«Lighter» kompaniyasining LIT tokeni ishga tushirilishi bilan juda katta talab bilan qarshi olindi. Boshida faollik yuqori bo‘ldi, lekin narx tezda pasaydi. Bu holat oxirgi bir kundan buyon tarqalgan, yashirin token sotuviga oid daʼvolardan so‘ng yuzaga keldi.
Ushbu da’volar investorlarni xavotirga soldi, natijada bozor juda o‘zgaruvchan bo‘ldi va tokenni boshlang‘ich taqsimoti va oshkoralik masalalari yuzasidan savollar paydo bo‘ldi.
Lighter kompaniyasi bosh direktori xavotirlarga o‘z munosabatini bildirdi
Havotirlar kuchaydi, chunki «beincrypto» nashri kriptovalyuta sohasiga oid yangiliklar tashkiloti “Lighter” yashirin tarzda airdrop (tokenlarni bepul tarqatish) bosqichida beshta hamyonga qariyb 10 million LIT token sotganini xabar qildi. Mazkur mish-mishlar to‘g‘risida «Lighter» kompaniyasining bosh direktori Vladimir Novakovski «Discord» messenjeri orqali jamoatchilikka ochiq izoh berdi (manba).
Vladimir Novakovski tushuntirishicha, «Lighter» kompaniyasi 2024-yilda likvidlik (oldi-sotdining osonligi) taʼminlashga doir tashqi hamkor bilan shartnoma imzolagan. Bu kelishuvga ko‘ra, yopiq beta-test davomida LLPga 5 million LIT likvidlik sifatida yetkazilishi kerak bo‘lgan. Vladimirning taʼkidlashicha, ushbu hamyonlar ichki sotuvlar emas, balki aynan hamkor tashkilotga tegishli bo‘lgan.
«Lighter» jamoasi a’zolaridan birortasi bilan bu xizmat ko‘rsatuvchi o‘rtasida moliyaviy yoki shaxsiy aloqalar yo‘q. Ular LLP faoliyati haqida hech qanday ma’lumotimiz bo‘lmagan paytda ham bu majburiyatni oldilar. Oldi-sotdilar boshlanganida yetarli likvidlik bo‘lishi muhim edi, shu sababli bu riskni o‘z zimmasiga olgan va dastlabki ekotizimga xizmat ko‘rsatgan hamkorni mukofotlash adolatli qaror, deya hisoblayman», — dedi Vladimir Novakovski.
LIT kriptovalyutasidan chiqimlar ustunlik qilmoqda
Izoh berilganiga qaramay, token ishga tushirilganidan beri bozor javobi salbiy bo‘lib qoldi. Qo‘rquv, noaniqlik va shubha, ya’ni «FUD» atamasi bilan ataluvchi holatlar savdo kanallarida hukmron bo‘lib turibdi. Qisqa muddatli investorlar bundan hali ham norozi — ular oshkoralik yetishmasligi sabab, sarmoya hajmini qisqartirishga qaror qilishgan.
Savdo kayfiyati texnik indikatorlarda ham o‘z aksini topgan. Chaikin Money Flow (CMF) indikatori pastga qarab harakatlanmoqda, bu esa mablag‘larning doimiy chiqishidan darak beradi. Hozirda sotish bosimi ko‘pligi sabab, investorlar tezroq tokenlardan qutulishga harakat qilmoqda va narx qachon o‘zgarishini kutmayapti.
Shu kabi token tahlillarini doimiy olishni xohlaysizmi? Tahririyat boshlig‘i, Harsh Notariya tomonidan tayyorlanadigan «Daily Crypto Newsletter» (“beincrypto” kompaniyasi kriptovalyuta yangiliklari byulleteni) ga bu yerda obuna bo‘ling.
Makro ko‘rsatkichlar ham ehtiyotkorlik bilan munosabat bildirish zarurligini ko‘rsatmoqda. On-Balance Volume (OBV — balansdagi hajmlar) indikatorining ham pasayib borishi narxlar zaiflashayotganidan dalolat. OBV narx harakatidagi qat’iyat va kuchini aniqlash uchun ishlatiladi, ayniqsa bozor o‘zgaruvchan bo‘lsa, yordamchi vosita sifatida foydali hisoblanadi.
LIT tokeni holatida narx ham, OBV ham birga tushmoqda. Bu esa oddiy foyda olish emas, balki pasayish jarayoni davom etayotganini tasdiqlaydi. Savdolarda hajmning zaifligi ishonch so‘nayotganini anglatadi – aksariyat ishtirokchilar asosiy ko‘rsatkichlar barqaror bo‘lishiga qaramay, LIT tokenini to‘plashdan bosh tortmoqda. Bozor barqarorligi, investitsiyalar barqarorligi, kelajak barqarorligi – barchasi ishonchga bog‘liq.
LIT narxining qisqa muddatli prognozi
LIT tokeni narxi oxirgi 24 soat ichida 8,5 foizga tushdi va yozilayotgan vaqtda $2.43 atrofida savdolashmoqda. Bu pasayish salbiy kayfiyat, doimiy mablag‘ chiqishi va texnik indikatorlar zaiflashuvi bilan bog‘liq. Yaqin kunlarda natija bosim ostida qoladi, to xaridorlar tashabbusni o‘z qo‘liga olmaguncha.
$2.43 darajasi hozirda eng yaqin qo‘llab-quvvatlash (support) vazifasini bajarmoqda. Agar shu nuqta ushlab turilmasa, LIT yana arzonlashishi mumkin. Agar ayiqcha (pasayish) bosimi davom etsa, keyingi asosiy yordam darajasi $2.31 bo‘lib, shu yerda xaridorlar yo‘qotishlarni kamaytirishga harakat qilishi mumkin.
Bu salbiy taxminlarni bekor qilish uchun anchagina kuchli tiklanish zarur. LIT tokeni $2.66 darajasini yana qo‘llab-quvvatlash darajasi sifatida qaytarib olishi lozim. Agar narx shu chegaradan yuqori tura olsa, $2.82 sari yo‘l ochiladi va bu ishonch tiklanishidan hamda bozor barqarorlashuvidan darak beradi.
