Eng so‘nggi internet jinoyatchiligi haqidagi hisobotda, «FBI» (AQSh Federal Qidiruv Byurosi davlat tashkiloti) shuni ma’lum qildiki, «Internet Crime Complaint Center» (IC3, Internet jinoyatlari bo‘yicha shikoyatlar markazi davlat tashkiloti) 2025-yilda kriptovalyuta bilan bog‘liq firibgarliklardan 11,366 milliard dollar zarar qayd etgan. Bu ko‘rsatkich bir yil avvalgidan 22 foizga ko‘p.
Yillik hisobotda jami 181 565 ta kriptovalyuta bilan bog‘liq shikoyatlar qayd etilgan bo‘lib, bu ham o‘tgan yilga nisbatan 21 foizga ortgan. O‘rtacha yo‘qotilgan mablag‘ 62 604 dollarni tashkil qilgan. 18 589 ta fuqaro esa 100 ming dollardan ortiq mablag‘ini yo‘qotgan.
Bir Guruh 2025 Yilda Kriptovalyuta Firibgarliklaridan 4,4 Milyard Dollar Yo‘qotdi
E’tiborga molik jihat shundaki, 60 yosh va undan katta insonlar eng ko‘p zarar ko‘rgan toifalar bo‘ldi. Bu odamlar tomonidan 44 555 ta kriptovalyuta bilan bog‘liq shikoyatlar yo‘llangan va ular 4,43 milliard dollar zarar ko‘rgan. Bu esa, jami xabar qilingan kriptovalyuta yo‘qotishlarining deyarli 39 foizini tashkil qiladi. Ushbu ko‘rsatkich 2024-yilda 2,8 milliard dollar atrofida bo‘lgan bo‘lsa, 2025-yilda deyarli ikki baravar oshgan.
Bundan tashqari, 60 yoshdan katta toifadagi insonlar, keyingi eng ko‘p zarar ko‘rgan guruhga nisbatan ikki baravadun ko‘proq pul yo‘qotishgan. Masalan, 50—59 yosh oralig‘idagi amerikaliklar 2,139 milliard dollar miqdorida kriptovalyuta yo‘qotganini xabar qilishgan.
So‘nggi yangiliklar uchun bizni «X» ijtimoiy tarmog‘ida kuzatib boring
Kriptovalyutalarga investitsiya firibgarliklari eng ko‘p tarqalgan tur bo‘lib, jami yo‘qotishlar 7,228 milliard dollarni, shikoyatlar soni esa 61 559 tani tashkil qildi. Bu 2024-yilga nisbatan shikoyatlar sonida 48%, moliyaviy zararda esa 25% o‘sishni ko‘rsatdi.
Shuningdek, kriptovalyuta ATM va terminal firibgarliklari ham o‘sishda davom etmoqda. Bu yo‘nalishda 13 460 ta shikoyat bo‘yicha 389 million dollar zarar ko‘rilgan. Bu esa bir yil ichida 58% ga ortganini ko‘rsatadi. Bundan tashqari, mablag‘ni qaytarib beraman deb aldovchi sxemalar yana 1,4 milliard dollar zarar olib kelgan.
Shuningdek, Kaliforniya shtati 2,099 milliard dollar bilan kriptovalyuta yo‘qotishlari bo‘yicha yetakchilik qilmoqda. Undan so‘ng 1,016 milliard dollar bilan Texas va 914,5 million dollar bilan Florida kelmoqda.
«FBI» (AQSh Federal Qidiruv Byurosi davlat tashkiloti) ma’lumotlariga ko‘ra, nazorat va tartibga solish choralari kengaygan bo‘lsa-da, kriptovalyuta bilan bog‘liq firibgarliklarning ko‘lami va murakkabligi bu xavflarning oldini olishga qaratilgan harakatlardan o‘zib ketmoqda.
