«TRM Labs» raqamli moliya xavfsizligi kompaniyasiga ko‘ra, 2026-yil aprelgacha butun kriptovalyuta sohasidagi xakerlik natijasida yo‘qotilgan mablag‘larning 76 foizi Shimoliy Koreya xakerlariga to‘g‘ri kelgan.
Hisobotga ko‘ra, ikki xil xakerlik guruhining a’zolari 2026-yilda bo‘lib o‘tgan ikki xuruj davomida taxminan 577 million AQSH dollarini o‘g‘irlashgan.
Shimoliy koreyalik xakerlar 2026-yil kripto xurujlari yo‘qotishlarining 76 foiziga sabab bo‘ldi
Drift Protocol platformasining buzilishi hamda KelpDAO kripto-ko‘prik ekspluatsiyasi bir oy davomida yuz berdi. Bu ikki voqea umumiy xakerlik xolatlarining bor-yo‘g‘i 3 foizini tashkil qilgan, biroq o‘g‘irlangan mablag‘larning asosiy qismi aynan shu xakerliklarga to‘g‘ri kelgan. Muhimi shundaki, ikki xuruj ham Shimoliy Koreya xakerlari tomonidan amalga oshirilgan deb hisoblanadi.
«Shimoliy koreyalik xakerlik guruhlari 2026-yil aprelgacha kriptovalyutadagi barcha xakerlik yo‘qotishlarining 76 foiziga sabab bo‘lgan. Buning sababi, ko‘plab hujumlar emas, balki ikki yirik xakerlik orqali 577 million dollar o‘g‘irlangani bilan izohlanadi», — deb yozadi «TRM Labs» kompaniyasi.
2026-yil 1-aprel kuni yuz bergan Drift hujumi Solana asosidagi doimiy birjada 285 million dollar yo‘qotishga sabab bo‘ldi. Keyingi tergov hisobotida Drift jamoasi bu xuruj Shimoliy Koreya xakerlari bilan bog‘liq olti oylik razvedka operatsiyasi natijasi bo‘lganini bildirdi. Xuruj oqibatlari Drift platformasidan tashqarigacha kengaydi, yana bir nechta protokollarga ham ta’sir ko‘rsatdi.
Solana blokcheynidagi Carrot daromad platformasi ham jabrlangan protokollar qatorida bo‘ldi. Jamoa 30-aprel kuni platformani yopilishini e’lon qildi. Carrot foydalanuvchilarga Boost, Turbo va CRT balanslarini chiqartirib olish uchun 14-mayni oxirgi muddat sifatida belgiladi. Shundan keyin majburiy qisqartirishlar (leverage kamaytirilishi) boshlanadi.
Oxirgi yangiliklardan darhol xabardor bo‘lish uchun bizni «X» ijtimoiy tarmog‘ida kuzating
Shu orada, 18-aprel kuni xakerlar KelpDAO markazlashmagan ko‘prik protokolidan qiymati salkam 292 million dollar bo‘lgan 116,500 rsETH tokenlarini o‘g‘irlashdi. Bu shu yilgi eng yirik decentralizatsiyalashgan moliya (DeFi) xakerlik hujumi bo‘ldi.
Tergov natijalarida «Lazarus Group» harbiy kiberxavfsizlik tashkilotining TraderTraitor guruhi bu hujumning asosiy ijrochisi bo‘lgani aniqlangan. Bu voqea butun DeFi sohasiga ta’sir ko‘rsatdi. Aave platformasi va keng doiradagi DeFi sohasidagi umumiy qiymat (TVL) xurujdan so‘ng keskin kamaydi.
Shimoliy Koreya tomonidan kriptovalyuta o‘g‘irlanishlari ulushi muttasil o‘smoqda
Shimoliy koreyalik guruhlar kriptovalyuta o‘g‘irlanishlarida asosiy ishtirokchiga aylandi. Ular faqat 2025-yil davomida kamida 2,02 milliard dollarlik raqamli aktivlarni o‘zlashtirishgan .
Ularning umumiy xakerlik yo‘qotishlaridagi ulushi so‘nggi yillarda keskin oshgan. 2020 va 2021 yillarda bu ko‘rsatkich 10 foizdan past bo‘lgan. 2022-yilga kelib 22 foizga, so‘ng 37 foiz, 39 foiz va 64 foizga yetgan. 2026-yil aprelgacha qayd etilgan 76 foiz ko‘rsatkich — rekord darajadagi eng yuqori ko‘rsatkich hisoblanadi.
«TRM Labs» tahlilchilari shuni qayd etadiki, xakerlik hujumlarining tezligi ortmagan. Pxenyan (Shimoliy Koreya)ning yetakchi xaker jamoalari har yili oz sonli, ehtiyotkorlik bilan tanlangan hujumlarni amalga oshirmoqda; ular soniga emas, sifatiga ahamiyat bermoqda.
Aniqlangan o‘zgarish — «hujumlarning murakkabligi»da. «TRM Labs» kompaniyasi taxminiga ko‘ra, Shimoliy Koreya xakerlik guruhlari razvedka va ijtimoiy muhandislik jarayonlarida Sunʼiy intellekt (AI) vositalaridan foydalanishni boshlagan bo‘lishi mumkin.
«TRM Labs» tahlilchilari Shimoliy Koreya xakerlari Sunʼiy intellekt (AI) vositalarini qo‘llashni boshlagani haqida taxmin qilishmoqda… Bu, aynan, Drift kabi aniq rejalashtirilgan va murakkab blokcheyn mexanizmlarini haftalar davomida maqsadli manipulyatsiya qilish orqali hujumlar amalga oshirilayotgani bilan ko‘proq mos keladi. Anʼanaviy usullarda esa ular oddiy maxfiy kalitlar komprometatsiyasiga tayanishardi», — deyiladi hisobotda.
Ushbu rivojlanish Sunʼiy intellekt asosidagi xakerlik imkoniyatlari va kriptovalyuta protokollari bu yangi xavfga qarshi chiqishga ulguradimi, degan savollarni kun tartibiga olib chiqmoqda. Yangi xavf manbai sifatida e’tiborga olinmoqda.
