Charles Hoskinson o‘zining so‘nggi loyihasi Midnight Protocol’ni «Cardano» platformasining asosiy tarmog‘idan farqli, mustaqil imkoniyatlarga ega platforma sifatida ilgari surmoqda.
Buning o‘rniga, «Cardano» ekotizimi asoschisi Charles Hoskinson Midnight Protocol’ni faqat yon tarmoq emas, balki boshqa blokcheyn tarmoqlariga, jumladan, «Bitkoin» va «XRP Ledger» (blokcheyn tarmog‘i) uchun dasturlashga mos maxfiylik imkoniyatlarni kengaytiruvchi umumiy infratuzilma sifatida taqdim etmoqda.
Xoskison Cardanodan tashqariga chiqmoqda: blokcheynlararo maxfiylik loyihasini boshlamoqda
2023-yil 27-dekabr kuni «X» ijtimoiy tarmog‘ida chop etilgan postda Charles Hoskinson Midnight’ning nol bilimli isbot arxitekturasi raqobatchi ekotizimlarning imkoniyatlarini oshirishga yordam berishini, ularni almashtirmasligini ta’kidladi.
U Midnight’ni «XRP Ledger» (blokcheyn tarmog‘i) bilan birlashtirish tarmoq uchun eskirgan bank tizimlariga raqobatbardosh bo‘lish imkonini berishini, shu orqali maxfiy va qonunlarga rioya qiladigan markazlashmagan moliya xizmatlari ko‘rsatishni ta’minlashini aytdi. Bundan tashqari, Hoskinson Midnight «Bitkoin»ga hozir yetishmayotgan dasturlashtiriladigan maxfiylik imkoniyatlari taklif qilishi mumkinligini ham ta’kidladi.
Charles Hoskinson Midnight’ni «Cardano» (blokcheyn tarmog‘i) uchun ham harakatlantiruvchi kuch sifatida ko‘radi. U Midnight protokoli ekotizimning imkoniyatlarini faqat o‘z mahalliy tarmog‘idan tashqariga kengaytirib, «Cardano»ning faol foydalanuvchilari va umumiy qiymatini (Total Value Locked) oshirishga yordam berishini bildirdi.
“Midnight o‘z ta’sirini o‘tkazgan barcha tizimlarni yaxshilaydi. Midnight’ni «XRP Ledger»ning markazsiz moliyaviy xizmatlariga qo‘shish an’anaviy banklarni ortda qoldiradi. Midnight’ni «Bitkoin»ga birlashtirish dunyoga Satoshi orzu qilgan imkoniyatlarni taqdim etadi. Midnight’ning «Cardano» ekotizimiga kirishi esa biz haqiqiy keng qamrovli maxfiy DeFi xizmatlarini birinchi bo‘lib taklif qilganimiz uchun faol foydalanuvchilar, tranzaksiyalar va umumiy qiymat miqdorini o‘n martaga oshiradi,” — dedi Charles Hoskinson.
Charles Hoskinson nafaqat o‘zaro moslik haqida, balki real aktivlarni tokenlashtirishda ochiladigan imkoniyatlar hajmi haqida ham gapirdi. Uning so‘zlariga ko‘ra, taxminan 10 trillion dollarlik Real-World Assets (haqiqiy dunyo aktivlari) bozori Midnight’ning maxfiylikni ta’minlaydigan yechimlaridan katta foyda oladi.
Shu nuqtai nazardan, u an’anaviy moliya kompaniyalarini Canton Network» (ruxsatga asoslangan blokcheyn tarmog‘i) bilan hamkorlik qilayotganini tanqid qildi. U yarim yechimlar institutsional sarmoyalar talablariga javob bermaydi, deb hisoblaydi.
“Yarim choralar yoki yarim texnologiyalar yetarli emas. To‘liq strategiya, yaxshi hamkorlar va kuchli jamoalar kerak,” — dedi Charles Hoskinson o‘zining «X» ijtimoiy tarmog‘idagi xabarida.
Ushbu yondashuv Charles Hoskinson uchun muhim burilishdir. Sababi, u ilgari asosan «Cardano» ekotizimini rivojlantirishga qaratilgan ishlar olib borgan.
Endilikda u «Midnight»ni boshqa asosiy blokcheyn tarmoqlarini boyituvchi maxfiylik qatlami sifatida ilgari surmoqda. Shunday qilib, Charles Hoskinson «Cardano» tarmog‘i doirasidan tashqaridagi likvidlik va foydalanuvchilar bazasiga kirishni maqsad qilmoqda.
Bu yo‘nalish «Midnight»ning asosiy tokeni NIGHT’ga ham katta qiziqishni oshirdi.
«CoinGecko» (ma’lumotlar platformasi)ning statistikasi bo‘yicha, yaqinda ushbu token qidiruvi Bitkoin va Efiriumdan ham yuqori bo‘ldi.
Biroq, token bozorda joriy oyning boshida chiqarilganidan so‘ng kuchli tebranishlar bilan savdo qilinmoqda. «BeInCrypto» (media platformasi) ma’lumotlariga ko‘ra, mazkur token narxi hozirgacha 80 foizdan ortiq arzonlashib, chop etilish vaqtida 0,08 dollarga teng bo‘ldi.
