«Visa» toʻlov tizimi oʻzining barqaror token (stablecoin) dasturiga «Polygon» blokcheynini qoʻshdi. Bu yangilik moliyaviy texnologiya (fintex) tashkilotlariga karta toʻlovlarining hisob-kitobini, banklar ishlamaydigan soatlardan tashqarida ham amalga oshirish imkonini beradi.
Karta orqali toʻlov foydalanuvchilar uchun darhol amalga oshirilgandek tuyuladi. Lekin, moliyaviy tashkilotlar uchun hisob-kitoblar hali ham bank ish jadvali, chegara vaqtlari, dam olish kunlari va bayramlarga bogʻliq. Bu fintex kompaniyalari, ayniqsa, koʻp sonli kartalar orqali toʻlov amalga oshiradigan dastur boshqaruvchilari va homiy-bank bilan ishlovchi tashkilotlar uchun qoʻshimcha moliyaviy yuk keltiradi.
«Polygon» blokcheynining qoʻshilishi bu kompaniyalarga allaqachon katta hajmdagi AQSh dollari toʻlovlari uchun foydalanilayotgan zanjirda barqaror token (stablecoin) orqali hisob-kitob qilish imkoniyatini beradi.
Hafta oxiri hisob-kitobi – kapital xarajati
Karta tarmoqlari real vaqt rejimida toʻlovni tasdiqlaydi, lekin hisob-kitob kechroq amalga oshadi. Masalan, mijoz darhol kartasi bilan toʻlaydi, lekin mablagʻlar emitentlar, toʻlov kompaniyalari va tarmoq oʻrtasida, koʻpincha, ACH, Fedwire, SEPA yoki mahalliy toʻlov tizimlari orqali keyinroq oʻtkaziladi.
Moliyaviy texnologiya kompaniyalari bu vaqt farqini odatda oldindan toʻlov yoki garov hisobiga qoplaydi.
Oldindan toʻlovda kompaniya hafta oxirgi hajmini banklar yopilmasidan oldin «Visa» hisobida saqlab qoʻyadi. Banklar ishlamagan vaqt ichida «Visa» shu balansdan foydalanadi.
Garovda esa, emitent doimiy balans saqlaydi, agar hisob-kitob amalga oshmay qolsa, «Visa» undan foydalanishi mumkin. Bu mablagʻ riskni qoplash uchun ajratiladi va kundalik faoliyat yoki rivojlanishda foydalaniilmaydi.
Katta banklar oʻzining yuqori kredit reytingi tufayli bunday talabdan koʻpincha ozod boʻladi. Aksincha, moliyaviy texnologiya kompaniyalari koʻproq xarajatlarni oʻzlari koʻtaradi.
Barqaror token (stablecoin) hisob-kitobi emissentlarga tezroq yo‘l ochadi
«Polygon» blokcheyni «Visa» hamkorlariga hafta oxiri va bayram kunlari barqaror token (stablecoin) orqali hisob-kitob qilish imkonini beradi.
Fiat to‘lov tizimlari ish boshlashini kutish o‘rniga, emitent «Polygon» orqali barqaror token (stablecoin) bilan karta toʻlovlarini hisob-kitob qilishi mumkin. Hisob-kitob bir necha soniya ichida amalga oshadi va bloklar tasdiqlangach yakuniy boʻladi.
Bu hafta oxiri uchun katta zahiralarni oldindan to‘lashga ehtiyojni kamaytirishi mumkin. Bundan tashqari, garovlar ham hozirgi risk darajasiga yaqinroq boʻladi va hafta oxiri uchun keragidan ortiq mablagʻ yoʻqolmaydi.
Barqaror tokenlarni (stablecoin) toʻliq qabul qiladigan fintex kompaniyalari uchun jarayon oddiy. «USDC» yoki boshqa qo’llab-quvvatlanadigan barqaror tokenlar saqlanayotgan kompaniyalar «Visa» uchun hisob-kitobda shu balanslardan foydalanishi mumkin.
Fiatda ishlaydigan fintex kompaniyalari uchun esa, bu jarayon konvertatsiya, saqlash, hisob-kitob va hisobotlarni talab qiladi. «Polygon» oʻzining «Open Money Stack» (Ochiq pul texnologiyalar to’plami) echimlarini aynan shu toʻliq ishlar ketma-ketligiga moslashtirmoqda.
