Institutsional raqamli aktivlarni saqlash uzoq vaqt davomida kompaniyalarni xavfsizlik va moslashuvchanlik o’rtasida tanlov qilishga majbur qildi. Sovuq saqlash aktivlarni himoya qiladi, lekin savdoni sekinlashtiradi. Boshqa tomondan, tezroq bozorga chiqish esa qarshi tomon xavfi, oldindan mablag‘ ajratish va operatsion xatarlarga olib keladi.
«Zodia Custody» (institutsional saqlovchi kompaniya) aynan ana shu muammoga yechim izlamoqda. Ushbu tashkilot «BeInCrypto» (raqamli moliya yangiliklari tashkiloti) tomonidan o‘tkazilayotgan Institutlar uchun 100 ta eng yaxshi kompaniya mukofoti – 2026da «Eng yaxshi raqamli aktivlarni saqlash provayderi» nominatsiyasiga tavsiya etildi.
| Tashkil etilgan yili | Qo‘llab-quvvatlovchilar | Idoralar soni | Faoliyat hududlari | Xodimlar soni | Regulyator nazorati |
| 2020 | 5 ta bank | 7 ta | 15 dan ortiq | 150 dan ortiq | 5 ta |
«Zodia Custody» infratuzilmasi haqida qisqacha maʼlumot
Nominasiyaning asosiy mazmuni shundaki, 2026-yil fevral oyida «Zodia Custody» «LMAX Group» (moliyaviy xizmatlar tashkiloti) bilan hamkorlikda yangi mahsulot – «Zodia Switch», ya’ni maxsus almashuv servisining ishga tushirilganini e’lon qildi.
«Zodia Switch» institutsional mijozlarga o‘zlarining xavfsiz saqlovchi hamyonlaridan bir aktivni boshqasiga to’g‘ridan-to‘g‘ri almashinish imkonini beradi.
Ushbu mahsulot ERC-20 standartidagi aktivlarni – jumladan, Efirium, o‘ramlangan Bitkoin, RLUSD, USDC va USDT tokenlarini qo‘llab-quvvatlaydi. Bu jarayonda mijozlarga «LMAX» birjasiga oldindan pul o‘tkazish yoki aktivlarni platformadan tashqariga chiqarish talab etilmaydi.
Bu juda muhim, chunki investitsion portfellardagi balansni o‘zgartirish hali ham yirik kompaniyalar uchun eng noqulay va qiyin jarayonlardan biri hisoblanadi. Odatda, kompaniyalar o‘z aktivlarini saqlash joyidan tashqi birjaga ko‘chirishga majbur bo‘ladi, shunda ishtirokchi riskni boshqarish uchun o‘z ulushini o‘zgartira oladi. Bu esa kechikish, ortiqcha tasdiqlar va ortiqcha operatsion xatarlarga olib keladi.
«Zodia Switch» bu jarayonni to‘liq saqlash muhiti ichida amalga oshiradi. Narxlar va bitimlar «LMAX» infratuzilmasi orqali ta’minlanadi va «Zodia» platformasi ichiga integratsiya qilinadi. Bunda mijozlar nazorat, ruxsatnoma asosida AML (pul yuvishni oldini olish) tekshiruvi va audit izlarini to‘liq saqlab qoladi.
Saqlash tizimi va savdo jarayoniga yaqinlik
«Zodia Custody» 2020-yil oxirida «SC Ventures» («Standard Chartered» bankining innovatsion bo‘limi) va «Northern Trust» (moliyaviy tashkilot) tomonidan tashkil etilgan. Kompaniya maqsadi bank darajasidagi saqlash standartlarini raqamli aktivlar sohasiga olib kirishdan iborat edi.
Ayni vaqtda kompaniyaning aksiyadorlari orasida «Standard Chartered» (bank), «Northern Trust» (moliyaviy tashkilot), «SBI Holdings» (moliyaviy konglomerat), «National Australia Bank» va «Emirates NBD» (bank) bor. 2024-yil dekabr oyida «Emirates NBD» kompaniyaga strategik sarmoya kiritgan beshinchi an’anaviy moliyaviy institut bo‘ldi.
Banks tomonidan qo‘llab-quvvatlanish «Zodia»ning o‘zigacha bo‘lgan o‘rni uchun juda muhim. Saqlash – bu raqamli aktivlar infratuzilmasining kam sonli sohalaridan biri bo‘lib, bu yerda institutsional mijozlar an’anaviy nazoratlarni kutishadi: aktivlarni alohida saqlash, boshqaruv, audit, reglamentga muvofiqlik va huquqiy javobgarlikning aniq belgilanishi.
«Zodia Switch» bu modelni oddiy saqlashdan portfel bilan bog‘liq faoliyatga ham kengaytiradi. Ushbu mahsulot «Zodia» kompaniyasini savdo maydonchasiga aylantirmaydi. Aksincha, mijozlarga o‘z saqlash muhitidan chiqmagan holda likvidlikka (tez realizatsiya qilish imkoniga) ega bo‘lish imkonini beradi.
Bu amaliy o‘zgarish. Endi kompaniyalar aktivlarni faqat xavfsiz saqlash yoki faqat ishlatishga qaror qilishi kerak bo‘lmaydi, ikkala imkon ham bir joyda jamlangan.
