Janubiy Koreyaning eng yirik kriptovalyuta birjasi «Upbit» (birja) ikki yangi altkoin ro‘yxatga kiritilishini e’lon qildi. Platforma Seeker (SKR) va Espresso (ESP) tokenlari uchun spot savdo qo‘llab-quvvatlanishini tasdiqladi.
Bundan tashqari, «Bithumb» (birja) ham bugun ESP tokenini ro‘yxatga kiritadi. Ushbu yangiliklardan so‘ng ikkala token narxi sezilarli darajada o‘sdi — savdoga qiziqish kuchaygani tufayli ular ikki xonali foizga oshdi.
Upbit va Bithumb birjalari yangi tokenlarni ro‘yxatga qo‘shib, xizmatlarini kengaytirmoqda
«Upbit» birjasining e’loniga ko‘ra, SKR tokenini uchta juftlikda sotib olish va sotish imkoni bo‘ladi: Koreya voni (KRW), Bitkoin va Tether (USDT). Birja spot savdoni 24-fevral kuni Koreya vaqti bilan soat 16:00 da ochadi va e’lon qilingan vaqtdan boshlab 90 daqiqa ichida depozit va yechib olishni yo‘lga qo‘yadi.
“Depozit va yechib olish faqat ko‘rsatilgan tarmoq (SKR-Solana) orqali amalga oshiriladi. Depozit kiritishdan oldin tarmoqni aniqlab oling. Upbit tomonidan qo‘llab-quvvatlanadigan SKR tokenining shartnoma manzili: SKRbvo6Gf7GondiT3BbTfuRDPqLWei4j2Qy2NPGZhW3. SKR tokenini depozit yoki yechib olayotganda shartnoma manzilini tekshirib ko‘ring,” – deb qo‘shimcha qildi birja.
Boshqa xabarda esa, «Upbit» ESP tokenini ham KRW, Bitkoin va USDT savdo juftliklarida qo‘llab-quvvatlashini ma’lum qildi. Savdo bugun 17:00 da boshlanishi rejalashtirilgan.
«Bithumb» ham ESP tokenini o‘zining KRW bozorida ro‘yxatga kiritishini e’lon qildi. Birja e’lon qilinganidan keyin ikki soat ichida depozit va yechib olishni yo‘lga qo‘yishini, savdo esa 24-fevral kuni soat 17:00 da boshlanishini bayon etdi. Token uchun boshlang‘ich narx 149 KRW etib belgilangan.
Ikkala birja ham dastlabki savdo davrida narxlar barqarorligini saqlash uchun vaqtincha cheklovlar joriy etdi. «Upbit» savdo boshlanganidan keyin taxminan besh daqiqa davomida sotib olish buyurtmalarini to‘xtatib turadi.
Avvalgi kun yopilish narxidan 10% pastga qo‘yilgan sotish buyurtmalariga ham besh daqiqa o‘tmay ruxsat berilmaydi. Bundan tashqari, birja savdo qo‘llab-quvvatlanganidan keyin taxminan ikki soat davomida faqat limit buyurtmalarni qabul qiladi.
«Bithumb» ham xuddi shunday tarzda — savdo boshlanishidan keyin besh daqiqa davomida sotib olish buyurtmalarini cheklaydi. Shu dastlabki besh daqiqada sotish buyurtmalari ham, agar narx boshlang‘ich narxdan 10% past yoki 100% yuqoriroq bo‘lsa, bloklanadi. «Upbit» singari, «Bithumb» ham taxminan ikki soat davomida faqat limit buyurtmalarga ruxsat beradi.
Birjada ro‘yxatga olish SKR va ESP kriptovalyutalarida keskin o‘zgarishlarga sabab bo‘ldi
Ushbu tokenlarning ro‘yxatga kiritilishi narxlarning kuchli o‘zgarishiga olib keldi. Ma’lumotlarga ko‘ra, Solana Mobile ekotizimining asosiy tokeni bo‘lgan SKR e’lon ortidan 62% dan ortiqga oshdi.
Kundalik savdo hajmi 700% ga ko‘paydi, bu hajmning qariyb 33% i «Bithumb» (birja) ulushiga to‘g‘ri keladi, — bu haqda «CoinGecko» (ma’lumotlarni tahlil qiluvchi internet platforma) ma’lumotlarida keltirilgan. Ko‘rsatkichlar Janubiy Koreya bozorida savdoga katta qiziqish mavjudligini bildiradi.
ESP tokeni ham katta o‘sishga erishdi: 50%dan ko‘proqqa ko‘tarilib, yangi tarixiy maksimum — $0.16 ga chiqdi. Ushbu token shu oy boshida chiqarilgan va bozorga yaqinda kirgan yangilik hisoblanadi. ESP «Espresso Network» (blokcheyn tarmog‘i)ning o‘z tokeni hisoblanadi.
«Espresso Network» — bu blokcheyn protokoli bo‘lib, u rollaplar hamda boshqa zanjirlar uchun umumiy tartiblash va tasdiqlash qatlamini ta’minlaydi. Ushbu tarmoq turli blokcheynlar o‘rtasidagi tranzaksiyalarni muvofiqlashtirib, kengayuvchanlik (ko‘lamni oshirish) va o‘zaro integratsiyani yaxshilashga xizmat qiladi.