«Open Money Stack» fiat va barqaror tokenlar hisob-kitobini bog‘laydi
«Polygon»ning «Open Money Stack» texnologiyasi moliyaviy texnologiyalar uchun ishlab chiqilgan. Bu barnoma orqali kompaniyalar butun infratuzilmani oʻzgartirmasdan barqaror token (stablecoin) orqali toʻlovlarni boshlashi mumkin.
«Polygon» zanjirida hisob-kitobni oʻzi nazorat qiladi. «Polygon» hamyonlari emitent tomonda tokenlarni saqlashni ta’minlaydi. Bu 50 dan ortiq zanjirlarni qamrab oladi. «Coinme» esa, AQShning 48 shtatida pul oʻtkazish litsenziyasiga ega fiatdan barqaror token (stablecoin) ga ayirboshlash tarmogʻi sifatida faoliyat yuritadi.
«Polygon Labs» kompaniyasining «Coinme» tashkilotini sotib olish jarayoni hozirda regulyatorlar tasdigʻiga bogʻliq.
Maqsad — bir xil operatsion jarayonni yaratish. AQSh dollari barqaror tokenlarga almashtiriladi, «Visa»ga oʻtkaziladi va hafta oxiri tugagandan so‘ng jamiyatning g‘aznachilik tizimi bilan muvofiqlashtiriladi.
Emitentlar uchun bu barqaror tokenlar orqali hisob-kitob qilish jarayonini soddalashtiradi. Bundan tashqari, «Polygon» kompaniyasi toʻlov deyarli kechikmaydigan orqa-ofis jarayonlariga yaqinlashadi. Aynan shu jarayonda ko‘p xarajatlar vujudga keladi.
«Polygon» to’lov hajmlari bilan oʻz ustunligini isbotlaydi
«Polygon» kompaniyasining ustunligi, avvalo, to‘lov faoliyati, xarajatlar va samaradorlikka asoslangan.
«Polygon Labs» kompaniyasi «Allium» va «Dune» (tahlil platformalari) ma’lumotiga tayanib ta’kidlaydi: yaqinda bu blokcheyn katta miqdordagi AQSh dollari barqaror tokenlari, jumladan, «USDC» harakatini qayd etgan. Ma’lumotlarga ko‘ra, tarmoqda bir soniyada 2600 dan ortiq tranzaksiya amalga oshadi, yakuniy tasdiqlanish esa taxminan 5 soniya davom etadi. Toʻlov kompaniyalari uchun toʻlov komissiyalari past va oʻzgaruvchanligi ham kamroq boʻladi.
Bu ko‘rsatkichlarning kartalar hisob-kitobida ahamiyati katta. Toʻlov ishqibozlari, eng yuqori yuklama, dam olish va bayram kunlarida ham ishonchli va tez ishlash imkoniyatiga muhtoj. Faqatgina past to‘lov haqqi kamlik qiladi, amalda esa, barqarorlik va aniq muvofiqlashtirish muhim oʻrin tutadi.
«Polygon» kompaniyasining «Stripe», «Revolut», «Mastercard», «BlackRock» va «Flutterwave» (barcha o’z sohasidagi tashkilotlar) kabi tashkilotlar bilan hamkorligi ham ularning faqat blokcheyn sifatida emas, balki toʻlov sohasida hal qiluvchi hamkor sifatida mustahkamlanishiga xizmat qilmoqda.
Xulosa
«Visa» toʻlov tizimining oʻz barqaror token (stablecoin) hisob-kitob dasturiga «Polygon» blokcheynini qoʻshishi — moliyaviy texnologiya kompaniyalari uchun toʻgʻri yoʻnalishda tashlangan muhim qadam.
Asosiy ijobiy natija — g‘aznachilik operatsiyalarida. Karta orqali toʻlov doimo uzluksiz amalga oshadi, biroq koʻplab bozorlar hisob-kitob ishini hali ham bank taqvimi asosida bajaradi. Barqaror tokenlar esa, emitentlarga bu vaqt muammosining bir qismini yengil yopishga yordam beradi. Bozor barqarorligi, investitsiyalar barqarorligi, kelajak barqarorligi — asosiy tamoyil.
«Polygon» blokcheyni uchun bu integratsiya barqaror tokenlar orqali toʻlov tizimlari imkoniyatlariga yana bir dalildir. Fintex kompaniyalari uchun esa, ishdan chetda turgan kapital hajmini, hafta oxiri oldingi zaxira bosimini va hisob-kitob kechikishini kamaytirish imkonini beradi. Kriptosohada vaqt – bu nafaqat pul, balki ishonch.
