2025-yil aprel oyining ikkinchi haftasida kriptopul bozorida umumiy qiymati 899,3 million dollardan ortiq bo‘lgan yangi tokenlar muomalaga chiqariladi. «Aptos» (blokcheyn loyihasi), «Babylon» (markazlashmagan protokol), va «Linea» (blokcheyn infratuzilmasi) kabi yirik loyihalar muhim miqdorda tokenlarni chiqaradi.
Ushbu tokenlarning chiqishi bozorda beqarorlik keltirib chiqarishi va qisqa muddat ichida narxlarning o‘zgarishiga ta’sir qilishi mumkin. Shu bois, kuzatuvga arziydigan asosiy ma’lumotlar bilan tanishing.
1. Aptos (APT)
- Chiqarilish sanasi: 12-aprel
- Chiqariladigan tokenlar soni: 11,31 million APT
- Aylanmadagi tokenlar soni: 1,66 milliard APT
- Jami chiqarilishi rejalashtirilgan: 2,59 milliard APT (2035-yilgacha)
«Aptos» – bu markazlashmagan ilovalar (dApp) va Web3 ekotizimi uchun samarali, xavfsiz va masshtablanadigan blokcheyn platformasi. U yuqori tezlikda tranzaksiyalarni va aqlli shartnomalarni bajarish imkonini beradigan Move dasturlash tilidan foydalanadi.
12-aprel kuni «Aptos» 11,31 million token chiqaradi. Ushbu tokenlarning qiymati 9,65 million dollarni tashkil etadi. Bu miqdor aylanmadagi tokenlarning 0,68 foiziga teng.
Loyihaning asosiy ishtirokchilariga 3,96 million APT ajratiladi. Hamjamiyat va investorlarga xar xil ravishda 3,21 million va 2,81 million token beriladi. Bundan tashqari, «Aptos» jamg‘armaga 1,33 million token ajratadi.
2. Babylon (BABY)
- Chiqarilish sanasi: 10-aprel
- Chiqariladigan tokenlar soni: 612,5 million BABY
- Aylanmadagi tokenlar soni: 1,62 milliard BABY
- Jami chiqarilishi rejalashtirilgan: 10 milliard BABY (2035-yilgacha)
«Babylon» – bu Bitkoin (kriptovalyuta) ni markazlashmagan tarzda Proof-of-Stake blokcheynlarini himoya qilish uchun tiklashga imkon beruvchi protokol. Bu tarmoq, Bitkoinni saqlovchi tashkilotlar yoki ko‘priklar bo‘lmagan holda, foydali aktivga aylantiradi. BABY — tarmoqning o‘z tokeni.
Ushbu altkoinning asosiy uchta vazifasi mavjud: tranzaksiya yig‘imlarini to‘lash, on-chain boshqaruvda qatnashish va Bitkoin bilan birga qo‘shma tikish orqali tarmoq xavfsizligini oshirish.
10-aprel kuni tarmoq 612,5 million token chiqaradi. Ushbu altkoinlar qiymati 7,56 million dollarni tashkil etadi. Bu chiqariladigan tokenlar aylanmadagi miqdorning 37,77 foizini tashkil etadi.
«Babylon» chiqariladigan tokenlarni uch yo‘nalishda taqsimlaydi. 381,25 million token dastlabki xususiy bosqichda sarmoya kiritganlarga ajratiladi. Jamoa 187,5 million BABY oladi. Yakunda, 43,75 million token maslahatchilarga ajratiladi.
3. Linea (LINEA)
- Chiqarilish sanasi: 10-aprel
- Chiqariladigan tokenlar soni: 1,38 milliard LINEA
- Aylanmadagi tokenlar soni: 25,92 milliard LINEA
- Jami chiqarilishi rejalashtirilgan: 72,01 milliard LINEA
«Linea» — bu «Efirium» (kriptovalyuta) uchun yaratilgan, ikkinchi darajali, arzon va tez ishlovchi, yuqori darajali moslikka ega yengillashtiruvchi (scale qiluvchi) blokcheyn yechimi bo‘lib, ayni vaqtda «Efirium» asboblari va xavfsizligiga ham mos keladi.
Tarmoq 10-aprel kuni 1,38 milliard token chiqaradi. Tokenlarining qiymati taxminan 4,68 million dollar. Bu chiqarilish, aylanmadagi umumiy tokenlarning 5,32 foiziga teng.
«Linea» tarmoqning uzoq muddatli barqarorligini saqlash uchun 600,08 million token ajratadi, «Ignition» uchun esa 480,07 million LINEA ajratiadi. Qolgan 300,04 million token esa kelajakdagi airdroplarga taqsimlanadi.
Bundan tashqari, aprel oyining ikkinchi haftasida boshqa mashhur unlocklar ham amalga oshiriladi. Ular orasida «RedStone» (kriptovalyuta platformasi), «BounceBit» (xizmat ko‘rsatuvchi kompaniya), «Movement» (kriptovalyuta platformasi) va yana boshqa loyihalar ham bor.
