«Pi Network» kompaniyasi (mobil mayning loyihasi) o’zining birinchi «Pi Ekotizimi Sammiti»ning kundan-kunga rejasini eʼlon qildi. Ushbu tadbir 17-noyabrdan 19-noyabrgacha onlayn tarzda bo‘lib o‘tadi. Oxirgi kun esa 200 000 AQSh dollari ekvivalentidagi USDT jamg’armaga ega yangi ishlab chiquvchilar xakatoni bilan yakunlanadi.
Bu yangilik «Pi Network» kompaniyasining tokeni bo‘lmish PI ni blokcheyn sohasidagi yirik portallardan biri «CoinGecko» tahlilidagi eng dolzarb uchlikka olib chiqdi. Biroq, PI narxi haligacha 2025-yil fevralidagi eng yuqori nuqtasidan 97 foiz pastda savdo qilinmoqda. Natijada, token egalarining token haqiqiy ehtiyojiga bo‘lgan umidlari hanuzgacha o‘z javobini topmayapti.
Pi Ekotizimi Sammiti ishlab chiquvchilarga nimalarni ko‘rsatadi?
Birinchi kun asosiy e’tibor «Pi» kompaniyasi ishlab chiquvchilari uchun platformaga qaratiladi. Bunda yangi vositalar, ekotizim tashabbuslari va ilovalar namoyishi bo‘lib o‘tadi, deya xabar beradi loyiha jamoasi.
18-noyabrda asosiy mavzu – «Sunʼiy intellekt» (AI) bo‘ladi. Har ikki ochilish kuni tadbirlar «YouTube» ijtimoiy tarmog’ida jonli efirda namoyish qilinadi.
«Pi Network» kompaniyasi asoschilari – Fan Chendyao hamda Nikolas Kokalis ham ishtirok etadilar, deydi loyiha asosiy jamoasi. Bu kunlarda texnik namoyishlar va yangi funksiyalar taqdimoti ham bo‘lib o‘tadi.
Oxirgi kuni esa loyiha «Pi Next» deb nomlangan va 200 000 AQSh dollari miqdorida USDT sovringa ega ishlab chiquvchilar tanlovini boshlaydi. «Pi Ekotizimi Sammiti» haqidagi ilk e’lon oktyabr oyida chiqarilgan va bu tadbir ishlab chiquvchilar hamda ularning qulayliklari uchun tashkil etilishi aytilgan.
Yangi ishlab chiquvchilar vositalari token uchun haqiqiy ehtiyoj yaratadimi?
Bungacha bo‘lgan yangiliklar narxga jiddiy ta’sir ko‘rsatmagan. Masalan, iyun oyida «Pi2Day» nomli tadbirda loyiha uchta «Pi2Day» mahsulotini taqdim etdi, biroq ulardan faqat bittasi PI tokeniga bevosita talab paydo qildi.
Shuningdek, sentabr oyidagi SoloHost yangilanishi ham «Pi Desktop» dasturini yaxshilagan edi, ammo unda token olish yoki ushlab turishni talab qiladigan yangi imkoniyat qo‘shilmadi.
PI tokeni so‘nggi oyda pasayishda davom etdi va hozir u iyul oyining o‘rtasida o‘rnatilgan tarixiy minimum darajaga yaqinlashdi.
Sammit oldidan «Pi Network» kompaniyasi to‘rtta oldindan platforma o‘zgarishlarini ham amalga oshirdi. Loyiha ishtirokchilari uchun esa asosiy sinov shundan iborat-ki, Pi Ekotizimi Sammitida namoyish etiladigan ilovalar PI tokenidan foydalanish talab qiladimi yoki yo‘q. Agar ular uchun PI token zarur bo‘lmasa, ilgari kuzatilgan holatlar yana takrorlanishi mumkin.
