«Pi Network» (PI) blokcheyn platformasi o‘zining asosiy tarmog‘idagi tugunlar (tugunlar bu – platformaning asosiy qismi bo‘lib, unda tranzaksiyalar tasdiqlanadi) uchun 23-Protokol yangilanishini 15-maygacha yakunlashni belgiladi. Ushbu versiya dastlab marta to‘liq aqlli shartnoma («smart contract») funksiyasini «Stellar» asosidagi blokcheynga olib kiradi.
Bu talab «Pi Core Team» – (platformani ishlab chiquvchi jamoa) tomonidan 22-Protokol muvaffaqiyatli ishga tushgani tasdiqlangandan so‘ng bir necha soatlar ichida e’lon qilindi. Birin-ketin amalga oshirilayotgan yangilanishlar tarmoq hajmini kengaytirib, uni Web3 texnologiyalariga tayyorlash uchun qilinmoqda.
Nima uchun 23-Protokol yangilanishi «Pi Network» uchun muhim?
23-Protokol «Pi Network» uchun ochiq asosiy tarmoq (mainnet) 2025-yil fevral oyida ishga tushganidan buyon eng muhim texnik qadam hisoblanadi. Ushbu dastur «Stellar» blokcheynining 23-versiyasi asosida qurilgan bo‘lib, u natural («native») aqlli shartnoma va markazlashmagan ilovalar (dApp) uchun mustahkam asos yaratadi.
Tugunlarni boshqaruvchi foydalanuvchilar belgilangan muddatgacha yangilanishni bajarmasa, ular asosiy tarmoqdan chiqarib yuboriladi. Bu esa, ularning tranzaksiyalarni tasdiqlash va ekotizimda ishtirok etgani uchun mukofot (rag‘bat) olish imkoniyatidan mahrum bo‘lishiga olib keladi.
22-Protokol esa, shu haftaning o‘zida yakunlanib, tarmoqni «Stellar Core 22» versiyasiga olib o‘tdi. Tugunlarga esa 0.5.4 versiyali dasturiy ta’minotni o‘rnatish shart bo‘ldi.
«Pi Core Team» – ishlab chiquvchilar jamoasi, 23-Protokol avvalgi yangilanishlarga nisbatan ko‘proq vaqt talab etishini ogohlantirdi.
«Pi asosiy tarmog‘i 23-Protokolga yangilanmoqda – oxirgi muddat: 15-may. Barcha asosiy tarmoq tugunlari shu sanagacha yangilanishni yakunlashi shart… Bu yangilanish ancha ko‘p vaqt oladi, shuning uchun rejalaringizni shu asosda tuzing», deyilgan ular «X» ijtimoiy tarmog‘idagi rasmiy xabarda.
Bu narxlarga qanday ta’sir ko‘rsatadi?
PI tokeni shanba kuni $0.178 atrofida savdo qilindi, ya’ni bir kunda 1,22% ga pasaydi. 22-Protokol muddati yaqinlashayotganda token narxi deyarli 9% ga oshgandi. Shundan so‘ng, foyda oluvchi investorlar bozorda aktivlik ko‘rsatdi, bu haqda «CoinGecko» (kriptovalyuta narxlarini ko‘rsatuvchi internet sayti) ma’lumotlarida keltirilgan.
Tarixiy tajribaga ko‘ra, «Pi Network» yangilanishlari ko‘pincha qisqa muddatli narx o‘zgarishlari va ortidan kutilmaganda tez pasayish bilan kechgan, aynan tokenlar ochilishi (blokdan chiqishi) vaqtida bunday holatlar kuzatilgan.
15-may sanasidagi yangilanish narxlarning uzoq muddat o‘zgarishiga olib keladimi yoki yo‘qmi, bu umumiy bozor hissiyoti va taklif bosimi (sotuvchilar ko‘pligi) ga bog‘liq. Faqat yangilanish o‘zi narxlarni barqaror ko‘tarib bera olmaydi.
«Pi Network» shu oyni ikki katta infratuzilma yangilanishi bilan boshlab, qisqa vaqt ichida tub o‘zgarishlarni amalga oshirmoqda. Treyderlar esa 15-may kuni narxda yana bir qisqa muddatli o‘sish bo‘lishini kutmoqda. Aks holda, yangilanishdan so‘ng narxlar avvalgidek pasayishi va barqaror o‘sish yo‘llanmasi (tiklanish) to‘sib qo‘yilishi mumkin.
