Rojdestvo haftaligi tarixan notinch davr bo‘lib kelgan, biroq bu har doim ham kriptovalyuta tokenlari qiymatining oshishiga olib kelmagan. Shuning uchun, bozordagi tebranishlarni barqaror o‘sishga aylantirish uchun tokenlar boshqa omillarga ham tayanishi kerak.
«BeInCrypto» axborot nashri uchta muayyan altkoinni tahlil qildi. Ularning har birida narxini 2025-yil Rojdestvo atrofida oshiradigan muhim omillar mavjud.
Uniswap (UNI)
«Uniswap» birjasining UNI tokeni sarmoyadorlar diqqat markazida turibdi, chunki UNIfikatsiya taklifi qabul qilinish arafasida. Ovoz berish 25-dekabrgacha davom etadi, hozirda esa 97,8% qo‘llab-quvvatlash bildirildi. Bunday kuchli ishonch UNI tokeni yangilanishi bo‘yicha ortib borayotgan qiziqish va faol savdoni oshirmoqda.
Taklifga ko‘ra, 100 million UNI tokeni yo‘q qilinadi — bu esa ta’minotni cheklaydi va narxining barqarorligini kuchaytiradi. Kutishlarning o‘zi ham UNI narxini 26,5 foizga oshirdi. Hozir token $6,27 atrofida savdolashmoqda, va $6,57 qiymatini ham bosib o‘tishi mumkin. Agar narx ko‘tarilishda davom etsa, UNI $7,00 yoki undan yuqoriroq bo‘lishi ehtimoli mavjud.
Shunga o‘xshash tokenlar haqida yana ko‘proq ma’lumot olmoqchimisiz? Bosh muharrir Harsh Notariya tayyorlaydigan har kunlik «Daily Crypto Newsletter» axborot byulleteniga mana bu havola orqali obuna bo‘ling.
Agar foydani tezda olish boshlansa, xavflar kuchayadi. Tokenni erta sotish narxning o‘sishini to‘xtatishi mumkin. Bu holatda, UNI $6,57 narxini qayta egallashda qiynalishi va $6,02 ustida bir muddat barqarorlashishi mumkin. Bunday narx harakati o‘sish jarayonini sekinlashtiradi, ammo umumiy yuqorilash yo‘nalishini to‘xtatmaydi.
Midnight (NIGHT) – Tun yarmida (NIGHT)
NIGHT altkoini oxirgi bir haftada 71% ga oshdi va so‘nggi 24 soat ichida $0,100 dan yuqoriroq tarixiy maksimal darajaga yetdi. Bu sakrash muxim sarmoyador qiziqishi bilan bog‘liq bo‘lib, «Midnight» loyihasi asoschisi Charlz Xoskison (Charles Hoskinson) ishtiroki token obro‘si va bozorda ko‘rinishini oshirmoqda.
Bu hamkorlik asosiy harakatlatuvchi omil bo‘lib qolmoqda. Agar sarmoyadorlarning ishonchi ta’til davrida saqlanib qolsa, yuqoriga harakat davom etishi mumkin. Doimiy talab NIGHT narxini $0,120 tarixi maksimalidan ham yuqoriga olib chiqishi mumkin. Agar bozor sharoiti ijobiy qolsa, narx $0,150 sari oshish ehtimoli mavjud.
Kutilmaganda foyda olish bozordan teskari harakatlarni keltirib chiqarishi mumkin. Agar bosim oshsa, NIGHT $0,100 qo‘llab-quvvatlash darajasidan pastga tushishi ehtimoli mavjud. Agar shu darajadan pastga ketsa, narx $0,075 sari tushib, o‘sish prognozini bekor qilishi mumkin.
Aave (AAVE)
«Aave» (kriptovalyuta protokoli) hafta davomida tuzatishdan o‘tgan yagona yirik token bo‘ldi: altkoin 14,84% ga tushib, hozir $160 atrofida savdolashmoqda. Bu pasayish bozordagi umumiy o‘sishga zid. So‘nggi zaiflikka qaramay, investorlar asosiy omillar va yaqinlashib kelayotgan boshqaruvdagi o‘zgarishlarni qayta baholasa, AAVE tiklanishga harakat qilishi mumkin.
Ave’dagi (kripto platformasi) asosiy harakatlatuvchi kuch — yaqinda e’lon qilingan 1-bosqich ovoz berish AAVE tokeni kelishuvi bo‘yicha taklifdir. Unga ko‘ra, Aave brendiga aloqador aktivlar DAO (markazlashmagan avtonom tashkilot) nazorati ostiga o‘tkaziladi va tashqi bosimlardan himoyalanadi. Agar bu boshqaruv islohotini sarmoyadorlar qo‘llab-quvvatlasa, ishonch oshib, AAVE narxi $164 ustiga chiqishi va $180 tomon oshish ehtimoli ortadi.
Agar sarmoyadorlar tomonidan hali ham yetarlicha qo‘llab-quvvatlash bo‘lmasa, xavf oshib boradi. Uzoq davom etuvchi ikkilanma bozor bosimini kuchaytirishi mumkin. Bu holatda, AAVE $157 darajasidan pastga tushib ketishi ehtimoli kuchayadi. Agarda pasayish davom etsa va token $150 sari tushsa, bu qisqa muddatli pesimist kayfiyatni kuchaytiradi va o‘sishing rad qilinishiga olib keladi.
