchun foydalimi yoki yo‘qligi, ko‘p jihatdan to‘plangan arizalarni qanchalik tez va samarali hal qilishiga bog‘liq. Bu esa eng sodiq foydalanuvchilarni hanuz to‘liq qoniqtira olmayapti.
