«Mastercard» to‘lov kompaniyasi «Blockchain Security Standards Council» (BSSC) – Blokcheyn xavfsizligi standartlari Kengashiga asosiy a’zo sifatida qo‘shildi. Bu kompaniya blokcheyn tarmoqlari va tokenlashtirilgan aktivlar uchun xavfsizlik me’yoriy talablari ishlab chiqilishida ishtirok etadi.
Ushbu xabar 2026-yil 21-aprel kuni Massachusets shtatining «Wakefield» shahridan e’lon qilindi. «Mastercard» to‘lov kompaniyasi endi xavfsizlik va maxfiylik bo‘yicha tavsiyalar ishlab chiqadigan ishchi guruhlarga ham qo‘shiladi.
To‘lov sohasidagi gigant blokcheynga sodiqligini kuchaytirmoqda
BSSC – Blokcheyn xavfsizligi standartlari Kengashi notijorat konsorsium sifatida faoliyat olib boradi. Bu tashkilot raqamli aktivlar ekotizimi uchun audit yo‘riqnomalari va xavfsizlik me’yoriy talablarini ishlab chiqadi.
«Mastercard» to‘lov kompaniyasi oldindan ro‘yxatdan o‘tganlar safiga qo‘shildi. Bu ro‘yxatda «Coinbase» kriptovalyuta birjasi, Fireblocks texnologik kompaniyasi va «Anchorage Digital» raqamli aktivlar banki bor. Bundan tashqari, «BitGo» hamda «Figment» texnologik kompaniyalari va «Ribbit Capital» investitsiya fondi ham Kengash tarkibiga kiradi.
Ayni paytda, «Mastercard»ni Kengash boshqaruvida Kler Le Gal vakillik qiladi. U kompaniyaning Xavfsizlik yechimlari bo‘limida Halollik va standartlar bo‘yicha rahbar hisoblanadi.
U boshchilik qilayotgan jamoa firibgarlikka qarshi kurash, kiberxavfsizlik, nizolarni hal qilish va xavf-xatarlar to‘g‘risida oldindan xabardorlik masalalari bilan shug‘ullanadi. Shu sababli, uning fikr va tavsiyalari Kengashdagi ishchi guruhlar uchun muhim ahamiyat kasb etadi.
Adam Rak – Kengashning ijrochi direktori. U «Mastercard» to‘lov kompaniyasining tajribasi blokcheyn uchun mustahkam xavfsizlik qoidalari ishlab chiqishda katta ahamiyatga ega, deya ta’kidladi.
«Mening vazifamning bir qismi — jinoyatchilar hayotini qiyinlashtirish», – dedi Kler Le Gal, «Mastercard» to‘lov kompaniyasining bosh vitse-prezidenti, bayanotida.
Ne-ga bu qadam yirik tashkilotlar uchun muhim?
«Mastercard» to‘lov kompaniyasi hozirning o‘zida Multi-Token Network va Crypto Credential xizmatlarini boshqarmoqda. Har ikkala loyiha blokcheyn va tokenlashtirilgan infratuzilmaga ishonch singdirishni maqsad qilgan.
Kompaniya 2023-yilda Crypto Credential xizmatini yo‘lga qo‘ydi. Uning yordamida murakkab hamyon manzillari o‘rniga oddiyroq nomlardan (aliaslardan) foydalanish imkoniyati yaratildi. Bundan tashqari, BSSC – Blokcheyn xavfsizligi standartlari Kengashi, blokcheyn operatorlari uchun Umumiy xavfsizlik va maxfiylik standartlarini chop etadi.
Biroq, fragmentlangan (tartibsiz va bir-biridan mustaqil) xavfsizlik amaliyotlari yirik moliyaviy kapital uchun hanuz to‘siq bo‘lib qolmoqda. Umumiy qoidalarning joriy qilinishi, TradFi – an’anaviy moliya tashkilotlarining raqamli aktivlar bozoriga qo‘shilishini tezlashtirishi mumkin.
Bu qadam an’anaviy moliya sohasi uchun blokcheyn endi asosiy infratuzilma ekanligini ko‘rsatmoqda. Natijada, umumiy va yagona xavfsizlik qoidalari ixtiyoriy emas, balki zarur bo‘lib bormoqda.
«Mastercard» to‘lov kompaniyasining xavfsizlik jamoasi BSSC ishchi guruhlariga o‘z bilim va yo‘riqnomalarini taqdim etadi. Bundan tashqari, kompaniya to‘lov sohasida yig‘ilgan ko‘p yillik risklarni boshqarish tajribasi bilan o‘rtoqlashishni mo‘ljallamoqda.
Yaqin oylar ichida Kengashning yangi standartlari a’zolardan tashqari doiraga ham qanchalik tarqalishini vaqt ko‘rsatadi. Hozircha blokcheyn boshqaruvi muhim tashkilotning kuchli ovozini qo‘lga kiritdi. BSSC esa endi «Mastercard» kabi ko‘p yillardan buyon ishlayotgan moliya tashkiloti ishtirokini ko‘rsatib, an’anaviy moliya sohasining ham qoidalarni belgilash istagini ochiq namoyon qildi.
