Uch oy davomida unstaking (tokenlarni qulflashdan chiqarish) tufayli doimiy sotuv bosimi kuzatilganidan so‘ng, Efirium tarmog‘ida ijobiy o‘zgarish ro‘y bermoqda. Endi stakingga kirish navbati chiqish navbatidan oshib ketdi.
Tahlilchilar bu o‘zgarishni qanday talqin qilishmoqda? Bu Efirium narxiga qanday ta’sir qilishi mumkin?
Nega efirium narxi unsteyking bosimi kamayganda ikki barobar oshishi mumkin?
Efirium tarmog‘ida kirish va chiqish navbatlari, foydalanuvchilar stakingga kirishni yoki tokenlarni unstake qilishni kutayotgan Bitkoin miqdorini ko‘rsatadi.
Bundan avval tahlilchilar shuni taxmin qilishgandiki, kiritish navbatida Efirium hajmi o‘sishda davom etsa, bozordagi sotuv bosimi kuchayishi mumkin edi.
«Validator Queue» ma’lumotlariga ko‘ra, 10-sentabrdan beri kiritish navbatida turgan Efirium soni chiqish navbatidan oshib ketgan. Shu tariqa, avvalgi nomutanosiblik teskari tomonga o‘zgardi, bu muhim natija.
Hozirda taxminan 745 600 Efirium kiritish navbatida, taxminan 360 500 Efirium esa chiqish navbatida turibdi.
Tahlilchi CryptoHuntz ushbu yaqin oylik jarayonni “Buyuk ko‘chish” deb ta’rifladi. Uning fikricha, bu harakat Efirium narxining sentabr boshidagi 4 800 dollardan hozirgi 3 000 dollargacha pasayishiga sezilarli ta’sir o‘tkazgan.
«Buyuk ko‘chish tugadi… Nihoyat, so‘nggi uch oyda qayd etilgan sotuv bosimi kamaymoqda. Efirium stakingiga qiziqish yana yetakchi o‘ringa chiqdi. Tabiiy holat tiklanmoqda», — deydi CryptoHuntz «X» ijtimoiy tarmog’ida.
Bundan tashqari, «Monad» kompaniyasi (DeFi sohasida faoliyat ko‘rsatuvchi tashkilot) rahbari Abdul ham tarixiy narx harakatlariga asoslanib yanada optimistik fikr bildirdi.
Uning hisob-kitobiga ko‘ra, taxminan iyul oyidan buyon Efirium zaxiralarining 5 foizi, ya’ni 15 milliard dollar atrofidagi tokenlar egasini o‘zgartirgan. Abdul qayd etishicha, validatorlar chiqish navbati 3-yanvarga kelib nolga tushishi mumkin.
Abdul shuningdek, kirish navbati chiqish navbatidan so‘nggi marta oshgan payt iyun oyida bo‘lganini eslatib o‘tdi. O‘sha paytda Efirium narxi qisqa muddatda ikki baravar oshgandi.
Bu kuzatuvlar shuni ko‘rsatadiki, xuddi shu holat yana takrorlanishi mumkin. Efirium hozirgi 3 000 dollarlik narx darajasidan tiklanishi ehtimol haqida signal bor.
Bunday ijobiy qarashlarni «BitMine» kompaniyasi (kripto bozoridagi yirik firma) bosh direktori Tom Liyning qarori yanada kuchaytirdi. «BitMine» – dunyodagi eng katta Efirium zaxirasiga (taxminan 12 milliard dollarlik) ega bo‘lib, staking jarayonida qatnashishga qaror qildi.
«BeInCrypto» nashri (kripto yangiliklari platformasi) xabar berishicha, «BitMine» Efirium staking kontraktiga taxminan 74 880 Efirium, ya’ni qariyb 219 million dollar qiymatida tokenlar kiritgan. Bu kompaniyaning jami 4,07 million Efirium zaxirasining kichik qismi xolos. Maqsad – daromad olish bo‘lib, agar barcha zaxira stakingga qo‘yilsa, 3,12% yillik foyda evaziga 371 million dollargacha daromad olish mumkin.
«CryptoQuant» nashri (analitik platforma) ko‘rsatmalariga ko‘ra, investorlar turli protokollar va kontraktlarga jami Efirium zaxirasidan taxminan 36 million token kiritgan. Bu ko‘rsatkich Efirium narxi 4 900 dollarga yaqinlashganidan beri barqaror bo‘lib turibdi. Yuqoridagi ijobiy signallar bo‘lishiga qaramay, bozordagi hozirgi tekis tendensiya o‘zgarishi haqida hali aniq xulosa qilish uchun erta.
Shuningdek, bu ijobiy holatga ham xavf tug‘diradigan omillar borligi ham qayd etilmoqda. Tahlilchilarning bir qator ko‘rsatkichlari shuni anglatadiki, hali ham AQSHdagi investorlar tomonidan bozorga bosim saqlanib turibdi.
