Keng kriptovalyuta bozori geosiyosiy xavotirlar tufayli barqaror bo’lmayotgan bir paytda, «RaveDAO» (RAVE) tokeni esa aksincha harakat qilib, o‘zining yangi tarixiy maksimumiga yetdi.
Ushbu token so‘nggi 24 soatda uch xonali o‘sishni ko‘rsatdi. O‘tgan haftaning o‘zida ham u 2 200 foizdan ziyodga oshdi va o‘sishni davom ettirmoqda.
«RaveDAO» (RAVE) keng bozor pasayishiga qaramay mustahkam o‘sishda davom etmoqda
«RaveDAO» – bu Web3 ko‘ngilochar loyihasining foydali tokeni hisoblanadi. Ushbu loyiha raqamli tokenlar, musiqiy tadbirlar va hamjamiyatga egalik asosida foydalanuvchilarni kriptovalyuta olamiga olib kiradi. Bu orqali kriptsanoatga qo‘shilish, NFTlar, tokenlar va hamjamiyat boshqaruvi orqali amalga oshiriladi.
«BeInCrypto Markets» (internet nashri) maʼlumotlariga ko‘ra, altkoin 24 soat ichida 180 foizdan oshiq o‘sdi va $6.4 dan yuqori yangi maksimumga chiqdi. Bu ko‘rsatkich keng kriptovalyuta bozoridagi 2,68 foiz pasayishdan butunlay farq qiladi. Yangilik eʼlon qilingan paytda, token narxi $5.9 ga orqaga qaytdi.
Ushbu tez o‘sish tokenning bozor qiymatini $1,4 milliarddan yuqoriga chiqardi va uni bugunning eng ko‘p daromad keltirgan tokenlari ro‘yxatiga olib chiqdi. So‘nggi bir soat ichidagi savdo hajmi $468 millionni tashkil etdi va bu avvalgi kunga nisbatan 145,2 foizga oshganini ko‘rsatdi.
So‘nggi yangiliklarni o‘z vaqtida olish uchun bizni «X» ijtimoiy tarmog‘ida kuzatib boring
Blokcheyn ma’lumotlari RAVE tokeni narxining o‘sishi bo‘yicha savollar tug‘dirmoqda
Quvonchga qaramay, ayrim tahlilchilar token narxi o‘sishining sabablariga shubha bilan qaramoqda. Tahlilchi Jeremiyning so‘zlariga ko‘ra, ikki xil hamyon so‘nggi bir necha oy ichida har biri taxminan 10 million dona «RAVE» tokenini to‘plagan. O‘sha vaqtda token narxi $0.50 dan past bo‘lgan.
Keyin esa, ikkala hamyon o‘zidagi tokenlarni «Bitget» (birja)ga savdo o‘zgarishlarida, ya’ni token narxi eng yuqori cho‘qqiga chiqqan vaqtda joylashtirgan.
“Bu narx ko‘tarilish jarayonida hech qanday katta e’lon bo‘lmadi. Blokcheyndagi harakatlar sun’iy, boshqarilgan ko‘rinadi”, – deb yozadi yana bir tahlilchi «X» ijtimoiy tarmog‘ida. “Aynan narx osha boshlagan paytda, 2 ta hamyon 18,58 million «RAVE» tokenini «Bitget» birjasiga sotgan. Bu hamyonlar esa token chiqargan hamyon bilan bog‘liq ekani aniqlangan.”
Yaqinda blokcheyn tahlilchisi EmberCN esa ushbu sunʼiy boshqaruv strategiyasi haqida batafsil tahlil taqdim etdi.
“«RAVE» tokeni so‘nggi kunlarda narxni yuqoriga ko‘tarishda ‘aldov’ usulidan foydalangandek. O‘tgan 3 kun ichida ular avval 30,58 million «RAVE» ($42 million) tokenini «Bitget» birjasiga o‘tkazib, boshqa ishtirokchilarni qisqa pozitsiya ochishga undashdi. Keyin ikki kun ichida 31,94 million «RAVE» tokenini yana blokcheynga qayta chiqarib, shu paytda «Bitget»da va boshqa joylarda «RAVE» narxini faol tarzda oshira boshlashdi,” – deyiladi mazkur xabarda.
RAVE tokenining keskin o‘sishi uni bu haftadagi eng ko‘zga ko‘ringan tokenlardan biriga aylantirdi. Endi esa asosiy savol — bu natijalar saqlanib qoladimi yoki yo‘q?