Institutsional xizmatlarning kengaygan to‘plami
«Zodia Switch» bu saqlash va hisob-kitob bo‘yicha keng xizmatlar doirasiga asoslanadi.
Kompaniya allaqachon «Interchange» nomli mahsulotni, ya’ni «LMAX» bilan birgalikda ishlaydigan birja tashqarisida hisob-kitob makonini taklif qilmoqda. Bundan tashqari, banklarga mo‘ljallangan «Solutions by Zodia Custody» – tayyor saqlash infratuzilmasi ham, davlat va huquqni muhofaza qilish organlari uchun xizmatlar ham mavjud.
«Zodia» Yevropa mintaqasidagi tartibga solinadigan raqamli aktivlar bozori ishtirokchisiga aylandi. U 21Shares kompaniyasining jismonan ta’minlangan ABTC ETP (birjada sotiladigan mahsulot), «Invesco» kompaniyasining Yevropadagi jismoniy Bitkoin ETP va «Bitwise» (ilgari ETC Group) kabi loyihalar uchun saqlash xizmatini ko‘rsatadi. «Invesco» kompaniyasining ma’lum qilishicha, har bir jismonan ta’minlangan Bitkoin ETP sertifikati «Zodia Custody» tomonidan oflayn sovuq saqlashda turgan Bitkoin orqali ta’minlanadi.
Kompaniya yangi sotuvdan keyingi infratuzilmalar bilan ham bog‘langan. «ClearToken» (kliring tashkiloti) tomonidan ishlab chiqilgan «CT Settle» nomli xizmat – kriptoaktivlar, steyblkoinlar va oddiy valyutalar uchun yetkazib berish orqali to‘lov xizmatidir. Dastlabki hisob-kitob paytida raqamli aktivlarni yagona saqlovchi sifatida aynan «Zodia Custody» tanlangan. Ushbu platforma «Nasdaq Eqlipse Clearing» texnologiyasi asosida ishlaydi.
«Zodia»ning regulyator qarshisidagi imkoniyatlari ham kengaydi. 2026-yil yanvar oyida Fransiya moliya bozorini nazorat qiluvchi «AMF» (moliyaviy regulyator tashkiloti) «Zodia Custody Europe S.A.» kompaniyasini Lyuksemburg orqali MiCA litsenziyasiga ega CASP (kripto-aktiv xizmat ko‘rsatuvchi provayder) sifatida ro‘yxatga oldi. Unga kriptoaktivlarni saqlash, boshqaruv va mijozlar nomidan transfer xizmatlarini ko‘rsatish uchun ruxsat berildi.
«Standard Chartered» o‘z pozitsiyasini kuchaytirmoqda
«Zodia»ning mukofotga nomzod etilishi aynan «Standard Chartered» bankining institutsional bankchilik strategiyasi doirasida raqamli aktivlarni saqlashni yana ham chuqurlashtirish boshlagan paytga to‘g‘ri kelmoqda.
2026-yil 8-aprel kuni chiqgan xabarlarga ko‘ra, «Standard Chartered» o‘zining asosiy ulushiga ega bo‘lgan «Zodia Custody»ning bir qismini o‘zining boshqa raqamli aktivlarni boshqarish bo‘limi bilan birlashtirishni rejalashtirayotgani aytilgan. Unga ko‘ra, bank «Zodia»ning kriptoaktivlarni saqlash xizmatlarini o‘zining korporativ va investitsion bank tarkibidagi shu turdagi xizmat ko‘rsatadigan bo‘limiga birlashtirishni mo’ljallagan.
Bu harakat bozor yo‘nalishini aniq belgilaydi. Endi kriptoaktivlarni saqlash moliya institutlari uchun bir chekkadagi ish emas, balki savdo, hisob-kitob, garov boshqaruvi va tokenlashtirilgan aktivlar xizmatlari bilan bir infratuzilma sifatida rivojlanmoqda. Bozor barqarorligi, investitsiyalar barqarorligi, kelajak barqarorligi – mana shular bosh maqsad.
«Zodia» uchun aynan hozirgi vaziyat nomzodlikni yanada mustahkamlaydi. Kompaniya banklar egaligi, regulyatsiya bo‘yicha saqlash, ETP xizmatlari va institutsional savdo operatsiyalari chorrahasida turadi. «Zodia Switch» shu o‘rinda xizmatlarning aniq va qulay mahsulot ko‘rinishiga ega bo‘lishini ta’minlaydi.
«BeInCrypto» institutsional 100 ta mukofoti raqamli moliyaning yangi davrini belgilaydigan tizimlarni barpo etayotgan kompaniyalarni e’tirof etadi. «Zodia Custody»ning nomzodligi bu sohada oddiy saqlashdan tashkilot nazorati va hisobdorlik talab qiladigan aktivlarni boshqarish faoliyatiga o‘tishdagi o‘rni va xizmatini yaqqol namoyish etadi. Faoliyat nafaqat yangiliklar, balki mas’uliyat bilan belgilanadi. Kriptosohada vaqt – bu nafaqat pul, balki ishonch.
