Uoll-stritda boshlangan o‘sish muhim bosqichga yaqinlashmoqda. «S&P 500» indeksi 2026-yil yanvarida qayd etilgan 7 002 ballik tarixiy maksimumdan atigi 0,5% uzoqlikda turibdi
Ushbu indeks yil davomida ijobiy natijaga chiqdi. Qayta tiklanish, 30-martdan beri aksiyalar umumiy qiymatini qariyb 6 trillion dollarga oshirdi. Bu 10 kun davomida har bir savdo kuni uchun taxminan 550 milliard dollarlik ortish degani bo‘lib, seshanba kuni ham indeks qiymati o‘sishda davom etdi.
S&P 500 tarixiy eng yuqori nuqtaga yaqinlashmoqda va o‘sish sekinlashmayapti
Qayta tiklanishning e’tiborga molik jihati shundaki, u AQSH va Eronga bog‘liq geosiyosiy tanglik fonida boshlandi. Ikkala davlat ikki haftalik otashkesimga erishgan bo‘lsa-da, muvaffaqiyatsiz diplomatik muzokaralar va AQSHning Ormuz bo‘g‘ozini bloklab qo‘yishi hamon noaniqlikni kuchaytirmoqda.
Shunga qaramasdan, bozorlar mustahkamligini saqlab qoldi. Aksiyalar geosiyosiy xatarlarga qaramay yuqorilab bormoqda.
Yangiliklarni birinchi bo‘lib olish uchun bizni «X» ijtimoiy tarmog‘ida kuzatib boring
«BeInCrypto» (kriptovalyuta yangilik portali) xabariga ko‘ra, «Citadel Securities» (moliyaviy xizmatlar kompaniyasi) rahbariyati aksiyalar va obligatsiyalarda hali ham o‘sish imkoniyati borligini bildirgan. Ularning fikricha, Eron bilan tanglikdagi eng salbiy ssenariy xavfi “sezilarli darajada kamaygan”.
Bundan tashqari, «Bitmine» (mayning kompaniyasi) kuzatuv kengashi raisi Tom Li o‘tgan hafta ta’kidlashicha, aksiyalar bozori allaqachon past nuqtani bosib o‘tgan. Uning prognoziga ko‘ra, «S&P 500» indeksi bu yili 7 300 darajasigacha ko‘tarilib, yangi tarixiy maksimumni belgilashi mumkin.
Xedj-fondlar pozitsiyasidan chiqmoqda, yirik kapital yana bozorga qaytmoqda
Pozitsiyalarda o‘zgarish yangi holatni ko‘rsatadi. «The Kobeissi Letter» (analitik axborot xizmati) ma’lumotiga ko‘ra, atigi besh kun ichida Xedj-fondlarning AQSH ETFlariga qisqa pozitsiyasi 2025-yil mayidan beri eng yuqori darajadan so‘nggi besh yildagi holatlar bo‘yicha 97-protsentli pastga tushdi.
«Bu orada, Eronga qarshi harbiy harakatlar davomida chetda qolgan kapital tezda AI (Sunʼiy intellekt) aksiyalariga yo’naltirilmoqda. Nvidia va Apple aksiyalari narxi, yaqinda sodir bo’lgan tuzatishdan so’ng, Costco va Walmartga nisbatan Forward P/E ko‘rsatkichi bo‘yicha deyarli ikki baravar arzonroq bo‘ldi,» deydi tahlilchilar o‘z xabarida. Shu paytda inflyatsiya yana 4% ga yetdi va sarmoyadorlar daromad manbaiti izlashayotgan bir paytda rekord darajadagi qiymatlar ko‘z oldimizda paydo bo‘lmoqda.»
Biroq, ushbu o‘sish baholash indikatorlarini tarixiy rekordlarga olib chiqmoqda. «Global Markets Investor» (bozor tahlilchilari) ma’lumotiga ko‘ra «Buffett indikatori» 232,6% ga yetdi. Bu – tarixdagi eng yuqori ko‘rsatkich.
Bu indikator aksiyalar bozori oʻz iqtisodiyotiga nisbatan haddan tashqari baholanganmi yoki arzonmi – shuni aniqlash uchun ishlatiladi. 100% dan yuqori qiymat odatda bozorda ortiqcha baholanish bo‘layotganini bildiradi.
Hozirgi ko‘rsatkich, 2000-yilgi Dot-Kom pufagi paytidagi 162,6% va 2021-yildagi bozordagi maksimal natija – 218,7% dan ham ancha yuqori.
«Buyuk moliyaviy inqirozdan keyingi past nuqtadan hozirgacha, ushbu nisbat 163,6 foiz punktga yoki uch martadan ko‘proqqa oshdi. AQSH aksiyalari ilgari kuzatilmagan natijada», deyiladi xabarda.
Umuman olganda, bu tarixan nihoyatda qimmat va to‘g‘rilanish ehtimoli yuqori bo‘lgan bozorni ko‘rsatmoqda. Demak, momentum hanuz kuchli, yangi rekord yaqin, ammo fon tobora murakkablashmoqda.
