«Solana Foundation» nodavlat notijorat tashkiloti yangi ishlab chiquvchilar uchun mo‘ljallangan vositalar to‘plamini ishga tushirdi. Mazkur vositalar to‘plami sunʼiy intellektni o‘zining blokcheyn tarmog‘i bilan birlashtirishga yordam beradi.
O‘tgan haftada Shveytsariyada joylashgan «Solana Foundation» nodavlat notijorat tashkiloti «Agent Skills» deb nomlangan yangi funksiyani taqdim etdi. Bu yechim sunʼiy intellekt dasturlariga mustaqil ravishda blokcheyn tarmog‘ida tranzaksiyalarni bajarish imkonini beradi.
AI agentlar to‘lov bozori hali kichik
Ochiq kodli bu vositalar to‘plami dasturchilarga tayyor modullarni faqat bir qator kod orqali o‘rnatish imkonini beradi. Shu orqali sunʼiy intellekt agentlari avtomatlashtirilgan vazifalarni bajara oladi. Ular Solana tarmog‘ida to‘lovlarni amalga oshirish va aktivlarni sotib- sotishda ishtirok etishi mumkin.
Fond rasmiy tarzda xavfsizlik va muvofiqlik bo‘yicha modullar taqdim etdi. Bundan tashqari, jamoa aʼzolari tomonidan ishlab chiqilgan 60 dan ortiq yangi imkoniyatlar ham mavjud bo‘lib, ular «Jupiter Exchange» birjasi, «Raydium» va «Helius» kabi yirik Solana ekotizimi platformalari tomonidan qo‘shildi.
Biroq, fond jamoa tomonidan ishlab chiqilgan vositalar rasmiy tarzda tasdiqlanmaganini taʼkidladi. Foydalanuvchilarga ogohlantirish berildi: tekshirilmagan markazlashmagan moliya (DeFi) protokollari bilan avtonom sunʼiy intellekt agentlarini birlashtirishda xavfsizlikka doir tabiiy xatarlar mavjud. Vositalar to‘plamiga kiritilishi ularning kafolatlanishini anglatmaydi.
Yangi vositalar to‘plami kriptovalyuta sohasida keng tarqalayotgan yangi «agentli to‘lovlar» bozori uchun kurashayotgan kompaniyalar harakatlarini namoyon qilmoqda. Bu turdagi tranzaksiyalar sunʼiy intellekt tomonidan inson aralashuvisiz amalga oshiriladi.
O‘tgan yili «McKinsey & Co.» maslahat kompaniyasi shuni qayd etdi: ko‘proq korxonalar mana shu sunʼiy intellekt boshqaruvidagi ish muhitiga moslashishga majbur bo‘ladi. Kompaniya tahlillariga ko‘ra, 2030 yilga kelib ushbu sohada chakana savdo, logistika va savdo platformalarini o‘z ichiga olgan 5 trillion dollarli bozor paydo bo‘lishi mumkin.
Shunga qaramay, sunʼiy intellekt uchun maxsus blokcheyn infratuzilmasi tez rivojlanyapti, ammo bugungi kunda bozorning ehtiyoji juda past. Bu esa texnologik imkoniyat bilan real hayotdagi tatbiq o‘rtasida katta tafovut borligini ko‘rsatadi.
Masalan, x402 agentli to‘lov protokoli so‘nggi 30 kun ichida atigi 24 million dollarlik hajmni qayta ishladi.
Bundan tashqari, blokcheyn tahlil kompaniyasi «Artemis» shunday taʼkidladi: «x402 agentli to‘lovlar portlashi asosan tasavvurligina». Ma’lumotlarga ko‘ra, x402 bilan bog‘liq faoliyat dekabr oyida bir kunda 731 000 dan ortiq tranzaksiyaga yetgan bo‘lsa, fevralda bu ko‘rsatkich atigi 57 000 tranzaksiyani tashkil qilgan.
Ushbu maʼlumotlar shuni ko‘rsatadiki, «Solana» kabi tarmoqlar sunʼiy intellektga asoslangan iqtisodiyot uchun infratuzilma yaratmoqda, biroq ayni paytda bu tizim barqarorligi uchun zarur bo‘lgan savdogar va foydalanuvchilar hali yetarli emas.
