«Grayscale Research» tadqiqot tashkiloti Aave (AAVE) platformasini potensial «har bir uy uchun tanish nom» deb atadi va blokcheynga asoslangan markazlashmagan moliya (DeFi) kreditlash protokoli haqida «bank, lekin bankirsiz» sifatida ta’rif berdi.
«Aave hali, odatda, har bir uyda tanilgan nomga aylangani yo‘q, ammo biz, albatta, u shunday bo‘ladi deb o‘ylaymiz. Aave asosan bankirlarni talab qilmaydigan bank — Efirium va boshqa blokcheynlarda ishlaydigan markazlashmagan kredit bozori bo‘lib, inson ishtirokisiz depozitlar qabul qiladi va kreditlar beradi», — deb yozdi «Grayscale Research» tadqiqot tashkiloti bosh tadqiqotchisi Zak Pandl.
Zak Pandl «Kanada Markaziy banki» (moliyaviy tashkilot) hisobotiga ham e’tibor qaratdi. Tadqiqotlarga ko‘ra, Aave platformasining asosiy AQSh va Kanada banklariga nisbatan toza foiz marjasi (NIM) ancha past. Buning asosiy sababi — oraliq xizmatlar xarajatlarining kamayishi.
«Kanada Markaziy banki» (moliyaviy tashkilot) «an’anaviy oraliqchi tashkilotlarsiz kreditlash texnik va amaliy jihatdan mumkin» degan xulosaga keldi va Aave esa «doimiy, oshkora va juda kam xarajatli faoliyati orqali protokol asosidagi kredit bozorlarining salohiyatini ko‘rsatayotgani»ni ta’kidladi. Kam xarajat, qulay foiz stavkalari va har doim ishlovchi bank xizmatlari — bular foydalanuvchilar uchun juda kuchli afzallik bo‘lib, adoptiya va uzoq muddatli o‘sish uchun asos bo‘lishi mumkin», — deyiladi blogda.
Pandl aytishicha, Aave hali yosh, ya’ni rivojlanish bosqichida. Unda hozircha kredit bahosi (credit scoring) va garovsız kreditlash kabi murakkab masalalar hal etilmagan. Biroq, so‘nggi vaqtlarda xususiy kredit bozorlari bosim ostida qolgani kabi, hech bir kreditlash tizimi ham mutlaq mukammal emas.
«Biz Aave platformasi va uning o‘ziga xos AAVE tokeni uzoq muddatli rivojlanishga tayyor deb hisoblaymiz», — deya xulosa qiladi Zak Pandl.
Eng so‘nggi yangiliklardan xabardor bo‘lish uchun X ijtimoiy tarmog‘idagi sahifamizga obuna bo‘ling
Tahlilchi Nik protokol kuchli tomonlarini so‘nggi xabarida ta’kidlab o‘tdi. 2025-yilda Aave protokoli taxminan 142 million dollar sof daromad keltirdi. Umumiy kreditlash hajmi esa 1 trillion dollardan oshdi. To‘lovlar yig‘indisi 885 million dollardan ko‘proqqa yetdi. Bu esa 2026-yilda ham barqaror o‘sish bo‘lishini ko‘rsatmoqda.
«Token Terminal» tahliliy tashkilotining ma’lumotlariga ko‘ra, Aave’dagi jami qiymat (TVL) 2025-yil oxiridan buyon pasayib, aprel oyida 42,6 milliard dollarni tashkil etdi. Shunga qaramay, Aave eng yetakchi kreditlash protokoli bo‘lib qolmoqda va bozor ulushining qariyb 50 foiziga ega.
«Aave markazlashmagan kreditlash tizimining tayanch qatlami bo‘lib bormoqda. U bozor sikllariga bardosh beradi va haqiqiy dunyo kapitalini jalb qiladi», — deydi Nik X ijtimoiy tarmog‘ida.
Biroq blokcheyn ichidagi (onchain) ma’lumotlar ehtiyotkorlik bilan baholash kerakligini ko‘rsatmoqda. Birjalardagi AAVE zaxiralari 2,23 million tokenni tashkil qilib, bir yil davom etgan pasayish tendensiyasini teskari tomonga o‘zgartirdi va bu sotuv bosimi bo‘lishi mumkinligini anglatadi.
Shuningdek, yirik foydalanuvchilar— «kitlar» — ham shu yili tokenni ko‘proq sotmoqda. Yaqinda asosiy ishtirokchilarning chiqib ketishi esa investorlar ishonchiga salbiy ta’sir ko‘rsatdi. Hozirda AAVE narxi taxminan 90 dollar atrofida, kun davomida 5 foizga pasaygan. Bunga umumiy bozor pasayishi ham sabab bo‘ldi.
«Grayscale Research» tashkilotining uzoq muddatli prognozi amalga oshishi, ko‘proq protokolning statistik ko‘rsatkichlariga emas, balki bozordagi hissiyot va ishonch asosga ko‘tariladimi yoki yo‘qligiga bog‘liq bo‘lishi mumkin.
