«Efirium» (ETH) narxi so’nggi 24 soatda ozgina o‘sdi. Bu ko‘rsatkich umumiy bozor tiklanishini aks ettirmoqda. Shu bilan birga, blokcheyn ma’lumotlari ham sotish, ham yig‘ish jarayonlarini ko‘rsatdi. Bu esa investorlar turlicha yo‘l tutayotganini anglatadi.
Ushbu tafovut bozor noaniqligi davom etayotganidan darak beradi. Chunki, ETH asosiy texnik darajalardan pastda savdolanmoqda va bozorda pasayish holati kuzatilmoqda.
Efirium bozori ikkiga boʼlinmoqda: ayrim yirik egalari sotmoqda, boshqalari esa jamgʼarmoqda
Blokcheyn tahliliy maydonchasi «Lookonchain» kompaniyasi (analitika platformasi) ma’lumotlariga ko‘ra, «Efirium» hammuassisi Vitalik Buterin ETH tokenlarini sotuvi davom etmoqda. «Lookonchain» kompaniyasi xabariga ko‘ra, Buterin yaqinda 675,88 ta tokenni sotgan.
O‘tgan bir oy ichida uning jami savdolari 11 422 ETHga yetdi. Bu taxminan 23,33 million dollarga teng. Ushbu tranzaksiyalar Buterinning ilgari bildirgan rejasiga muvofiq, ya’ni u ilgari 16 384 ETH yechib olgan edi va yaqin bir necha yil ichida tokenlarni uzoq muddatli maqsadlar uchun ishlatishni mo‘ljallaganini aytgandi.
«Uning rejasi 16 384 ETH sotish edi. Hozirgacha bu ishning taxminan 70% bajarildi», — deya aniqlik kiritdi «Lookonchain» kompaniyasi (manba).
Shuningdek, «Arkham Intelligence» kompaniyasi (blokcheyn tahlil platformasi) ma’lumotlariga ko‘ra, bu sotuqlar hali davom etmoqda. Buterinning hamyoni bilan bog‘liq bo‘lgan qo‘shimcha ETH tranzaksiyalari ham kuzatildi.
Shu bilan birga, «Lookonchain» kompaniyasi yana bir qatorda «Efirium» g‘aznachilik tashkiloti «FG Nexus» 7 550 ETH, ya’ni deyarli 14,06 million dollar qiymatidagi tokenlarni «Galaxy Digital» kompaniyasiga (moliyaviy xizmat ko‘rsatuvchi kompaniya) o’tkazganini ham xabar qildi.
Bu harakat o‘tgan yili to‘plash bosqichidan keyin amalga oshirilgan. 2025-yil avgust va sentyabr oylarida ushbu g‘aznachilik tashkiloti o‘rtacha 3 860 dollar narxda 50 770 ETH sotib olgan edi.
Keyinroq esa kompaniya o‘z qarorini o‘zgartirib, pozitsiyalarining bir qismini qisqartirishga qaror qildi. U 21 025 ETH tokenni o‘rtacha 2 649 dollar narxda sotib yubordi.
«Ular hozirda 30 094 ETH (57,5 million dollar qiymatida)ga ega. Umumiy zarari esa 82,8 million dollarni tashkil qiladi», — deyiladi xabarda.
Ushbu sotuvlar fonida ETH narxi pasayishda davom etmoqda. Bu esa raqamli aktivlar bilan ishlovchi g‘aznachilik kompaniyalariga bosim qilmoqda. «BitMine» kompaniyasi (kriptoaktiv mayningi kompaniyasi) hali amalga oshirilmagan zararini 7 milliard dollardan oshirib yubordi.
Biroq, yo‘qotishlarga qaramay, kompaniya o‘z investitsiya hajmini kengaytirishda davom etmoqda. O‘tgan hafta «BitMine» yana 51 162 ETH, ya’ni 93 million dollardan ortiq mablag‘ evaziga token xarid qildi (manba). So‘nggi xariddan so‘ng kompaniyaning jami ETH zaxirasi 4 422 659 ETHga yetdi (manba).
Katta miqdordagi raqamli aktivlarga ega yirik investorlar – «kitlar» – ham bozorda faol harakat qilmoqda. «0x2bd7» deb tanilgan bir yirik investor so‘nggi tranzaksiyada 205 «Bitkoin»ni (13,45 million dollarga teng) 6 973 ETHga, ya’ni 1 «Bitkoin» uchun 0,02944 ETH kursda almashtirdi (manba).
Efirium bir kunda 5 foizga oshdi, treyderlar 2 000 dollarli yangi bosqichga chiqishni kuzatmoqda
Hozirga qadar, so‘nggi yirik sotuvlar «Efirium» narxiga bosim o‘tkazgani yo‘q. So‘nggi 24 soat ichida ETH deyarli 5% ga oshdi va shu bilan umumiy kriptovalyuta bozoridan yaxshiroq natija ko‘rsatdi. Umumiy bozor esa shu davrda 3.28% ga o‘sdi. Matbuot vaqti holatiga ko‘ra, «Efirium» 1 916 dollar narxda savdolandi.
Tahlilchi Ted Pillows ta’kidlashicha, «Efirium» tiklanish belgilari ko‘rsatmoqda. Biroq, ijobiy harakat yanada kuchli bo‘lishi zarur.
«ETH 2 000 dollar darajasini qayta egallamagunicha, butun o‘sish yana orqaga qaytishi mumkin», — dedi Ted Pillows (manba).
Katta investorlar va g‘aznachilik tashkilotlari o‘z pozitsiyalarini qayta ko‘rib chiqishda davom etmoqda. Shu bois «Efirium»ning qisqa muddatli harakatlari hali ham umumiy bozor harakati bilan chambarchas bog‘liq bo‘lib qolmoqda.
