«Efirium jamg‘armasi» (tashkilot) 2026-yil uchun “Protokol ustuvorliklari yangilanishi”ni e’lon qildi. U platformadagi yo‘nalishlar tuzilmasini takomillashtirib, «Efirium» hamjamiyati ehtiyojlariga moslashtirmoqda.
Bu strategik yo‘l xaritasi «Efirium» (Efirium) tokeni bozorda bosim ostida qolayotgan bir paytda taqdim qilindi. U yil boshidan beri 33 foizdan ko‘proq qadrsizlandi. Endi asosiy savol: texnik tashabbuslar token narxiga sezilarli ta’sir ko‘rsata oladimi yoki yo‘q?
2026-yilda efiriumdan foydalanuvchilar nimalarni kutishlari mumkin?
Blogda yozilishicha, joriy yilda protokol bo‘yicha ishlar uchta asosiy yo‘nalishda amalga oshirilmoqda. Birinchi yo‘nalish “Masshtablash” deb ataladi. U ilgari «Scale L1» va «Scale Blobs» bo‘lib ajratilgan sa’y-harakatlarni birlashtiradi.
Dasturchilar asosiy, ya’ni birinchi qatlamdagi gaz limitini 100 millionga va undan yuqoriga oshirishga e’tibor qaratmoqdalar. Bu yo‘nalishga, shuningdek, «Glamsterdam» yangilanishi bilan bog‘liq masshtablash elementlarini ishlab chiqish, gaz narxini qayta ko‘rib chiqish va blob parametrlarini yanada kengaytirish ham kiradi.
Shu bilan birga, ishlab chiquvchilar zkEVM attester mijozini tajriba bosqichidan ishlab chiqarish bosqichiga olib chiqishmoqda. Holatni kengaytirish ham ustuvor vazifa. Qisqa muddatli chora-tadbirlar narxlarni qayta hisoblash va tarixni bekor qilishga qaratilgan. Uzoq muddatli reja esa, ma’lumotlarni ikkilik daraxt ko‘rinishiga o‘tkazish va «stateless», ya’ni holatsiz tizimga o‘tishga bag‘ishlangan.
2026-yilda ikkinchi asosiy e’tibor foydalanuvchi tajribasini yaxshilashga qaratilgan. «Efirium» hisoblarni soddalashtirish va turli blokcheynlar o‘rtasida moslikni kuchaytirish bo‘yicha ishlarni chuqurlashtirishni mo‘ljallamoqda. EIP-7701 va EIP-8141 kabi takliflar aqlli hisoblogikani bevosita «Efirium» tizimiga joriy etishni ko‘zda tutayotgan takliflardir.
«Bu ishlar “kvantdan keyin” tayyorgarlik bilan ham bog‘liq. Chunki, zamonaviy hisoblarni soddalashtirish (AA) ECDSA asosidagi autentifikatsiyadan voz kechish uchun tabiiy yo‘nalish yaratadi. Bundan tashqari, bir nechta takliflar bor – ular yordamida EVMda (markazlashmagan hisoblash muhiti) kvantga chidamli raqamli imzolarni tekshirish ancha arzonlashtirilishi mumkin», — deyiladi blogda.
Shuningdek, mavjud standartlarga asoslangan holda, ishlab chiquvchilar bir qatlamdan ikkinchi qatlamga o‘tish jarayonlarini soddalashtirishga intilmoqda. Bunda ishonchli va xavfsiz o‘zaro bog‘lanish, birinchi qatlamda tezroq tasdiqlash hamda qisqaroq hisob-kitob muddati ko‘zda tutilgan.
Va nihoyat, «Efirium» mustahkamlikka ham katta ahamiyat beradi. «Harden the L1» («Birinchi qatlamni mustahkamlash») yo‘nalishi xavfsizlikni oshirishga, jumladan, «kvantdan keyingi» tayyorgarlik, tsenzuraga qarshi tadqiqotlarni kengaytirish va test infratuzilmasini rivojlantirishga qaratiladi. Tarmoq yangilanish tezligining o‘sishi bilan bu ishlar muhim ahamiyat kasb etadi.
