Kriptovalyuta bozori murakkab davrni bosib o‘tayotgan bir paytda, «Google Trends» (internetda qidiruv tendensiyalarini o‘rganuvchi kompaniya) ma’lumotlariga ko‘ra, uzoq davom etayotgan ayirbosh bozori sharoitida kripto bilan bog‘liq so‘rovlar sezilarli o‘zgarishga yuz tutmoqda.
Bitkoin narxi grafigi tushkun kayfiyatni aks ettirayotgan bo‘lsa ham, yangi qiziqish to‘lqini asta-sekin yuzaga chiqmoqda. Ushbu yangi o‘zgarish yaqin kelajakda bozorning navbatdagi sikli uchun muhim burilish nuqtasiga aylanishi mumkin.
Kriptovalyuta bozoriga nisbatan chakana investorlarning turlicha hissiyotlari
«Google Trends» kompaniyasi ma’lumotlari ko‘rsatishicha, salbiy va haddan tashqari so‘zlar bilan bog‘liq qidiruvlar keskin oshdi. Masalan, «Bitkoin nolga tushadi» yoki «Bitkoin o‘ldi» kabi iboralar rekord darajaga yetmoqda.
Bitkoin borligiga shubha qilayotgan odamlar odatda bu aktiv haqida bir oz ma’lumotga ega. Biroq ular hali bozorda anchagina tajriba orttirmagan va Bitkoin ilgari qanday qilib boshqa ayirbosh bozor davrlaridan o‘tib chiqqanini bilmaydi.
Ko‘proq tajribali investorlar esa hozirgi vaziyatni tarixiy ma’lumotlar bilan taqqoslaydi. Ular salbiy qidiruvlar eng yuqori nuqtaga chiqqan paytlar tez-tez bozor siklining tagiga yetganini bildirishini kuzatishadi.
Investor NoName ta’kidlashicha, ushbu qidiruvlar avvalgi ayirbosh bozorlariga nisbatan ikki barobar ko‘p. Bu hatto COVID davridagi ko‘rsatkichlardan ham yuqori.
«Har safar ‘Bitkoin o‘ldi’ trendga chiqqanda Bitkoin sotib oling! Natijada siz tasavvur qilib bo‘lmaydigan darajada katta foyda ko‘rardingiz», — deydi investor Robin Seyr o‘z postida.
«Bitcoin Deaths» (statistika yurituvchi veb-sayt) Bitkoin haqida an’anaviy ommaviy axborot vositalarida «Bitkoin o‘ldi» degan e’lonlar qanchalik tez-tez uchrashini kuzatadi. Ma’lumotlarga ko‘ra, bunday holat kamida 467 marta qayd etilgan.
Agar har safar Bitkoin «o‘ldi» degan e’lon chiqib, kimdir shu payt $100 qiymatida Bitkoin sotib olganida, hozirgi kungacha u inson aktivlari $68 milliondan oshgan bo‘lardi.
“Bitkoin nima” so‘rovlari bo‘yicha misli ko‘rilmagan o‘sish
Yana bir muhim nuqta: salbiy kalit so‘zlar va «Bitkoin nima?» qidiruvi taqqoslanganda, Bitkoin tarixida ilgari umuman kuzatilmagan hodisa yuz berdi.
Haqiqiy ma’lumotlarga ko‘ra, «Bitkoin nima?» degan savol bilan bog‘liq qidiruvlar tarixiy maksimum darajaga yetdi. Ikkita qidiruv — biri Bitkoinning yashashiga shubha bilan qarasa, ikkinchisi asosiy ma’lumotni izlaydi — bu ikki trend fevral oyida bozor kayfiyatining qattiq bo‘linganini ko‘rsatib turibdi.
Bitkoin «nolga tushadi» deb o‘ylaydiganlardan farqli o‘laroq, «Bitkoin nima?» so‘rayotganlar asosan yangilar hisoblanadi. Ularning aksariyati kriptovalyuta bozori haqida ilgari umuman hech narsa bilmagan yoki hech qanday sarmoya kiritmagan.
Salbiy kalit so‘zlar bilan to‘g‘ridan-to‘g‘ri taqqoslanganda, «Bitkoin nima?» so‘rovi juda yuqori natija bermoqda.
Ko‘plab odamlar bozorning pasayishi davrida eng oddiy tushunchalarga qiziqib kirmoqda. Ushbu vaziyat e’tiborli. Bu Bitkoin narxi past bo‘lishiga qaramay, baribir o‘ziga kuchli e’tiborni jalb qilayotganini bildiradi. Bundan tashqari, u ilgari raqamli moliya bilan umuman shug‘ullanmagan odamlarga ham yetib bormoqda.
«Dunyoning biror burchagida millionlab odamlar Bitkoin bilan birinchi bor tanishmoqda», — deydi «Binance» (birja) o‘z postida.
Biroq, qidiruv faolligi darhol kapital oqimiga aylanmaydi. «Bitkoin nima?» so‘zi bilan bog‘liq qidiruvlarning ko‘payishi — yangi, bozorga ilk bor kirib kelayotgan sarmoyadorlar avlodining shakllanishi uchun boshlang‘ich indikator bo‘lishi mumkin.
