«Binance» kompaniyasi (kriptovalyuta birjasi) hammuassisi Changpeng Chjao (CZ) rasman ajrashgani haqida tasdiqladi va «OKX» kompaniyasining (kriptovalyuta birjasi) asoschisi Star Xu’ga buni isbotlash uchun 1 milliard AQSh dollari tikishni taklif qildi.
Bu taklif, Star Xu tomonidan Changpeng Chjaoning oilaviy ahvoliga oid savol tug’ilganidan keyin, kengroq bahs doirasida yuzaga keldi. Unga CZ tomonidan 8-aprel kuni chiqarilgan, 457 betdan iborat bo‘lgan «Freedom of Money» («Pul erkinligi», memuar) kitobi sabab bo‘ldi.
Star Xu Changpeng Chjaoning oilaviy holatini so‘roq qilmoqda
Xu talab qildiki, Changpeng Chjao ikkala tomon ham imzolagan ajrashish shartnomasini ko‘rsatsin.
U ta’kidladi: agar Chjao ushbu hujjatni taqdim etsa, u ochiqchasiga uzr so‘rashga tayyor. Aks holda, Xu nazarida bu bayonot jamoatchilikni ataylab aldash hisoblanadi.
«Men, odatda, bunday yolg’on gaplar va hujumlarga e’tibor bermayman. Biroq… Endi uzr so‘rashingiz mumkin. Men rasmiy ravishda ajrashganman», — yozdi Changpeng Chjao.
Changpeng Chjao ajrashganini tasdiqladi va o‘z so‘zlariga jiddiy isbot sifatida 1 milliard dollarlik doimiy garov tikishni taklif etdi. U sobiq turmush o‘rtog‘ining shaxsiy hayotiga hurmat yuzasidan huquqiy hujjatlarni internetda e’lon qilmasligini aytdi.
Biroq, Xu garov taklifini qabul qilsa, advokatlar shartnomani tasdiqlashga tayyorligini bildirdi.
«Xohlagan miqdorda, jumladan 1 milliard AQSh dollari ham garov tikishga tayyorman: men ancha oldin rasmiy ravishda ajrashganman», — deya qo‘shimcha qildi Changpeng Chjao.
U Xu’ga javob berish uchun 24 soat vaqt berdi va jimlik bo‘lsa, bu kim jamoatchilikni chalg‘itayotganini aniq ko‘rsatishini ta’kidladi.
O‘n yillik raqobatga asoslangan ziddiyat
Ajrashishga doir tortishuv aslida 2014-yildan beri davom etayotgan katta nizoning navbatdagi bosqichidir. O‘sha paytda Changpeng Chjao «OKCoin» (hozirgi «OKX» birjasi avvalgi nomi)da bosh texnologiya direktori lavozimida faoliyat yuritgan.
Ular o‘rtasida aksiyalar masalasi, «Bitcoin.com» domeni bo‘yicha shartnoma va soxta hujjatlar haqidagi da’volar bir necha bor yuzaga kelgan.
CZ’ning memuarida aytilishicha, «Huobi» (kriptovalyuta birjasi) asoschisi Li Lin undan 2025 yilda Star Xu Changpeng Chjaoni Xitoy hukumatiga ayblov sifatida xabar berganini aytgan. Star Xu esa bu da’voni rad etgan.
«Ham «OKX», ham «Binance» bir nechta tartibga soluvchilar — regulyatorlar tomonidan nazorat qilinadi. Regulyator tomonidan boshqariladigan kompaniyaning egasi sifatida, ochiq ravishda 1 milliard dollarlik garov taklif qilish professional harakat emas», — deya javob berdi Star Xu Changpeng Chjaoga.
«OKX» vakili, shuningdek, «Binance»’ning regulyatorlaridan Changpeng Chjaoning sobiq rafiqasi bilan «Binance»dagi ulushini qonuniy ajratib olgani-yo‘qligiga aniqlik kiritishni so‘radi.
«Bill Geyts va Jeff Bezos ajrashishda qanday qilib mol-mulkni to‘g‘ri ajratish mumkinligini allaqachon namoyon qilgan», — deya u misol keltirdi.
Yi He, «Binance» birjasi hammuassisi va ham bosh direktori, Changpeng Chjaoning uzoq yillik hayotiy hamrohi (hayoti va ishi bo‘yicha) va uch farzandining onasidir. Ma’lum qilinishicha, Changpeng Chjaoning jami besh farzandi bor, ulardan ikkitasi — avvalgi turmushidan.
Ular 2014-yilda kriptovalyuta birjasi «OKCoin»da ishlayotganda (Yi He Changpeng Chjaoni ishga jalb qilgan) tanishib, o‘sha vaqtda juftlikka aylanishgan va birga 2017-yilda «Binance»ni asos solishgan.
Changpeng Chjao va Star Xu o‘rtasidagi suhbatlarning davom etayotganiga qaramay, Yi He o‘z shaxsiy pozitsiyasini himoya qildi va «Binance»’ning ikkinchi eng yirik aksiyalar egasi va ham bosh direktori sifatidagi rolini ta’kidladi.
«Men shunchaki orasta xonim yoki adabiyotlardagi ayol qahramon emasma; men — «Binance»’ning ikkinchi yirik aksiyadori va ham bosh direktoriman, hatto Changpeng Chjao iste’foga chiqqanidan keyin ham raqobatchilarni tez-tez ortda qoldirib kelayotganimni davom ettiraman», — deya ta’kidladi Yi He.
