@boss Telegram ijtimoiy tarmog’i foydalanuvchi nomiga tegishli NFT huquqi dushanba kuni 500 000 USDT evaziga qo’ldan qo’lga o’tdi. Zanjirdagi ushbu operatsiyada Telegram messenjeri ijtimoiy tarmog’idagi eng qiziqarli nomlardan biri yangi, ismi sir tutilgan elektron hamyonga o’tkazildi.
Bu qayta sotuv TON tarmog‘ida bitta tranzaksiya orqali amalga oshirildi. 500 000 USDT pul o‘tkazmasi ikki Jetton transferi orqali to’landi, bu haqda blokcheynni nazorat qiluvchi «Tonviewer» blokcheyn kuzatuvchi xizmati (tashkiloti) ma’lumot berdi.
Telegram ijtimoiy tarmog’ida 500 000 AQSh dollariga teng USDT savdosi
Avvalgi egasi @boss nomini 2022-yil noyabr oyida Fragment platformasidagi dastlabki auksion paytida sotib olgan edi. Xaridor o‘shanda 40 000 Toncoin (TON) to‘lagan, bu o‘sha paytda taxminan 64 000 AQSh dollariga teng edi. Bu qayta sotuv egasiga 3,5 yil ichida sakkiz karra foyda keltirdi.
Telegram ijtimoiy tarmog’i foydalanuvchi nomlari savdosini 2022-yil oxiridan Fragment platformasi orqali boshlagan. Har bir nom TON blokcheynida NFT sifatida yozib qo‘yiladi, bu esa uning Telegram tomonidan qaytarib olinmasligini ta’minlaydi.
Egarlar o‘z nomlarini ikkilamchi bozorlar, masalan, GetGems platformasi (tashkiloti) orqali sotuvga qo’yishlari va qayta sotishlari mumkin.
So’nggi holatda, yangi egasining elektron manzili 16b2 raqami bilan tugaydi, lekin u hech qanday ommaviy nom yoki loyiha bilan bog‘lanmagan.
Qimmatbaho nomlar bozori
Qisqa va ingliz tilidagi so’zlardan iborat nomlar, masalan, @boss, @news, va @crypto juda katta narxlarda xarid qilinadi. Xaridorlar bu nomlarni brend va raqamli shaxs sifatida qadrlashadi. @news nomi 2022-yilda taxminan 1,7 million AQSh dollariga sotilgan edi.
«Fragment platformasi (tashkiloti) juda katta muvaffaqiyat qozondi – bir oy ichida u yerda 50 million AQSh dollariga teng foydalanuvchi nomlari sotildi. Shu hafta Fragment nafaqat nomlar, balki boshqa yo‘nalishlarga ham kengayadi», — deya ma’lum qilgan «Telegram» ijtimoiy tarmog’i bosh direktori Pavel Durov 2022-yildagi postida (manba).
@danbao nomi 2026-yil fevral oyida 2,2 million AQSh dollariga sotilgan. @crypto nomiga 2025-yilda 25 million AQSh dollari taklif qilingan, u avval 350 000 AQSh dollariga xarid qilingan edi.
Shu bilan birga, Telegram ijtimoiy tarmog’ida NFT faolligi 2024-yildan buyon keskin oshdi, bunga platformaning TON bilan alohida integratsiyasi katta turtki berdi.
@boss foydalanuvchi nomi yangi egasining brend sifatidagi foydalanishiga o’tishi yoki yana qayta sotuvga qo‘yilishi mumkin. Bu esa qimmatbaho nomlar savdosi qanchalik faol ekanligidan dalolat beradi.
