«X» ijtimoiy tarmog’i mahsuloti bo‘limi rahbari Nikita Beyer kriptovalyutalarga yo‘naltirilgan yangi mahsulot taqdim qilinishi mumkinligini bildirgan. U o‘z postida: «Kriptovalyuta uchun bu yil oson bo‘lmadi. «X» ijtimoiy tarmog’i esa bu muammoni yechish uchun nimadir ishga tushirishi kerak», deb yozgan.
Hali rasmiy tasdiqlangan ma’lumot yo‘q, biroq ushbu post tezda keng jamoatchilik e’tiborini tortdi. «X» ijtimoiy tarmog’i foydalanuvchilari turli integratsiya bo‘yicha o‘z takliflarini bildirdi. Masalan, Fred Kroyger Beyerning postiga javob berib, «X» ijtimoiy tarmog‘ida Bitkoinni to‘liq joriy etishni taklif etdi.
Boshqa bir foydalanuvchi esa shunday bahslashdi: agar mualliflar USDC steyblkoinida (barqaror kriptovalyuta) to‘lov qabul qila olsalar, bu nafaqat kontent ishlab chiqaruvchilar, balki «X» ijtimoiy tarmog’i uchun ham yanada qulay va foydali bo‘ladi, degan fikrni ilgari surdi. USDC steyblkoini haqida batafsil.
Bu takliflar «X» ijtimoiy tarmog’i foydalanuvchilari orasida raqamli aktivlar bo‘yicha kengroq va chuqurroq imkoniyatlarga talab oshib borayotganini ko‘rsatmoqda.
Smart Kashtaglar va Savdo Infratuzilmasi
«X» ijtimoiy tarmog’i kriptovalyutalarga bog‘liq funksiyalar yo‘nalishida real harakatlarni boshlab yuborgan. 14-fevral kuni Nikita Beyer Smart Kashtaglar vositasini taqdim qilganini e’lon qilgan edi. Bu vosita yordamida foydalanuvchilar to‘g‘ridan-to‘g‘ri «X» ijtimoiy tarmog’i tasmada aksiyalar va kriptovalyuta tokenlarini sotib olib, sotishlari mumkin bo‘ladi. Ushbu imkoniyat «X» ijtimoiy tarmog’ida allaqachon mavjud bo‘lgan kashtaglarni indekslash tizimiga asoslanadi.
Bundan oldin ham, X Money xizmati orqali kriptovalyuta funksiyalari qo‘shilishi mumkin degan taxminlar ko‘paygan edi. Biroq hozircha bu borada rasmiy axborot berilmagan.
Bundan tashqari, mart oyida «X» ijtimoiy tarmog’i yangi dizayn bo‘limi rahbari sifatida Benji Teylorni ishga taklif qilganini e’lon qildi. Benji Teylor ilgari «Aave Labs» (kripto-kompaniya) mahsulotlar bo‘yicha bosh direktor va «Coinbase» (kriptovalyuta birjasi) tarmog‘i – «Base» dizayn rahbari bo‘lib ishlagan edi.
Uning blokcheyn sohasidagi boy tajribasi ko‘plab tahlilchilar tomonidan «X» ijtimoiy tarmog’ida kripto imkoniyatlari yanada kengaytirilayotganining belgisi sifatida baholandi.
Beyerning posti bu haqda yangi mahsulot anonsi bo‘ldimi yoki faqat jamoa faolligi uchunmi – bunisi hozircha noma’lum. Shunga qaramay, Smart Kashtaglar, Benji Teylorning ishga olinishi va «X Money» xizmatining rivojlanishi «X» ijtimoiy tarmog‘i kriptovalyuta sohasi bo‘yicha bir vaqtning o‘zida bir nechta yo‘nalishda harakat qilayotganini ko‘rsatmoqda.