Blogda shuningdek, navbatdagi yirik tarmoq yangilanishi — «Glamsterdam» — 2026-yilning birinchi yarmida amalga oshirilishi, undan keyin «Hegotá» yil davomida ishga tushirilishi rejalashtirilgani qayd etildi.
«Reja aniq: parallel ishlash tartibi, gaz limiti keskin oshiriladi, PBS deb ataluvchi yangi funksiya, blob masshtablashda doimiy taraqqiyot, tsenzuraga qarshilik, hisoblarni soddalashtirish va kvant xavfsizligi bo‘yicha sezilarli qadamlar amalga oshiriladi», — deb yozdi jamoa.
Efiriumning navbatdagi yangilanishi tezlik va samaradorlikni oshirishga qaratilgan, bu esa ETH narxini oshirishga yordam bera oladimi?
Bu yilgi reja jamoa tomonidan «Efirium (platforma) protokoli bo‘yicha eng samarali yillar» sifatida ta’riflangan davrdan so‘ng e’lon qilinmoqda. O‘tgan davrda ishlab chiquvchilar ikkita yirik yangilanishni amalga oshirdi: «Pectra» va «Fusaka».
«BeInCrypto» (axborot platformasi) ilgari xabar berganidek, «Pectra» yangilanishi tarmoq faoliyatining oshishiga va narxning ko‘tarilishiga sabab bo‘lgan. Bu yangilanishdan keyin «Efirium» 24 soat ichida 31 foizga qimmatlashdi.
Bu 2021-yildan beri bir kunda qayd etilgan eng katta o‘sish bo‘ldi. Biroq, shuni ta’kidlash joizki, ayni paytda umumiy bozor ham o‘sish jarayonida edi.
Keyingi oylar davomida «Efirium»ning o‘sishi davom etdi. Bunga ijobiy bozor sharoiti va umumiy ishonch kuchayishi yordam berdi. Natijada, aktiv avgust oyida o‘z tarixidagi eng yuqori ko‘rsatkichga (tarixiy maksimum) erishdi.
«Fusaka» esa boshqacha vaziyatda ishga tushirildi. Bozor o‘zgaruvchan va pastga qarab harakat qilayotgan edi. «Efirium»ga ham bosim kuchli edi. Yangilanishdan keyin aktiv ozgina o‘sdi, ammo bozordagi umumiy pastkayona muhit uzoq muddatli ko‘tarilishga to‘sqinlik qildi.
Ana shunday qarama-qarshi natijalarni hisobga olgan holda, endi diqqat «Glamsterdam» yangilanishiga qaratilgan. Bu loyiha yilning birinchi yarmida ishga tushirilishi rejalashtirilgan. Fevral holatiga ko‘ra, «Efirium» hali ham bozor bosimiga duch kelmoqda. Maqola chop etilgan vaqtda token narxi 1 979 dollarga teng edi.
Shunga qaramay, faqat protokol yangilanishi o‘zi bozor holatini ijobiy tomonga o‘zgartira oladimi yoki yo‘q, — bu savol hanuz ochiq. Har qanday sezilarli tiklanish, ehtimol, umumiy bozor sharoiti va texnik taraqqiyot bir-birini qo‘llab-quvvatlasagina sodir bo‘lishi mumkin.
Amaliy jihatdan, «Efirium»ning 2026-yil uchun yo‘l xaritasi narxni darhol ko‘tarishi kutilmaydi. Uning ahamiyati asosan uzoq muddatda namoyon bo‘ladi. Masshtablash, foydalanuvchi qulayligi va tarmoq barqarorligini yanada yaxshilash kriptovalyuta qabul qilinishini asta-sekin kuchaytirib, yirik investorlarning ishonchini mustahkamlashi mumkin.
Biroq qisqa muddatli narx tebranishlari, ko‘proq, makroiqtisodiy o‘zgarishlar va bozorning umumiy kayfiyatiga bog‘liq bo‘lib qoladi. Faqat texnik yangilanishlar bunga kuchli ta’sir qilmaydi.
