Kriptovalyuta bozori kelasi yetti kun ichida 650 million dollardan ortiq qiymatga ega yangi tokenlarni muomalaga chiqarishini ko‘radi. Yirik loyihalar, jumladan, «Sui» (L1 blokcheyn platformasi) (SUI), «Sign» (omnichain attestatsiya protokoli) (SIGN) va «Jupiter» (desentralizatsiyalashgan likvidlik agregatori) (JUP) katta miqdorda yangi tokenlar chiqaradi.
Ushbu tokenlarning muomalaga chiqishi bozorda tebranishlarni keltirib chiqarishi va qisqa muddatli narxlarning o‘zgarishiga sabab bo‘lishi mumkin. Shu sababli, kuzatish kerak bo‘lgan asosiy jihatlar haqida ma’lumot beramiz.
1. Sui (SUI)
- Muddat: 1-may
- Ochiladigan tokenlar soni: 42,62 million SUI
- Muomaladagi taklif: 3,96 milliard SUI
- Umumiy taklif: 10 milliard SUI
«Sui» – yuqori unumdorlikdagi Layer-1 blokcheyn platformasi. U markazlashmagan ilovalarni (dApp) kengaytirish, xavfsiz va samarali qilish uchun Move dasturlash tilidan foydalanadi.
Bundan tashqari, tarmoq parallel hisoblashga e’tibor qaratgan. Bu esa uni o‘yinlar, markazlashmagan moliya (DeFi) va Web3 ekotizimlari uchun mos qiladi.
1-may kuni «Sui» o‘z dasturiga binoan 42,62 million altkoin bo‘shatadi. Bu miqdor umumiy muomaladagi tokenlarning 1,08 foizini tashkil qiladi va tahminan 40,39 million dollar qiymatga ega.
Ochilgan tokenlarning 19,32 millioni B seriya investorlariga taqsimlanadi. Jamiyat zaxirasi va dastlabki hissa qo‘shganlarga mos ravishda 12,63 million va 8,60 million SUI beriladi. «Mysten Labs» (texnologiya kompaniyasi) esa 2,07 million altkoin oladi.
2. Jupiter (JUP)
- Muddat: 28-aprel
- Ochiladigan tokenlar soni: 53,47 million JUP
- Muomaladagi taklif: 3,63 milliard JUP
- Umumiy taklif: 7 milliard JUP
«Jupiter» – bu «Solana» (blokcheyn platformasi) blokcheynidagi markazlashmagan likvidlik agregatori. U foydalanuvchilarga turli birjalar (DEX) orasida tokenlarni eng qulay narxda almashtirish imkonini beradi. Narxlar eng yaxshi bo‘lishi va yo‘qotish kam bo‘lishi uchun xizmat qiladi.
28-aprel kuni «Jupiter» 53,47 million JUP tokenni ochadi. Bu taxminan 9,77 million dollarga teng va muomaladagi tokenlarning 1,53 foizini tashkil etadi. Bu jarayon har oyda rejalashtirilgan holda amalga oshiriladi.
«Jupiter» asosan tokenlarni jamoa a’zolari uchun – 38,89 million JUP yo‘naltirgan. Bundan tashqari, «Mercurial» (blokcheyn loyihasi) hamkorlari 14,58 million JUP altkoin oladi.
3. Sign (SIGN)
- Muddat: 28-aprel
- Ochiladigan tokenlar soni: 401,1 million SIGN
- Muomaladagi taklif: 1,93 milliard SIGN
- Umumiy taklif: 10 milliard SIGN
«Sign» – bu omni-chain attestatsiya protokoli. Ushbu platforma foydalanuvchilar va kompaniyalarga har qanday da’vo yoki so‘zning ishonchliligini tasdiqlash imkonini beradi.
28-aprel kuni jamoa 401,1 million SIGN tokenini ochadi. Bu tokenlarning umumiy qiymati 7,05 million dollarni tashkil etadi va muomaladagi tokenlarning 20,78 foiziga to‘g‘ri keladi.
Jamoa ushbu altkoinlarning 150 millionini jamiyat rag‘batlantirishiga, 45 millionini esa ekotizim rivojiga ajratadi. Fond esa 95 million SIGN oladi. Bundan tashqari, dastlabki investor va jamoa a’zolari uchun mos ravishda 83,33 million va 27,78 million token ajratilgan.
Bu uch loyihadan tashqari, «Optimism» (markazlashmagan ilova protokoli) (OP), «Treehouse» (blokcheyn statistikasi platformasi) (TREE) va «Zora» (NFT va raqamli san’at platformasi) (ZORA) ham yangi tokenlarini bozorga chiqaradi.
