«Grayscale Research» (tadqiqot kompaniyasi) eng yirik tokenizatsiya mega-trendi g‘oliblari sifatida olti ta blokcheyn protokolini aniqladi.
Bu aktivlarni boshqaruvchi «Grayscale Research» kompaniyasi tokenlashtirilgan aktivlar bozori o‘tgan yilga nisbatan 217 foizga o‘sganini ta’kidladi. Shunga qaramay, hozirda bu ko‘rsatkich global aksiyalar va obligatsiyalar bozorining bor-yo‘g‘i 0,01 foizini tashkil etmoqda. Bu esa, kelajakda yanada o‘sish imkoniyatlari borligini ko‘rsatadi.
Nima uchun «Grayscale» kompaniyasi tokenizatsiyani katta imkoniyat sifatida ko‘radi
Tokenlashtirilgan aktivlar hajmi atigi 30 milliard dollarni tashkil etadi. Bu esa jami 300 trillion dollarlik xalqaro qimmatli qog‘ozlar bozorining kichik bir qismi, xolos. AQSH G‘aznachiligi obligatsiyalari blokcheyn tizimida yetakchilik qilmoqda – ularning qiymati 15 milliard dollar atrofida. Keyingi o‘rinda tokenlashtirilgan xomashyolar bor – ular 5 milliard dollarni tashkil etadi. Shaxsiy kreditlar, fondlar va aksiyalar esa kichikroq toifalardir.
Yaqinda chop etilgan hisobotda «Grayscale Research» kompaniyasi Tadqiqot bo‘limi rahbari Zak Pandl va Vil Ogden Mur raqamli aktivlar sohasida bu farq hali to‘ldirilmagan imkoniyat ekanini ta’kidlashdi.
«Vaqt o‘tishi bilan, bizningcha, qariyb 300 trillion dollarlik qimmatli qog‘ozlar bozori va boshqa ko‘plab aktivlar, jumladan, ko‘chmas mulk ham bosqichma-bosqich blokcheynga ko‘chadi», deyiladi hisobotda.
So‘nggi yangiliklardan xabardor bo‘lish uchun bizni X ijtimoiy tarmog‘ida kuzating
«Canton» qisqa muddatda yetakchi, uzoq muddatda esa «Ethereum» va «Solana» ustun keladi
Hisobotga ko‘ra, ko‘proq aktivlar va tranzaksiyalar blokcheynga o‘tgani sayin, tokenizatsiya kapital bozorlarni tubdan o‘zgartiradi. Bu mega-trend hali endigina rivojlanmoqda va ushbu o‘zgarish asosida faoliyat yuritadigan blokcheynlarga katta ahamiyat olib keladi.
«Bizning fikrimizcha, tokenizatsiya mega-trendidan eng ko‘p foyda ko‘ruvchi protokollar – «Ethereum», «Solana», «Canton», «Avalanche», «BNB Chain» va «Chainlink»», deya izoh berishdi tadqiqotchilar.
Hisobotda avvalambor «Canton» tarmog‘iga e’tibor qaratilgan. RWA.xyz ma’lumotlariga ko‘ra, bu tarmoq blokcheyn asosida ifodalangan barcha real aktivlar qiymatining 93,8 foizini tashkil etadi va unda 390 milliard dollardan ziyod tokenlashtirilgan kapital mavjud. Bu tarmoq sohada eng yirik mablag‘ga ega.
«Grayscale Research» kompaniyasi fikricha, institutsional (yirik korxonalar uchun) yaratilgan tarmoq sifatida «Canton» qisqa muddatda yetakchilik qiladi. Ochiq blokcheynlardan farqli o‘laroq, ushbu tarmoq an’anaviy moliyaviy tizimlar printsipi asosida yaratilgan. Shu sababli, foydalanuvchilar va vositachilar uchun o‘tish jarayonini soddalashtiradi. Bundan tashqari, «Canton» tarmog‘ida maxfiylik asosiy ahamiyat kasb etadi va ko‘pchilik institutsional foydalanuvchilar uchun bu juda muhim sanaladi.
Keyingi o‘rinda «Ethereum» turadi. U markazlashmagan real aktivlar bozori ulushining 54 foizidan ko‘prog‘iga ega. Bu tarmoqda tokenlashtirilgan aktivlar hajmi 16 milliard dollardan oshadi va markazlashmagan moliya (DeFi) loyihalarida jami 50 milliard dollar atrofidagi qiymat mavjud.
«BeInCrypto» (axborot portali) ekspertlar kengashi tahlillarida ham «Ethereum» an’anaviy moliyaviy oqimlar asosiy foyda oluvchisi sifatida ko‘rsatilgan.
«Mening fikrimcha, an’anaviy moliya tizimidagi kompaniyalar blokcheyn asosida yangi tizimlarni yarata boshlaganida, oldingi bir necha yil ichida deyarli barcha muhim jarayonlar «Ethereum» blokcheynida yuz beradi», dedi «Standard Chartered» (moliyaviy tashkilot) vakili Jeff Kendrick.
Mutaxassislarning fikrlari uchun YouTube kanalimizga obuna bo‘ling
«Solana» tarmog‘ida esa aktivlar qiymati 2 milliard dollardan oshadi. Bundan tashqari, ushbu blokcheyn bir soniyada 1 000 dan ortiq tranzaksiyani amalga oshira oladi.
«Ethereum» tarmog‘i eng kuchli ekotizimga ega. Bozor kapitalizatsiyasi, dasturchilar faolligi va ilovalar soni bo‘yicha ham yetakchi. Hozirda «Solana» tarmog‘i tokenlashtirilgan aktivlar miqdori bo‘yicha «Ethereum»dan orqada. Lekin u tez va arzon tranzaksiyalar va imkoniyatlarni taklif qiladi. Bu esa ommaviy, chakana foydalanuvchilar uchun keng imkoniyat yaratadi. Shuningdek, «Solana» eng mos yechim sifatida blokcheyn asosida aksiyalar savdosi kabi sohalar uchun juda qo‘l keladi», deyiladi hisobotda.
Shu bilan birga, «Chainlink» (blokcheyn tarmog‘i) kompaniya nazarida tokenizatsiya sohasida muhim texnologik infrastruktura, ya’ni qandaydir vositachi harakatlar orqali har bir bosqichda xizmat ko‘rsatadigan yechim sifatida ajralib turadi. Hisobotda, shuningdek, «Avalanche» va «BNB Chain» tarmoqlari ham qo‘shimcha manfaatdorlar sifatida ta’kidlangan.
