«Anthropic» kompaniyasining «Claude Mythos Preview» nomli sunʼiy intellekt modeli Buyuk Britaniyaning «AI Security Institute» (AI xavfsizlik instituti) tashkiloti tomonidan o‘tkazilgan yangi tahlillarga ko‘ra, birinchi bo‘lib to‘liq korporativ tarmoq hujumini simulyatsiya qilishga muvaffaq bo‘ldi.
Natijalar model 7-aprel kuni taqdim etilganidan bir necha kun o‘tib e’lon qilindi. Bu, sunʼiy intellekt texnologiyalari kiberxavfsizlik sohasida shunchalik yuqori darajaga yetganini ko‘rsatmoqda – xavfsizlikka mas’ul guruhlar bundan buyon darhol e’tibor qaratishi zarur.
Claude Mythos nima?
«Anthropic» kompaniyasi 7-aprel kuni «Claude Mythos Preview» modelini jamoatchilikka keng taqdim qilmasdan chiqarganini e’lon qildi. Kompaniya jamoasi model imkoniyatlarini chuqur o‘rganish va tayyorgarlik ko‘rishlari uchun uni faqat ayrim xavfsizlik tadqiqot tashkilotlariga cheklangan kirish imkoniyati bilan taqdim etdi.
«Ushbu model barcha yo‘nalishlarda kuchli natijalarga ega, biroq ayniqsa, kompyuter xavfsizligi vazifalarida g‘oyatda samarali. Shu sababli, biz «Project Glasswing» nomli tashabbus ishga tushirdik. Bu loyiha orqali Mythos Preview’ni dunyodagi eng muhim dasturiy ta’minotlar xavfsizligini ta’minlash va har birimiz uchun kiberhujumlardan himoyalanish bo‘yicha yangi ish uslublariga tayyorgarlik ko‘rishda yordam berishga yo‘naltirilgan», — deyiladi rasmiy bayonotda.
Bizni «X» ijtimoiy tarmog‘i orqali kuzating – so‘nggi yangiliklardan xabardor bo‘ling
Ushbu yangilik texnologiya sohasi va siyosiy doiralarda allaqachon katta e’tibor qozondi. «Reuters» axborot agentligi manbalariga tayangan holda ma’lum qilishicha, AQSH Moliya vaziri Skott Bessent va Federal Rezerv tizimi raisi Jerom Pauell yirik banklar rahbarlari bilan tezkor uchrashuv o‘tkazib, sunʼiy intellekt modeli bilan bog‘liq bo‘lgan mumkin bo‘lgan kiberxavflar haqida ogohlantirish berganlar.
Claude Mythos Preview natijalari qanday bo‘ldi?
Buyuk Britaniya hukumati huzuridagi «AI Security Institute» (AI xavfsizlik instituti) ilmiy-tadqiqot tashkiloti «Anthropic» kompaniyasining «Claude Mythos Preview» modelini kiberxavfsizlik imkoniyatlarini baholash uchun maxsus sinovlardan o‘tkazdi.
Birinchidan, “Capture the Flag” (CTF) turida sinovlar o‘tkazildi. Bu usulda tizimlar yashirin “bayroqlar”ni aniqlash va xavfsizlikdagi nuqsonlarni topib foydalanishda sinovdan o‘tkaziladi. Mythos modeli murakkab vazifalarda 73% muvaffaqiyatga erishdi. Bu ko‘rsatkichga, 2025-yil aprelgacha biror model erishmagan edi.
Shuningdek, AISI “The Last Ones” (“Oxirgilar”) nomli 32 bosqichli korporativ tarmoq hujumini simulyatsiya qiluvchi maxsus test ishlab chiqdi. Odatda, inson xavfsizlik mutaxassislari bunday topshiriqni yakunlash uchun taxminan 20 soat vaqt sarflaydi.
Mythos Preview ushbu simulyatsiyani 10 urinishdan 3 tasida to‘liq yakunladi. O‘rtacha hisobda, 32 bosqichning 22 tasini muvaffaqiyatli bajarishga erishdi. Eng yaxshi natija ko‘rsatgan navbatdagi model – «Claude Opus 4.6» esa o‘rtacha 16 bosqichni bajara oldi xolos.
«Mythos Preview» modelining bitta kiber maydondagi muvaffaqiyati shuni ko‘rsatadiki, u avtonom (o‘z-o‘zidan ishlaydigan) tarzda kichik, yaxshi himoyalanmagan va zaif korporativ tizimlarda, tarmoqqa kirish mavjud bo‘lsa, hujumni amalga oshira oladi. Biroq, bizning laboratoriyalar (test maydonlari) real hayotdagi muhitdan farq qiladi va ularda himoya qilish osonroq bo‘ladi», — deya ta’kidladi jamoa.
«Anthropic» kompaniyasi ichki red-team testi shuni ko‘rsatdiki, “Claude Mythos Preview” foydalanuvchi aniq buyruq berganda, barcha asosiy operatsion tizimlar va yetakchi veb-brauzerlarda nol kunli (zero-day) zaifliklarni aniqlab, ulardan foydalana oladi.
“Bu yerda barcha tafsilotlarni ochiqlashga imkonimiz yo‘q. Topilgan zaifliklarning 99% dan ko‘pi hali bartaraf etilmagan. Shuning uchun ularni muhokama qilish hozircha mas’uliyatli ish bo‘lmaydi”, — deb ta’kidladi jamoa.
AISI tashkiloti barcha tashkilotlarga eng muhim kiberxavfsizlik choralarini birinchi o‘ringa qo‘yishni tavsiya qilmoqda. Bularga muntazam yangilanishlar (patch), qat’iy kirish nazorati, xavfsizlik sozlamalarini mustahkamlash va batafsil jurnal yuritish kiradi.
YouTube’dagi kanalimizga obuna bo‘ling — soha yetakchilari va jurnalistlarining tahliliy chiqishlarini tomosha qilishingiz mumkin
