«Polygon» jamg‘armasi (tashkilot) Giugliano hardforki (tarmoqlanishi) asosiy tarmoqda 85 268 500-blokda, taxminan 8-aprel soat 17:00 (Toshkent vaqti) ishga tushirilishini tasdiqladi.
Yangilanish asosiy maqsad sifatida tezroq yakuniy tasdiqlash (finality) va to‘lovlar shaffofligini kuchaytirishga qaratilgan. Bu tarmoq bo‘ylab to‘lovlar va tokenlashtirilgan aktivlar uchun yuqori tezlikka erishish harakatining bir qismidir.
Giugliano yangilanishi nimalarni o‘zgartiradi
Hardfork (tarmoqlanish) tufayli blok ishlab chiqaruvchilar bloklarni oldindan eʼlon qilish imkoniyatiga ega bo‘lishadi. Bu esa foydalanuvchilar tranzaksiyaning qaytarilmas tarzda tasdiqlanishini kutish vaqtini qisqartiradi.
O‘tgan oyda «Amoy» sinov tarmog‘ida o‘tkazilgan testlar yakuniylik vaqtini deyarli ikki soniyaga qisqartirdi.
Giugliano, shuningdek, EIP-1559 uslubidagi to‘lov ko‘rsatkichlarini blok sarlavhalariga kiritib beradi. Bu ishlab chiquvchilar va ilovalarga protokol darajasida gaz narxi maʼlumotlariga yanada samarali kirish imkonini yaratadi.
To‘lovlardagi o‘zgarishlarga mos yangi Masofaviy Amaliy Chaqiruv (RPC) nuqtalari ham joriy etildi. Bu esa, hamyonlar va markazlashmagan ilovalarga (dApp’lar) tashqi taxminlarga tayanmasdan to‘lov haqida ma’lumot olish imkonini beradi.
«Ushbu yangilanish blok ishlab chiqaruvchilarga bloklarni tezroq e’lon qilish imkonini beradi, to‘lov parametrlarini to‘g‘ridan-to‘g‘ri blok sarlavhasiga qo‘shadi va fee (to‘lov) ma’lumotlari uchun yangi RPC qo‘llab-quvvatlovini joriy qiladi», – deb «Polygon» jamg‘armasi (tashkilot) maʼlum qildi.
Tugun operatorlari faollashuvdan oldin Bor dasturini v2.7.0 versiyasiga yoki Erigon dasturini v3.5.0 ga yangilashlari shart. Oddiy foydalanuvchilar va ishlab chiquvchilar esa hech qanday harakat qilishlari talab qilinmaydi.
Qiyin 2025 yildan so‘ng barqarorlik sari harakat
Bu yangilanish «Polygon» tarmog‘ida (POL, kriptovalyuta) ishonchliligi yo‘qorilgan davrdan so‘ng taqdim etilmoqda. 2025-yil sentabr oyida konsensusdagi xatolik sababli yakuniylashtirish 15 daqiqagacha kechikdi va favqulodda hardfork orqali normal ishlash tiklandi.
Ikki oy oldin esa, validator (tasdiqlovchi) tarmoqdan chiqib ketganda, «Heimdall» konsensus qatlamida xatolik yuzaga kelib, yakuniylik taxminan bir soatga to‘xtab qoldi.
Shundan buyon jamoa bir nechta hardforklarni amalga oshirdi, barqarorlikni mustahkamlash uchun harakat qilindi. 2025-yil dekabrdagi «Madhugiri» yangilanishi tranzaksiya tezligini har soniyada taxminan 1 400 taga yetkazdi.
2026-yil mart oyidagi «Lisovo» hardforki esa aqlli shartnomalar (smart contract) ishonchliligini yaxshiladi va «Sunʼiy intellekt» agentlarining tranzaksiyalari uchun gaz subsidiyalarini joriy etdi.
Gigagas konsepsiyasining bir qismi
Giugliano yangilanishi «Polygon» jamg‘armasi (tashkilot) tomonidan 2025-yil iyun oyida tasdiqlangan «Gigagas» strategiyasining bir bo‘lagi hisoblanadi. Bu konsepsiya global to‘lovlar va real aktivlar uchun har soniyada 100 000 tranzaksiyaga yetishni maqsad qilgan.
Ushbu bosqichli reja 2025-yil iyulda «Bhilai» yangilanishi bilan boshlandi. Bu o‘zgarish natijasida tranzaksiyalar tezligi 1 000 tadan oshib, yakuniylik 60 soniyadan 5 soniyagacha tezlashtirildi.
Hozirda tarmoq har soniyada 2 600 tranzaksiyani qayta ishlamoqda, ichki sinov tarmoqlari esa 5 000 dan oshgan natijalarni qayd etgan. Yangi finality – tezrok tasdiqlash va yaxshilangan to‘lov boshqaruvi – tarmoqdan foydalanish kuchayishiga olib keladimi-yo‘qmi, bu yirik o‘zgarishdan keyingi haftalarda aniq bo‘ladi.
Hardfork kutilayotganiga qaramay, «Polygon» (kriptovalyuta) tarmog‘ining POL tokeni narxi salkam 5 foizga tushdi va hozirda $0,09003 atrofida savdo qilinmoqda.
