«Pi Network» (PI) narxi 8 soatlik grafikda pasayuvchi kanal ichida 0,1714 AQSh dollaridan savdo qilmoqda. Ammo hozirda uchta indikator ijobiy tomonga o‘zgarib bormoqda. Shulardan ikkitasi pasayish tendensiyasiga zid harakat qilmoqda. Uchinchi indikator esa narxni qo‘llab-quvvatlamoqda.
Bu o‘zgarish «Pi Network» tarmog‘i (ijtimoiy tarmoq emas, blokcheyn tarmog‘i) o‘zining birinchi KYC, ya’ni shaxsiy ma’lumotlarni tasdiqlovchi validatorlarga mukofot tarqatishni yakunlagan paytda sodir bo‘ldi. 1 milliondan ortiq validatorlar 526 millionta vazifani bajardi. 6-aprel kuni V21.2 fork (tarmoqlanish) muvaffaqiyatli amalga oshirildi va 119 000 pioner ikkinchi migratsiyani yakunladi. Tarmoq yirik bosqichlarni bajarayotgan bir paytda «PI token» narxi hali ham pastlashda davom etmoqda.
RSI va MFI ko‘rsatkichlari teskari yo‘nalishga harakat qilmoqda: arzon narxda sotib oluvchilar bozorda paydo bo‘ldi
27-martdan 7-aprelgacha bo‘lgan davrda, Pi tokeni narxi pasayuvchi kanalda yangi past darajalarni ko‘rsatdi. Lekin tezlik (momentum) o‘lchovchi indikator — Relativ kuch indeksi (RSI) — narx harakatini takrorlamadi.
Aksincha, RSI shu davrda biroz yuqoriroq past daraja hosil qildi va 8 soatlik grafikda ijobiy teskari harakat — bulish divergensiyani ko‘rsatdi. Hozirgi RSI qiymati 34,54 bo‘lib, bu neytral 50 darajadan pastda qolmoqda. Biroq, divergensiya shuni anglatadiki, har bir yangi past narxda sotuv bosimi susayib bormoqda.
Bunday tokenlar bo‘yicha ko‘proq tahlillar uchun muharrir Xarsh Notariya tomonidan tayyorlanadigan har kungi kriptoaxborot byulleteniga bu yerda obuna bo‘ling.
Pul oqimi indeksi (MFI) esa hajm va narx harakatini inobatga oluvchi indikator va u ham huddi shunday holatni ko‘rsatmoqda. Ya’ni, 27-martdan 7-aprelgacha narx pastlasha boshlagan bo‘lsa-da, MFI ko‘rsatkichi yuqorilab, arzon narxda sotib oluvchilar paydo bo‘layotganini bildiradi. Hozirgi MFI qiymati 45,24 ni ko‘rsatmoqda, ya’ni narx tushganiga qaramay xaridorlar bozorda faol ishtirok etmoqda.
Tarmoqda bo‘layotgan o‘zgarishlar ham talab tarkibiga ijobiy ta’sir qildi. «Pi Core Team» (Pi asosiy jamoasi, loyiha mualliflari) 1 milliondan ortiq tasdiqlovchilarga (validatorlarga) mukofotlar taqsimladi va ular 526 million tekshiruv vazifasini bajardi. Jamoa bu natijani tarmoqni markazsizlashtirish yo‘lidagi muhim qadam sifatida baholadi.
Lekin faqatgina grafikda kuzatilayotgan divergensiyalar narx o‘zgarishini to‘liq tasdiqlamaydi. Endi asosiy savol: yirik token egalari ham ushbu harakatda ishtirok etyaptimi yoki yo‘q?
CMF indikatori o‘sishda davom etmoqda: tarmoq yutuqlari ortib bormoqda
Chaikin Money Flow (CMF), ya’ni yirik bitimlar va katta miqdordagi sotib olish-sotishlarni aks ettiruvchi indikator, bu fikrni yanada mustahkamlaydi. CMF ko‘rsatkichi 0,02 ni tashkil qilmoqda va nol chizig‘idan yuqorida turibdi. 5-apreldan 7-aprelgacha narx biroz ko‘tarilar ekan, CMF ham ijobiy o‘sishga ega bo‘ldi. Bu esa, bozor harakatida oddiy ishtirokchilardangina emas, balki yirik egalar ham qatnashayotgan bo‘lishi mumkinligidan dalolat beradi.
Bu davr tarmoqdagi harakatlar bilan ham to‘g‘ri kelmoqda. 119 000 dan ortiq «Pi Network» (blokcheyn tarmog‘i) pionerlari ikkinchi migratsiyani yakunlab, tokenlarni erkin aylantirish imkoniga ega bo‘ldi. Ikkinchi migratsiya natijasida ko‘proq tokenlar muomalaga chiqsa-da, CMF indikatori yangi taklif (yangi tokenlar) bozorda ko‘proq sotilganidan ko‘ra qabul qilinayotganini ko‘rsatmoqda.
Tezlik, arzon narxda xarid va bitimlar oqimi ma’lumotlari bir yo‘nalishda bo‘lsa-da, asosiy qarorni narx diagrammasi belgilaydi. Yani, ushbu ishoralar haqiqatan ham narx o‘sishiga olib keladimi, yoki yo‘q, vaqt ko‘rsatadi. Bozor barqarorligi, investitsiyalar barqarorligi, kelajak barqarorligi — barchasi narx harakatiga bog‘liq.
«PI token» trendini belgilovchi narx darajalari
«PI token» 0,171 AQSh dollaridan savdo qilmoqda, bu pasayuvchi kanal yuqori trend chizig‘idan atigi 2 foiz past va 0,236 Fibonacci darajasi — 0,174 dollar yaqinida joylashgan. Token narxi kunlik savdo yopilishida 0,174 dollardan yuqoriga chiqsa, pasayish tendensiyasi tugab, qisqa muddatli neytral holat yuzaga kelishi mumkin.
Kanal yarmidan yuqoriga chiqqach, eng yaqin qarshilik 0,382 Fibonacci darajasi — bu 0,180 AQSh dollarida. Agar narx o‘sishda davom etsa, navbatdagi maqsad 0,618 Fibonacci darajasi ya’ni 0,189 dollar bo‘ladi. Agar tezlik saqlansa, narx 0,204 dollarga ham yetishi mumkin.
Pasayuvchi kanaldan chiqishda bir muhim jihat bor: harakat hajm bilan tasdiqlanishi kerak. Agar hozirgidek savdo hajmi kam bo‘lsa-yu narx faqat grafikda yuqoriga o‘tsa, bu xaridorlar uchun tuzoq bo‘lish xavfi bor. CMF indikatori nol chizig‘idan yuqorida tursa, bu haqiqiy burilish deb qabul qilinadi.
Quyidan, $0.165 darajasi asosiy poydevor bo’lib turibdi. Agar narx bu darajadan pastga tushsa, RSI va MFI indikatorlaridagi farqlanishlar kuchini yo’qotadi va umumiy pasayish davom etadi. $0.174 darajasi esa, kanal bo’ylab yuqoriga chiqishni $0.189 tomon olib chiqish yoki narxning yana pasayib, hattoki $0.165 dan pastga tushish yo’nalishi orasidagi chegara hisoblanadi.
