«Etherealize» kompaniyasi (institutsional mijozlarga mo‘ljallangan «Efirium» kompaniyasi) yangi tahliliy maqola eʼlon qildi. Unga ko‘ra, agar «Efirium» hozirda oltin va «Bitkoin»da mavjud bo‘lgan pul qiymatini o‘zlashtirsa, bir dona ETH narxi uzoq muddatda $250 000 dollardan oshishi mumkin.
Ushbu kompaniya oltin va «Bitkoin» da shakllangan taxminan 31 trillion dollarlik umumiy pul kapitalini aylanishdagi 121 million ETH o‘rtasida taqsimlagan. «Etherealize»ning fikricha, ETH – ya’ni «Efirium» – har jihatdan oltin va «Bitkoin»dan yaxshiroq pul vositasi. Faqat bitta jihatdan, ya’ni ko‘p yillik tarixga egalikda, ETH ularga yutqazadi.
Agar «Efirium» oltin va «Bitkoin»ning $31 trillionlik pul qiymatini o‘zlashtirsa, uning narxi $250 000 dan oshishi mumkinligi haqida «Etherealize» kompaniyasi tahlili
«Etherealize» kompaniyasi Karl Mengerning XIX asrdagi iqtisodiy tushunchalariga asoslanadi. Ushbu g‘oya yaxshi pul nima ekanini aniqlaydi. Maqolada aytilishicha, ETH (yaʼni «Efirium») kamyoblik, bo‘linuvchanlik, oson ko‘chirish, mustahkamlik va senzura cheklovlariga bardoshlik kabi barcha asosiy jihatlarda oltin va «Bitkoin» bilan teng yoki undan ham ustun hisoblanadi.
Hisobotda mashhur investor Uorren Baffetning 2011-yildagi oltin haqidagi tanqidi ham keltirilgan: u oltinni «amaliy foydasi yo‘q va ko‘paymaydigan» deb atagan. «Etherealize» kompaniyasi bu fikrni «Bitkoin»ga ham o‘tkazadi va har ikkala aktivda asosiy muammo borligini, ya’ni ular vaqt o‘tishi bilan ko‘paymasligini ta’kidlaydi.
«…istikboli bor, natija bera oladigan pul vositasi samarasiz kapitaldan ustun chiqadi. Savol faqat bir narsa: dunyo buni qachon va qanday tushunib yetadi», — deyiladi maqolada.
Yana bir muhim nuqta shundan iboratki, ETH – har qanday qarshi tomon ishtirokisiz, o‘z-o‘zidan ko‘payadigan ilk pul aktividir. Hozirda ETH staking – ya’ni uni blokcheynga bloklab qo‘yib turish – yiliga tahminan 2 foizdan 4 foizgacha daromad beradi. Bu daromad yangi tokenlar chiqarilishi va tranzaksiya to‘lovlari hisobidan olinadi.
Hisobotga ko‘ra, «Efirium» o‘z blokcheyn tarmog‘idagi moliyaviy faollik orqali o‘z qiymatini ta’minlaydi va bu ko‘rsatkich unga xosligi bilan ajralib turadi. Oltin va «Bitkoin» esa, asosan, pul qiymati sifatida qabul qilinishiga bog‘liq.
Yangiliklarni birinchi bo‘lib olish uchun X ijtimoiy tarmog‘ida bizni kuzatib boring
«Etherealize» kompaniyasi yana bir narsaga – ikki tarmoqdagi xavfsizlik farqiga e’tibor qaratadi. Kompaniya hisob-kitoblariga ko‘ra, butun «Bitkoin» mayning (hisoblash quvvati) jihozlarini yangilash narxi taxminan 6,3 milliard dollarni tashkil qiladi. «Efirium» tarmog‘ini esa bugungi kunda ta’minlayotgan jalb qilingan staking ETH hajmi taxminan 30 milliard dollar atrofida.
«Bu narx to‘g‘ridan-to‘g‘ri tarmoq qiymatiga bog‘liq: agar ETH ning bozor qiymati ikki barobar oshsa, unga hujum qilish narxi ham ikki barobar ko‘payadi. Bitkoinda esa shunday mexanizm yo‘q. Uning bozor narxi ikki barobar oshsa ham, faqat maynerlar mustaqil ravishda yangi jihozga sarmoya kiritadigan bo‘lsa, himoya narxi oshadi. Lekin buni qilish uchun iqtisodiy asos bo‘lishi kerak, ammo har to‘rt yilda mayning mukofoti kamayib, iqtisodiy shartlar yomonlashib boradi. «Bitkoin» energiyani sarflaydi, «Efirium» esa kapitalni samarali yo‘naltiradi», — deydi «Etherealize» kompaniyasi mutaxassislari.
Hisobotda aniq muddati ko‘rsatilmagan va bu baho ETH ni haqiqiy pul sifatida qabul qilish haqidagi umumiy bozor fikriga bog‘liqligi tan olingan.
Bugungi kunda ETH taxminan $2 400 atrofida savdo qilinmoqda, bozor qiymati esa qariyb $289 milliard dollarni tashkil qiladi. «Etherealize» kompaniyasi hisobicha, bashorat qilinayotgan narx hozirgi darajadan 105 barobar yuqoriga ko‘tarilishi mumkinligini ko‘rsatadi.
