Aprel oyida fond bozori kuchli tiklanish ko‘rsatdi. «S&P 500» va «Nasdaq» (birjalar nomlari) bu hafta yangi tarixiy maksimal darajaga yetdi va AQSH-Eron mojarosidan kelib chiqqan barcha yo‘qotishlarni qoplab berdi.
«BitMine» (kompaniya) raisi Tom Li AQSH fond bozori yil boshidagi avvalgi tarixiy rekord darajasidan keyin hozir yanada kuchliroq pozitsiyada ekanini ta’kidladi. U «CNBC» (televizion kanal) ning «Closing Bell» ko‘rsatuvida o‘z qarashining uch asosiy sababini tushuntirdi.
AQSH fond bozori neft narxi zarbasini yengib o‘tdi
Bozor ma’lumotlariga ko‘ra, «S&P 500» 15 aprel kuni savdo kunini 7 022,95 ko‘rsatkichi bilan yakunladi va shu tariqa 28 yanvardagi avvalgi rekordini ortda qoldirdi. «Nasdaq» esa 24 016 ko‘rsatkichi bilan yangi eng yuqori nuqtaga yetdi.
Ushbu tiklanishdan oldin «S&P 500» yanvar oyida o‘zining eng yuqori cho‘qqisidan 9% ga pasaygan edi. Bu pasayish global bozorlardagi urush sababli yuz berdi. Endi esa har ikkala indeks mart oyidagi katta yo‘qotishlardan so‘ng yil davomida ijobiy natijaga erishdi.
Tom Li AQSH kompaniyalari boshqa mamlakatlar iqtisodini qiynayotgan neft narxining keskin oshishiga bardosh bera olishini ko‘rsatadigan dalil sifatida bozor barqarorligini ta’kidladi. Ormuz bo‘g‘ozi to‘sib qo‘yilgandan so‘ng neft bir barrel uchun 100 dollardan oshdi.
Biroq, hozir narxlar pasaymoqda. Bozor ishtirokchilari AQSH va Eron o‘rtasidagi taranglik qisqarishidan ehtiyotkor umid qilishmoqda.
“Bilaman, bu boshqa tomoshabinlarning fikriga to‘g‘ri kelmasligi mumkin, lekin menimcha, fond bozorimiz hozir yanada yaxshi holatda. Sababi, biz hozir ko‘ryapmizki, AQSH bozori neft narxining oshishiga bardosh bera olyapti, boshqa davlatlarga esa bu zarar keltiryapti”, – deya izoh berdi Tom Li (manba).
Yangiliklarni birinchilardan bo‘lib olish uchun bizni «X» (ijtimoiy tarmog‘i)da kuzatib boring
Li ikkinchi sabab sifatida korporatsiyalar foydasini tilga oldi. Unga ko‘ra, harbiy mojarodan so‘ng kompaniyalarning daromadi oshmoqda. Bu esa bozorda urush AQSH iqtisodiyotini cho‘ktirishi emas, aksincha, uni rag‘batlantirishi haqidagi ishonchni kuchaytiryapti.
«Aksiyalar barqaror ushlab turibdi, chunki iqtisod urush sharoitida ham yaxshi natija ko‘rsatmoqda. Aytishga oson emas, lekin bir qismi mudofaa harajatlari bilan bog‘liq – oyiga 30 milliard dollar, keyin esa ehtimol 60 milliard dollarga yetadi. Bu iqtisodga kuchli turtki beradi. Neft narxidagi 20 dollarlik o‘sish esa aholiga oyiga taxminan 12 milliard dollar ortiqcha xarajat olib kelmoqda. Ya’ni, to‘liq hisoblaganda, urush ayni damda kompaniyalar foydasiga ishlayapti”, – deya ta’kidladi Tom Li «CNBC» (televizion kanal) dagi suhbatida.
Li uchinchi sabab sifatida neft narxining o‘sishi kuchli inflyatsiyani keltirib chiqaradi, degan keng tarqalgan fikrga e’tibor qaratdi.
«Neft narxining shiddatli oshgan tarixiga nazar tashlasak, asosiy inflyatsiyaga ta’siri kutilganidan kamroq bo‘lib chiqadi. Shu sabab, mencha, biz kutgan inflyatsiya zarbasi unchalik kuchli bo‘lmasligi mumkin», – dedi u.
U bu yil uchun «S&P 500» (birja indeksi) bo‘yicha 7 300 ko‘rsatkichni asosiy maqsad sifatida belgilagan. Bu esa hozirgi darajadan yana taxminan 4% o‘sish bo‘lishi mumkinligini bildiradi.
