«X» ijtimoiy tarmog’i AQSH va Kanada foydalanuvchilari uchun iPhone’larda Smart Cashtaglarni ishga tushirdi. Bu yangilik aksiyalar va kriptovalyuta tokenlarning real vaqt moliyaviy ma’lumotlarini ilovaning asosiy sahifasida ko‘rsatadi.
Ushbu imkoniyat birinchi bor 2026-yil yanvar oyida e’lon qilingan edi. Nihoyat, yillar davomida platformaning moliyaviy xizmatlariga bo‘lgan qiziqishi ortida, 15-aprel kuni ishga tushdi.
X Cashtaglari nima va ular qanday ishlaydi
«X» ijtimoiy tarmog’i mahsulotlar bo‘limi rahbari Nikita Bier ushbu imkoniyat joriy qilinganini yaqinda e’lon qildi.
“«X» ijtimoiy tarmog’i doimo savdogarlar va sarmoyadorlar uchun eng yaxshi moliyaviy yangiliklar manbai bo‘lib kelgan. Har kuni milliardlab dollarlar Timeline’da o‘qilayotgan xabarlarga asoslanib yo‘naltiriladi”, – deb yozdi Nikita Bier.
Bizni «X» ijtimoiy tarmog’ida kuzatib boring — eng so‘nggi yangiliklarni birinchi bo‘lib o‘qing
Yangi funksiya yordamida foydalanuvchilar moliyaviy aktivlarni topish va ularni kuzatish ancha osonlashdi. Endi foydalanuvchi cashtag yoki shartnoma manzilini yozsa, tizim avtomatik tarzda mos bozor aksiyalari yoki kriptovalyutalarni tavsiya qiladi. Shu bois kerakli aktivni osongina tanlash mumkin.
Bundan tashqari, istalgan cashtag ustiga bossa, unga oid postlar va jonli narx jadvali ko‘rsatiladi. Bu esa foydalanuvchilarga platformani tark etmasdan, bozor muhokamalarini va o‘zgarishlarni kuzatib borish imkonini beradi.
Cashtaglar bilan bir qatorda, «X» ijtimoiy tarmog’i Kanadaning yetakchi brokerlik kompaniyalaridan biri bo‘lgan «Wealthsimple» (brokerlik kompaniyasi) bilan pilot hamkorlik boshladi. Kanadalik foydalanuvchilar Cashtag sahifalarida savdo (sotib olish/sotish) tugmasini ko‘rishlari mumkin.
Bu orqali ular ilovadan chiqmasdan darhol aktivlarni xarid qilish yoki sotish imkoniga ega bo‘ladilar. Nikita Bier bu imkoniyatni «kelajakdagi yangiliklarning kichik bir bo‘lagi» deb ta’kidladi.
“Bizning maqsadimiz shunchaki grafiklar emas. «X» ijtimoiy tarmog’ida joylashgan ma’lumotlar – qadrli va foydalanish mumkin bo‘lgan manba. Shu uchun savdo imkoniyati ham juda qulay bo‘lishi zarur”, — deb qo‘shimcha qildi Nikita Bier.
Hozircha ushbu imkoniyat faqat iPhone foydalanuvchilari uchun ochiq. Ammo Bier yaqin orada veb, Android va boshqa davlatlar uchun ham ushbu xizmatni yo‘lga qo‘yilishini tasdiqladi.
Cashtag funksiyasi joriy etilishi «X» ijtimoiy tarmog’ining moliyaviy xizmatlar sohasiga kengayishi doirasida sodir bo‘ldi, va bu Ilon Maskning platformani “hamma narsa uchun ilova”ga aylantirish g‘oyasiga to‘g‘ri keladi. Bu yangilikdan oldin ham Nikita Bier tomonidan «X» ijtimoiy tarmog’i kripto sohasidagi muammolarga yechim taklif qilishi kerakligi haqida ishorali xabarlar chiqqandi.
Garchi Bier aynan shu yangilikni nazarda tutganini aniq aytmagan bo‘lsa-da, uning ta’kidlashicha, Cashtag funksiyasi platformaning moliya va kriptovalyuta hamjamiyatlari uchun eng yaxshi manba bo‘lish yo‘lidagi birinchi qadami hisoblanadi.
