«Kraken» (AQSHdagi eng yirik kriptovalyuta birjalaridan biri), Magna tokenlarni boshqarish platformasini o‘z tasarrufiga oldi.
Bu harakat kompaniyaning faol va tezkor kengayib borayotganidan dalolat beradi. Hozirda «Kraken» birja birlamchi aksiyalarni joylashtirish (IPO)ga tayyorgarlik ko‘rmoqda.
Kraken Amerika Qo‘shma Shtatlarida aksiyalar birjasida joylashish harakati doirasida Magna kompaniyasini sotib oldi
«Fortune» nashrining yozishicha, ushbu kelishuv shartlari, juma kuni yakunlanganiga qaramay, oshkor etilmadi. Bu «Kraken» birjasining so‘nggi bir yil ichidagi oltinchi bitimi hisoblanadi. Avvalroq mart oyida birja 1,5 milliard dollarga AQSHdagi «NinjaTrader» (fyucherlar savdo platformasi)ni xarid qilgandi. Shuningdek, kompaniya tokenlashgan aksiya yetkazib beruvchi «Backed» va derivativ infratuzilmalar bilan shug‘ullanuvchi «Small Exchange» (moliyaviy tashkilotlar) ni ham sotib olgan edi.
