«World Liberty Financial» moliyaviy tashkiloti yakshanba kuni o‘zining raqamli aktivlardan bir qismini bog‘langan barqaror tokeni – USD1’ni tezroq ommalashtirishga yo‘naltirish taklifini ilgari surdi.
28-dekabr kuni eʼlon qilingan boshqaruv taklifi loyiha erkin WLFI tokenlari zaxirasining 5 foizidan kamini rag‘batlantirish dasturlariga ajratishga ruxsat so‘raydi. Bu tashabbus, WLFI tokeni egalarining boshqaruvidagi infratuzilmaga ko‘proq foydalanuvchilar, platformalar, tashkilotlar va blokcheyn tarmoqlarini jalb etib, dollar kursiga bog‘langan aktivdan foydalanishni kengaytirishni maqsad qilgan.
WLFI xazinadan mablag‘ ajratish rejasiga qarshi dastlabki noroziliklarga duch keldi
«World Liberty Financial» moliyaviy tashkiloti bu harakatni o‘z ekotizimini rivojlantiruvchi doimiy harakat sifatida taqdim etdi.
Taklifga ko‘ra, USD1 tokenidan keng foydalanish WLFI tarmog‘ining miqyosini, amaliy ahamiyatini va iqtisodiy faolligini oshiradi. Bu esa WLFI tokeni egalarining boshqaruvidagi infratuzilmaga ko‘proq foydalanuvchilar, turli platformalar, muassasalar va blokcheyn tarmoqlari integratsiyalashishiga olib keladi.
“USD1’dan ko‘proq foydalanish WLFI ekotizimida qiymat hosil qilish imkoniyatlarini kengaytiradi, bu esa WLFI boshqaruvi ostidagi tashabbuslarning va tokenning uzoq muddatli foydasiga xizmat qiladi,” — deyiladi taklifda aytilgan.
Bundan tashqari, Donald Trampga aloqador loyiha xarajatlarni USD1 hamda boshq konkurent barqaror tokenlar o‘rtasidagi raqobat farqini qisqartirish uchun zarur deb hisoblaydi.
Taxminan olti oy oldin ishga tushirilganidan buyon, USD1 barqaror tokenining bozor qiymati hozirda 3,2 milliard dollarga yetdi. «DefiLlama» tahliliy tashkiloti ma’lumotiga ko‘ra, u hozir dunyodagi yettinchi eng yirik barqaror token hisoblanadi. Bu ko‘rsatkich bo‘yicha «PayPal» to‘lov platformasining PYUSD barqaror tokenidan orqada, biroq «Ripple» moliyaviy texnologiyalar kompaniyasining RLUSD tokenidan oldinda turadi.
Shu bilan birga, subsidiya asosidagi rivojlanishni harakatga keltirishga urinish bozorda kuzatilayotgan agressiv strategiyalarga o‘xshaydi.
So‘nggi paytda «Binance» kriptovalyuta birjasi reklama aksiyasi boshlab, foydalanuvchilarga USD1 jamg‘armalariga yiliga 20% gacha foyda olish imkoniyatini taklif qildi. Har bir foydalanuvchi uchun maksimal miqdor 50 000 dollar bilan chegaralangan. «World Liberty Financial» moliyaviy tashkiloti ham shu yo‘l bilan, o‘z kapitalidan foydalanib, shunga o‘xshash foizli hamkorliklarni tashkil etishni rejalashtirmoqda.
Biroq bu reja dastlab ovoz beruvchilar tomonidan ehtiyotkorlik bilan kutib olindi. Dastlabki natijalarga ko‘ra, yakshanba kuni tush vaqtigacha ovoz berishda ishtirok etganlarning 67,7 foizi bu choraga qarshi chiqqan. Ovoz berish jarayoni 2026-yil 4-yanvarga qadar davom etadi.
Hozirgi qarshiliklarga qaramay, taklif hali ham faol bo‘lib turibdi. Ehtimol, muddat tugagunga qadar yirik investorlar yana o‘z fikrlarini bildirishi mumkin.
Loyiha vakillari yangi dastur doirasida rag‘bat oladigan barcha hamkorlar ochiq oshkor qilinishini va shaffoflik ta’minlanishini bildirdi.
