Investorlar shu hafta «Mango Excellent Media» ommaviy axborot vositalari kompaniyasiga investitsiyalarini faol yo‘naltirdi. Xitoyning ushbu televideniyesi aksiyalari 64 foizgacha oshdi, bu so‘nggi yillarda, ya’ni 2015-yil yanvaridan buyon eng katta haftalik o‘sish hisoblanadi.
Ushbu yuqori o‘sish natijasida «Mango» kompaniyasi «MSCI Asia Pacific Index» (mintaqadagi yirik va o‘rta kapitalizatsiyali aksiyalar kuzatuvchi indeks)da eng yaxshi natijani ko‘rsatdi.
Xaridlar to‘lqiniga sabab bo‘lgan debyut
Yuqoriga sakrash 31-avgustga borib taqaladi. Aynan shu kunda «Mango TV» ijtimoiy tarmog’i «G‘arbga Keyingi Safar» («The Later Journey to the West») deb nomlangan, Xitoyda birinchi to‘liq «Sunʼiy intellekt» yordamida yaratilgan uzun metrajli teleserialni namoyish etdi.
Shuningdek, ushbu serial ilk marta «efir paytida ko‘rib chiqish» modelida taqdim etildi. Yangi meʼyoriy tartib ijodkorlarga butun mavsumni tugatmasdan, qismlarni bosqichma-bosqich taqdim qilish imkonini beradi. Bu ijodiy jamoalarga tomoshabinlar fikri asosida keyingi qismlarda o‘zgarishlar kiritish imkoniyatini beradi.
Premyeraning taʼsiri faqat «Mango» kompaniyasi aksiyalari bilan cheklanib qolmadi. «Kunlun Tech» texnologik kompaniyasi va «China Literature» nashriyot kompaniyasi aksiyalari ham ko‘tarildi. Savdogarlar, yaʼni sarmoyadorlar, «Sunʼiy intellekt» yordamida yaratilgan kontent soha yangi muhim o‘sish sur’ati bo‘lishi mumkin deb ishonmoqda.
Bunday javob yil davomida tez-tez kuzatilmoqda: sarmoyadorlarda Xitoyning «Sunʼiy intellekt» aksiyalaridagi yangiliklardan so‘ng doimo katta qiziqish o‘sishi yuzaga kelmoqda.
Analitiklar yanada katta imkoniyatni ko‘rsatmoqda
Davlat teleradiokompaniyasi «China National Radio» taxminlariga ko‘ra, birinchi chorakda taxminan 128 000 ta mikrodrama (qisqa, portret formatdagi videolar) bozorga chiqdi. Ular xitoyliklar orasida juda mashhur. Bu ko‘rsatilgan nomlarning 95 foizi «Sunʼiy intellekt» yordamida yaratilgan.
«Morgan Stanley» (moliyaviy xizmatlar kompaniyasi) analitigi Syu Rebekka hamda uning hamkasblari ushbu meʼyoriy islohotlarni oqim platformalari uchun qo‘shimcha imkoniyat sifatida baholashdi.
«Bizning fikrimizcha, siyosatdagi o‘zgarishlar, ayniqsa, Mango va iQIYI ijtimoiy tarmog’i kabi platformalar uchun ijobiy. Ayniqsa, «Sunʼiy intellekt» yordamida yaratilayotgan yangi kontent va raqobat kuchayib borayotgani hisobga olinsa».
«iQIYI» ijtimoiy tarmog’i Mango ijtimoiy tarmog’inig asosiy raqiblaridan biridir. U Xitoyda videoni oqimda namoyish qiluvchi kompaniyalardan sanaladi.
«Citigroup» (moliyaviy xizmatlar kompaniyasi) dan Gong Brayan va uning hamkasblari esa boshqacha yondashuvni namoyon qildi. Ularning fikricha, sarmoyadorlar hozircha Xitoyning «Sunʼiy intellekt» asosidagi video platformalaridan tez orada kelayotgan tijoriy foydani yetarli baholamayapti.
Analitiklarning aytishicha, «ByteDance» kompaniyasining «Seedance» mahsuloti – matndan video yarata oluvchi tizim – hozirda sohada sifat bo‘yicha asosiy o‘lchov tizimi hisoblanadi.
Biroq, raqobatchilar ham o‘z sohalarini mustahkamlab borishmoqda. Masalan, «MiniMax Group» kompaniyasining H3 modeli ham matndan video yaratadi va arzon narxda yuqori sifatli videolar ishlab chiqmoqda. «Kuaishou Technology» kompaniyasining «Kling» mahsuloti esa xalqaro foydalanuvchilar orasida keng ommalashib, yetakchilar qatoriga kirishga harakat qilmoqda.
Bozordagi yuqori o‘sish uzoq davom etadimi-yo‘qmi, bu serialni haftalardan keyin ham tomoshabinlar qanday kutib olishiga bog‘liq bo‘ladi.
