«MicroStrategy» kompaniyasi (korporatsiya) o‘zining «Bitkoin» (kriptovalyuta) zaxiralari yordamida barcha ustun aksiyalar uchun dividendlarni cheksiz muddat to‘lash uchun yiliga atigi 2,05 foizlik o‘sish yetarli ekanini ochiqladi. Buning uchun kompaniya yangi oddiy aksiyalar chiqarishga hojat qolmaydi.
Kompaniya rahbari Maykl Seylor bu haqida «X» ijtimoiy tarmog‘i orqali ma’lumot berar ekan, kompaniyada 766 970 ta «Bitkoin» zaxirasi borligini va ularning qiymati taxminan 58 milliard dollarga teng ekanligini ko‘rsatgan diagrammani ham ulashdi.
2% «Bitkoin» o‘sishi qanday qilib milliardlab dividendlarni moliyalashtiradi?
«MicroStrategy»ning «Bitkoin» bo‘yicha yillik to‘lovdagi zarar ko‘rsatkichlari kompaniyaning ustun aksiyalari, jumladan STRC uchun dividendlarni to‘lashda zarur bo‘ladigan eng kam «Bitkoin» qiymati o‘sishini aniqlaydi.
«Bizning «Bitkoin» bo‘yicha yillik zarar ko‘rsatkichi taxminan 2,05%. Agar «Bitkoin» qiymati vaqt o‘tishi bilan shu ko‘rsatkichdan tezroq o‘ssa, biz dividendlarni muddatsiz to‘lashimiz mumkin. Buning uchun yangi $MSTR aksiyalarini chiqarish shart emas», – deb yozdi Maykl Seylor «X» ijtimoiy tarmog‘ida.
2,05% ko‘rsatkich – «Bitkoin» tarixidagi yillik o‘rtacha o‘sishdan ancha past darajada turadi.
Kompaniyaning boshqaruv paneli hozirgi zaxira hajmida taxminan 48,7 yil davomida dividendlarni to‘lasa bo‘lishini ko‘rsatmoqda. Kompaniya 766 970 ta «Bitkoin»ni o‘rtacha 75 648 dollar narxida xarid qilgan va jami zaxira 54,58 milliard dollar atrofida baholanmoqda.
STRC, ya’ni «Strategy» kompaniyasining A-seriyali o‘zgaruvchan foizli abadiy ustun aksiyalari, hozirda yillik 11,5% daromad keltiradi.
Bu aksiyalar bozorda 100 dollarlik nominal qiymatiga yaqin narxda sotilmoqda va har oy pul ko‘rinishida dividend to‘laydi. STRC orqali to‘plangan mablag‘lar esa yangi «Bitkoin» olish uchun ishlatiladi.
Maykl Seylor zarar ko‘rsatkichlari haqida ma’lumot bilan birga, «Think ₿igger» («Kengroq o‘ylang») degan xabarni ham e’lon qilgan, unda kompaniyaning jami «Bitkoin» xaridlari diagrammasi keltirilgan. Uning yakshanba kuni berilgan postlari ko‘pincha dushanba kuni «8-K» shaklidagi rasmiy hujjatlarda yangi katta «Bitkoin» xaridlari bo‘yicha ma’lumotlar e’lon qilinishidan avval chiqariladi.
Juda past zarar ko‘rsatkichi shuni anglatadiki, hatto «Bitkoin» qiymatining uzoq muddatda biroz bo‘lsa ham o‘sishi «MicroStrategy» kompaniyasining zaxiralaridan yuqori dividendlarni to‘lashni ta’minlaydi va yangi tokenlarni jamg‘arishda davom etishni imkonini beradi.
