«Canary Capital Group» (kompaniya) AQSHda qimmatli qog‘ozlar va birjalar bo‘yicha Komissiyasi – «SEC» (davlat tashkiloti)ga S-1 shakldagi ro‘yxatdan o‘tish arizasini topshirdi. Maqsad – «PEPE Coin» (PEPE) tokeni narxini kuzatib boruvchi birjada savdo qilinadigan fond – ETF’ni ishga tushurish.
Taklif qilinayotgan «Canary PEPE ETF» to‘g‘ridan-to‘g‘ri «Efirium» (kriptovalyuta) asosidagi memkoinni – PEPE’ni ushlab turadi. Uning tuzilmasi hozirgi mavjud joyida Bitkoin kabi spot birja fondlariga o‘xshaydi.
Hujjatga ko‘ra, «Canary PEPE ETF» fondi aksiya ulushlarini 10 000 donadan iborat to‘plam sifatida sotadi yoki qayta sotib oladi. Prospektda esa fond qaysi birjada ro‘yxatga olinishi, narx uchun asosiy mezon va raqamli aktivlarni saqlovchi tashkilot haqida ma’lumot berilmagan.
«Trust» (fond)ning asosiy maqsadi – «PEPE Coin» («PEPE») tokeni narxiga, ya’ni fond tasarrufidagi aktivlarga sarmoya kiritishdir. Shu bilan birga fond xarajatlari va boshqa majburiyatlar chegirib tashlanadi,» deyiladi hujjatda.
Eng so‘nggi yangiliklarni tezkor olish uchun «X» ijtimoiy tarmog‘ida bizni kuzatib boring
Fond mablag‘larining kichik bir qismi, ya’ni 5 foizgacha bo‘lgan qismi dastlab «Efirium»da saqlanadi. Bu esa Efirium tarmog‘ida tranzaksiya uchun to‘lovlarni qoplash maqsadida amalga oshiriladi. Biroq, fond boshqaruvchisi «fond investitsiya maqsadida Efirium tokenini ushlab turmaydi» deya alohida ta’kidladi.
«PEPE» tokenidan tashqari, «Canary» (kompaniya) 2025-yil noyabr oyida «Mog Coin» (MOG) ETF uchun ham S-1 hujjat topshirgan. Bundan tashqari, kompaniya «Pudgy Penguins» (PENGU), «Axelar» (AXL) va boshqa tokenlarni kuzatuvchi fondlar uchun ham arizalarni taqdim etgan.
Hozircha AQSHda faqat «Dogecoin» (DOGE) memkoini uchun faol ETFlar mavjud. «Grayscale» (kompaniya), «21Shares» (kompaniya) va «Bitwise» (kompaniya) tomonidan taqdim etilgan uchta spot fond «NYSE» (birja) va «Nasdaq» (birja) savdo maydonlarida sotiladi.
Biroq talab hali pastligicha qolmoqda. «SoSoValue» (internet platformasi) ma’lumotiga ko‘ra, uch fond bo‘yicha umumiy sof investitsiyalar 2024-yil 8-aprel holatiga ko‘ra atigi 7,64 million AQSH dollarini tashkil etdi. Kunlik savdo hajmi esa jami 209 ming dollardan oshmayapti.
Shu bilan birga, bu yangilik «PEPE» narxiga deyarli ta’sir ko‘rsatmadi. Matbuot vaqtida ushbu memkoin narxi qariyb $0.0000035 atrofida edi.
Token narxi 24 soat ichida 4,8 foizdan ko‘proq pasaydi. Sababi – umumiy geosiyosiy noaniqlik xavfli aktivlarni bosim ostida qoldirishda davom etmoqda.
Yetakchilar va jurnalistlar tahlilini tomosha qilish uchun YouTube kanalimizga obuna bo‘ling
